ပေကျင်း

November 21, 2022

ပေကျင်းတွင် ကိုဗစ်ရောဂါကူးစက်မှု မြင့်မားလာသဖြင့် ကျောင်းနှင့် စားသောက်ဆိုင်များ ပိတ်

တရုတ်နိုင်ငံ မြို့တော် ပေကျင်းက ခရိုင်အများအပြားမှာ ကိုဗစ်ရောဂါကူးစက်မှု ပိုမြင့်မားလာနေလို့ အာဏာပိုင်တွေက ဒေသခံတွေကို အိမ်မှာပဲနေကြဖို့ တောင်းဆိုခဲ့ပြီးနောက် နိုဝင်ဘာ ၂၁ ရက်မှာ ကျောင်းတွေနဲ့ စားသောက်ဆိုင်တွေကို ပိတ်ထားခဲ့ပါတယ်။

တရုတ်နိုင်ငံရဲ့ မြို့တော်မှာ ကူးစက်မှုအသစ် ၉၆၂ ခု အစီရင်ခံခဲ့ပြီး အစောပိုင်းက ၆၂၁ ဦးထက် မြင့်တက်ခဲ့တာပါ။

လူဦးရေ ၃ ဒသမ ၅ သန်းနေထိုင်တဲ့ ကျောက်ယန်ခရိုင်ဟာ ကိုဗစ်လှိုင်းသစ်မှာ အဆိုးရွားဆုံး ဧရိယာ ဖြစ်လာပါတယ်။

စားသောက်ဆိုင်တွေ၊ အားကစားခန်းမတွေ၊ အလှပြင်ဆိုင်တွေနဲ့ တခြားအဆောက်အအုံတွေ အပြားကို ပိတ်ထားလို့ သီတင်းပတ်ကုန်နဲ့ တနင်္လာနေ့တွေမှာ ဒေသခံတွေ အိမ်ထဲမှာပဲနေကြဖို့ ဒေသန္တရအစိုးရက ညွှန်ကြားထားပါတယ်။

တရုတ်နိုင်ငံဟာ သူပစ်မှတ်ထားတဲ့နယ်ပယ်တွေမှာ ကိုဗစ်-၁၉ ကန့်သတ်ထိန်းချုပ်ဖို့ မကြာသေးမီက ကြိုးပမ်းနေတာပါ။

ဒါကြောင့် တရုတ်နိုင်ငံဟာ ဆောင်းရာသီမှာ အင်မတန်ကူးစက်လွယ်တဲ့ အိုမီခရွန် ဗီဇမျိုးကွဲကို ပထမဆုံး ရင်ဆိုင်ရချိန်မှာ ရင်းနှီးမြှုပ်နှံသူတွေက ပိုသိသာထင်ရှားတဲ့ ဖြေလျှော့မှုတွေပေးဖို့ မျှော်လင့်ခဲ့ကြပါတယ်။

2 months Ago

June 28, 2022

ပေကျင်းတွင် ကိုဗစ်ကူးစက်မှုလျော့သွားသဖြင့် ကျောင်းများ ပြန်ဖွင့်

တရုတ်နိုင်ငံ ပေကျင်းမြို့မှာတော့ ကိုဗစ်-၁၉ ကူးစက်မှု လျော့ကျသွားတာကြောင့်  ဇွန် ၂၇ ရက်ကစပြီး ကျောင်းတွေ ပြန်ဖွင့်နေတယ်လို့ သိရပါတယ်။

ပေဂျင်းမြို့တော် အာဏာပိုင်တွေရဲ့ အဆိုအရ မူလတန်း၊ အလယ်တန်းနဲ့ အထက်တန်းတွေ အပြင်၊ မူကြိုကျောင်းတွေကိုပါ ပြန်ဖွင့်တော့မယ်လို့ ဆိုပါတယ်။ 

ရောဂါကူးစက်မှု စိတ်မချရသေးတဲ့ နယ်မြေတချို့နဲ့ အိမ်တွင်းမှာနေဖို့ လိုအပ်တဲ့ ကျောင်းသား ကျောင်းသူတွေကတော့ အွန်လိုင်းကနေ အတန်းတက်နိုင်မှာပါ။

ကိုဗစ်-၁၉ကူးစက်မှုကြောင့် ကျောင်းသား၊ ကျောင်းသူတွေဟာ မေလဆန်းကတည်းက လူကိုယ်တိုင် ကျောင်းတက်ခွင့်မရခဲ့ကြပါဘူး။ 

“အခု ကျောင်းပြန်တက်ရတော့ သူငယ်ချင်းတွေ၊ ဆရာဆရာမတွေနဲ့ ပြန်တွေ့ရလို့ ပျော်နေတယ်” လို့ ကျောင်းသားတဦးက ပြောပါတယ်။

ကျောင်းဖွင့်လိုက်တယ်ဆိုပေမယ့် ရောဂါကာကွယ်ရေး စည်းကမ်းအသစ်တွေကို ထုတ်ပြန်ထားပြီး ကျောင်းသားကျောင်းသူတွေ၊ ဆရာဆရာမတွေ၊ ကျောင်းဝန်ထမ်းတွေကို ကျန်းမာရေး စစ်ဆေးတာ၊ စောင့်ကြည့်တာ၊ ထမင်းစားချိန်ကိုလည်း အတန်းလိုက် ခွဲထားတာ၊ မလိုအပ်ဘဲနဲ့ လူများများ မစုကြဖို့ စတဲ့ အချက်တွေ ပါဝင်ပါတယ်။

7 months Ago
More News
Up