ပေါက်ကွဲမှုဖြစ်

A d v e r t i s e m e n t With Us

October 8, 2020

ပြင်သစ်၌ ရေကြီးစဉ် တံတားတစင်း ပြိုကျပြီး ပေါက်ကွဲမှုဖြစ်သည့်ရုပ်သံ ထွက်ပေါ်

ပြင်သစ်နိုင်ငံတောင်ပိုင်းက စိန့်မာတင်ဗေဆူဘေးမြို့မှာ အောက်တိုဘာ ၂ ရက်နေ့က ရေကြီးနေတုန်း တံတားတစင်းက လျှပ်စစ်ဓာတ်ကြိုးဖြစ်ပုံရတဲ့ ကြိုးတန်းပေါ် ပြိုကျခဲ့လို့ အသေးစားပေါက်ကွဲမှု ဖြစ်ခဲ့တဲ့ ရုပ်သံဖိုင် ထွက်ပေါ်လာပါတယ်။  ဒီဖြစ်ရပ်ကို ဝါသနာရှင် တယောက်က ရုပ်သံရိုက်ကူးထားခဲ့တာဖြစ်ပြီး တံတားရှိတဲ့ နေရာက တံတားကျိုးကျပြီး မီးလောင်းကာ မီးခိုးတွေ ထွက်လာတာကိုလည်း ရုပ်သံမှာ မြင်ရပါတယ်။ သီတင်းပတ်ကုန်ရက်က အဲလက်စ်မုန်တိုင်း တိုက်ခတ်လို့ ရာစုနှစ်တခုကျော်အတွင်း အဆိုးဆုံး ရေဘေးသင့်ခဲ့တယ်လို့ နီးစ်မြို့ရဲ့မြို့တော်ဝန်က ပြောပါတယ်။  မြို့ဝန်းကျင်က ရွာအတော်များများ ကျယ်ကျယ်ပြန့်ပြန့် ပျက်စီးခဲ့ပြီ ရေဘေးကြောင့် လူ ၄ ယောက် သေဆုံးကာ ၁၈ယောက် ပျောက်နေတယ်လို့ အာဏာပိုင်တွေက ဒီအပတ်ထဲမှာ ပြောပါတယ်။  အောက်တိုဘာ ၃ ရက်က ရွာတဲ့ မိုးရေချိန်ဟာ စိန့်မာတင် ဗေဆူဘေးမြို့မှာ ၂၄ နာရီအတွင်း လက်မ ၂၀ နီးပါး ရွာခဲ့ပြီး တခြားမြို့တွေမှာတော့ ၁၆ လက်မနီးပါး ရွာခဲ့လို့ အရင်နှစ် ခုလိုအချိန်မှာ ရွာတဲ့ ၃ လစာ မိုးရေချိန်နဲ့ ညီမျှတယ်လို့ ပြင်သစ်မိုးလေဝသဌာနက မှတ်တမ်းတင်ခဲ့ပါတယ်။ 
5 months Ago

September 11, 2020

ပေါက်ကွဲမှုဖြစ်ခဲ့သည့် ဘေရွတ်ဆိပ်ကမ်း ထပ်မံ မီးလောင်

လက်ဘနွန်နိုင်ငံ ဘေရွတ်ဆိပ်ကမ်းပေါက်ကွဲမှုဖြစ်ပြီး ၁ လအကြာ  စက်တင်ဘာ ၁၀ ရက်က   အဲဒီဆိပ်ကမ်းမှာပဲ နောက်ထပ် မီးအကြီးအကျယ် လောင်ခဲ့ပါတယ်။ ဒေသစံတော်ချိန် ၁ နာရီခန့်က မီးစလောင်ခဲ့ပြီး ဘေရွတ်မြို့ နေရာတချို့ကို နာရီနဲ့ချီပြီး  လောင်းကျွမ်းခဲ့ပါတယ်။    မီးဟာ   ပျက်စီးနေတဲ့ ဆိပ်ကမ်းအခွန်လွတ်ဇုန်က စလောင်ခဲ့ပြီး ဘေရွတ်ကနေ   ဒေသခံ တချို့  ထွက်ပြေးခဲ့ရပါတယ်။  လောင်ကျွမ်းနေတဲ့မီးကို မြေပြင်က မီးသတ်သမားတွေက ငြှိမ်းသတ်သလို  စစ်ရဟတ် ယာဉ်ကနေလည်း ရေလောင်းငြှိမ်းသတ်ခဲ့ပါတယ်။  ညနေပိုင်းမှာတော့ မီးတောက်အများစုကို  ငြှိမ်းသတ်နိုင်ခဲ့တယ်လို့ တာဝန်ရှိသူတွေက ပြောပါတယ်။   ဂျနီဗာအခြေစိုက်နိုင်ငံတကာ ကြက်ခြေနီကော်မတီကတော့  မီးလောင်ခဲ့တဲ့ ဂိုဒေါင်တလုံးမှာ  အကူအညီပေးရေးရိက္ခာတွေ သိုလှောင်ထားတယ်လို့ ဆိုပါတယ်။   ဒါကြောင့် ကူညီပေးရေးလုပ်ငန်းတွေ ဆိုးဆိုးရွားရွား ထိခိုက်နိုင်ချေရှိတယ်လို့ အရှေ့ အလယ်ပိုင်း  ICRC  ဒါရိုက်တာက ပြောပါတယ်။   လက်ဘနွန်သမ္မတ မီရှယ် အာဝင်က  အမှားအယွင်း တခုခု ဒါမှမဟုတ် ပေါ့ဆတာကြောင့်   မီးလောင်တာ ဖြစ်နိုင်တယ်လို့  တွစ်တာအကောင့်မှာ ရေးသားခဲ့ပါတယ်။ 
6 months Ago
More News
Up