ပေါလ်အင့်

July 21, 2020

မန်ယူဂိုးသမား ဒီဂီယာဟာ ကျောင်းသားရွယ်အမှားများ ကျူးလွန်နေဟု ပေါလ်အင့် ဝေဖန်

မန်ချက်စတာယူနိုက်တက် ဂိုးသမား ဒီဂီယာဟာ ကျောင်းသားအရွယ် အမှားတွေ လုပ်ဆောင်နေတယ်လို့ ကစားသမားဟောင်း ပေါလ်အင့်က ဝေဖန်လိုက်ပါတယ်။ မန်ယူနိုက်တက် ဂိုးသမား ဒီဂီယာဟာ ချဲလ်ဆီးအသင်းကို ရှုံးနိမ့်ခဲ့တဲ့ အက်ဖ်အေဖလား ဆီမီးဖိုင်နယ်မှာလည်း ဂျရူးနဲ့ မေဆန်မောင့်တို့ သွင်းယူသွားတဲ့ ဂိုးတွေမှာ အမှားမကင်းခဲ့တာပါ။   စပါးအသင်းနဲ့ ပွဲစဉ်မှာလည်း အမှားတစ်ကြိမ် ကျူးလွန်ခဲ့ဖူးပြီး ဒီဂီယာအနေနဲ့ ကျောင်းသားအရွယ် အမှားတွေ လုပ်ဆောင်နေတာဖြစ်ပြီး တစ်ကြိမ်တစ်ခါ အမှားလည်း မဟုတ်တော့ကြောင်း ပေါလ်အင့်က ဝေဖန်ခဲ့တာပါ။ သူ့ရဲ့ အသက်အရွယ်၊ အတွေ့အကြုံနဲ့ အဲဒီလိုအမှားတွေ မရှိသင့်တော့ကြောင်းနဲ့ နိုင်ပွဲအတွက် ဆာလောင်မှုတွေ ပျောက်ဆုံးနေကြောင်း မန်ယူကစားသမားဟောင်း ပေါလ်အင့်က ပြောပါတယ်။ လာမယ့်ရာသီမှာတော့ ဒီဂီယာရဲ့နေရာမှာ ရှက်ဖီးမှာ အငှားကစားနေတဲ့ ဒီးဟန်ဒါဆန်ကို ပြန်ခေါ်ပြီး ပွဲထွက်ခွင့်ပေးနိုင်တယ်လို့လည်း ပေါလ်အင့်က သုံးသပ်ပါတယ်။
9 months Ago

May 5, 2020

ပေါ့ဘာကို ရောင်းချရန် မန်ယူကစားသမားဟောင်း ပေါလ်အင့် တိုက်တွန်း

ပေါ့ဘာကို ရောင်းချသင့်ပြီလို့ မန်ယူကစားသမားဟောင်း ပေါလ်အင့်က တိုက်တွန်းလိုက်ပါတယ်။ မန်ချက်စတာယူနိုက်တက် ကွင်းလယ်လူ ပေါ့ဘာဟာ အခုနှစ်ဘောလုံးရာသီမှာ ဒဏ်ရာပြဿနာတွေကြောင့် စုစုပေါင်း ၈ ပွဲသာ ကစားပေးထားပါတယ်။ ဒဏ်ရာရရှိနေချိန်မှာ အပြောင်းအရွှေ့သတင်းတွေ အမြဲတမ်းထွက်ပေါ်ခဲ့ပြီး သူ့ရဲ့အေးဂျင့်ဖြစ်သူနဲ့ အသင်းနည်းပြ ဆိုးလ်ရှားတို့အကြားမှာလည်း တင်းမာမှုတွေ ရှိခဲ့တာပါ။  မန်ယူကစားသမားဟောင်း ပေါလ်အင့်ကတော့ ပေါ့ဘာနဲ့ သူ့ရဲ့အေးဂျင့်တို့ရဲ့ အပြုအမူတွေဟာ တခြားကစားသမားတွေကိုပါ လမ်းလွဲရောက်နိုင်ပြီး ပေါ့ဘာအနေနဲ့ အသင်းမှာ ဆက်ရှိဖို့ မဖြစ်နိုင်တော့ဘဲ ရောင်းချသင့်ပြီလို့ တိုက်တွန်းခဲ့တာပါ။  နည်းပြဆိုးလ်ရှားအနေနဲ့ ပေါ့ဘာကို ရောင်းချလိုက်လို့ ဘာပြဿနာမှ မရှိနိုင်ကြောင်းနဲ့ လာမယ့်ရာသီမစခင်မှာ ဆုံးဖြတ်ချက်ချဖို့လိုကြောင်း ပေါလ်အင့်က တိုက်တွန်းလိုက်ပါတယ်။ ၂၀၂၁ ခုနှစ်မှာ စာချုပ်သက်တမ်း ကုန်ဆုံးမယ့် ပေါ့ဘာကို ဂျူဗင်တပ်စ်၊ ရီးရဲလ်မက်ဒရစ်အသင်းတွေက ခေါ်ယူလိုနေပါတယ်။ 
12 months Ago
Up