ပေါ်တူဂီ

August 31, 2021

ယူနိုက်တက်နှင့်ဆေးစစ်ပြီးနောက် ပေါ်တူဂီအသင်းတွင် စီရော်နယ်ဒို လေ့ကျင့်ခန်းပြန်ဆင်း

မန်ချက်စတာယူနိုက်တက်ကစားသမားသစ် စီရော်နယ်ဒိုဟာ ပေါ်တူဂီမှာ အသင်းနဲ့ ဆေးစစ်မှု လုပ်ဆောင်ပြီးတဲ့နောက်မှာ ပေါ်တူဂီလက်ရွေးစင်အသင်းနဲ့ လေ့ကျင့်ခန်းပြန်ဆင်းနေပြီလို့ သိရပါတယ်။ 

စီရော်နယ်ဒိုဟာ ပေါ်တူဂီအသင်းမှာ မန်ချက်စတာယူနိုက်တက်အသင်းဖော် ဘရူနိုဖာနန်ဒက်စ်နဲ့လည်း တွေ့ဆုံပြီး အတူစကားပြောခဲ့ကြတယ်လို့ သိရပါတယ်။ 

အလားတူ မန်စီးတီး ကစားသမားတွေဖြစ်ကြတဲ့ ဘရန်နာဒိုဆေးလ်ဗား၊ ကန်ဆယ်လို၊ ယူဘင်ဒီယက်ဇ်တို့နဲ့လည်း တွေ့ဆုံခဲ့ပြီး ပရီးမီးယားလိဂ်မှာတော့ ပြိုင်ဘက်အနေနဲ့ ရင်ဆိုင်ကစားရတော့မှာဖြစ်ပါတယ်။ 

မန်ယူအသင်းဟာ ရော်နယ်ဒိုနဲ့ ၂ နှစ်စာချုပ်ချုပ်ဆိုခဲ့ပြီး နောက်ထပ် တစ်နှစ် သက်တမ်းတိုးခွင့်ပါ စာချုပ်ထားတယ်လို့ သတင်းထွက်နေပါတယ်။

တချိန်တည်းမှာပဲ ရော်နယ်ဒို ထွက်ခွာတဲ့ အတည်ပြုသတင်းကို ဂျူဗင်တပ်စ်အသင်းက တရားဝင်သတင်းထုတ်ပြန်ခဲ့ပါတယ်။ 

ရော်နယ်ဒိုဟာ လာမယ့်စက်တင်ဘာ ၁၁ ရက်မှာ နယူးကာဆယ်နဲ့ ကစားမယ့်ပွဲမှာ ယူနိုက်တက်အတွက် ပွဲထွက် ကစားနိုင်ဖို့ရှိနေပါတယ်။

2 months Ago

June 16, 2021

ပေါ်တူဂီနှင့် ပြင်သစ် နိုင်ပွဲရပြီး ဂျာမနီရှုံးပွဲတွေ့

ဇွန်လ ၁၅ ရက်ညက ကန်သွားတဲ့ ယူရို ၂၀၂၀ ဘောလုံးပြိုင်ပွဲ  အုပ်စု (F) အဖွင့်ပွဲစဉ်မှာ  ပေါ်တူဂီက ဟန်ဂေရီကို ၃ ဂိုးပြတ်အနိုင်ရပြီး ပြင်သစ်က ဂျာမနီကို ၁ ဂိုး ဂိုးမရှိနဲ့ အနိုင်ရသွားပါတယ်။ 

ပေါ်တူဂီနဲ့ ဟန်ဂေရီပွဲစဉ်မှာ ပေါ်တူဂီက ဘောလုံးပိုင်ဆိုင်မှုရော ဂိုးကန်သွင်းခွင့်တွေပါ ပိုရခဲ့ပြီး အနိုင်ဂိုးတွေကိုတော့ ဒုတိယပိုင်းပွဲချိန် ၈၄ မိနစ်မှာမှ ဂူရာရီရိုက အဖွင့်ဂိုးသွင်းနိုင်ခဲ့ကာ စီရော်နယ်ဒိုက ပွဲချိန် ၈၇ မိနစ်မှာ တစ်ဂိုး၊ ပွဲချိန်မိနစ် ၉၀ အပြီး နာကျင်အချိန်ပိုမှာ ပင်နယ်တီ တစ်ဂိုး သွင်းယူခဲ့တာ ဖြစ်ပါတယ်။

ဒီပွဲမှာ ၂ ဂိုးသွင်းပြီး အကောင်းဆုံးဘောလုံးသမားဆုရခဲ့တဲ့  စီရော်နယ်ဒိုဟာ ယူရိုပြိုင်ပွဲမှာ ၅ ကြိမ်မြောက် ပါဝင်ကစားခဲ့တဲ့ ကစားသမားအဖြစ် စံချိန်သစ် တင်နိုင်ခဲ့သလို ယူရိုပြိုင်ပွဲတလျှောက် သွင်းဂိုးပေါင်းစုစုပေါင်း ၁၁ ဂိုးရှိလာပြီး ယူရိုပြိုင်ပွဲတိုင်းမှာ ဂိုးသွင်းနိုင်တဲ့ ကစားသမားအဖြစ်လည်း မှတ်တမ်းဝင်သွားပါတယ်။

ဒီပြိုင်ပွဲမှာ ဗိုလ်စွဲနိုင်တယ်လို့ ရေပန်းစားနေတဲ့ နာမည်ကြီး ပြင်သစ်နဲ့ ဂျာမနီတို့ပွဲစဉ်မှာတော့ ပြင်သစ်က ၁ ဂိုး ဂိုးမရှိနဲ့အနိုင်ရသွားပါတယ်။ ဒီပွဲမှာ ဂျာမနီက ပြင်သစ်ထက် ဘောလုံးပိုင်ဆိုင်မှုရော ဂိုးကန်သွင်းခွင့်တွေပါ ပိုရခဲ့ပေမဲ့ မိနစ် ၂၀ မှာ ဟမ်းမဲလ်ရဲ့ ကိုယ့်ဂိုးကိုယ်သွင်းမိပြီး ပေးလိုက်ရတဲ့ ဂိုးနဲ့ပဲ ဂျာမန်အသင်း အရေးနိမ့်ခဲ့တာ ဖြစ်ပါတယ်။

ဒီပွဲရဲ့ အကောင်းဆုံးကစားသမားဆုကိုတော့ ပြင်သစ်လက်ရွေးစင် မန်ယူကစားသမား ပေါ့ဘာက ရရှိသွားပါတယ်။ 

ဒီကနေ့ ဇွန်လ ၁၆  ရက်မှာတော့  အုပ်စု (A) က တူရကီနဲ့ ဝေလ်း၊  အီတလီနဲ့ ဆွစ်ဇာလန်၊   အုပ်စု (B) က ဖင်လန်နဲ့ ရုရှားအသင်းတွေ ယှဉ်ပြိုင်ကစားကြဖို့ရှိပါတယ်။

4 months Ago
More News
Up