ပူတင်

September 5, 2021

နိုင်ငံရေးအသုံးချ ကိုဗစ်ခြေရာကောက်မှုအပေါ် သမ္မတ ပူတင် ဝေဖန်

ကိုဗစ်-၁၉ ကပ်ရောဂါ စတင်ကူးစက်ရာနေရာကို ခြေရာကောက်ရာမှာ  နိုင်ငံရေး အသုံးချတာဟာ မယုံကြည်ထိုက်တဲ့ ကောက်ချက် အဆုံးသတ်ကိုသာ ဦးတည်စေလိမ့်မယ်လို့ ရုရှားသမ္မတ ဗလာဒီမီယာ ပူတင်က ပြောလိုက်ပါတယ်။ 

ရုရှားအရှေ့စွန်း ဗလာဒီဗိုစတော့ခ်မြို့မှာ စက်တက်ဘာ ၃ ရက်က ကျင်းပတဲ့ ခြောက်ကြိမ်မြောက် အရှေ့ဘက် စီးပွားရေးဖိုရမ်ရဲ့ မျက်နှာစုံညီအစည်းအဝေးအတွင်း ပြောလိုက်တာပါ။

ကိုဗစ်-၁၉ ကပ်ရောဂါစတင်ရာ အဦးအစကို စုံစမ်းစစ်ဆေးတာဟာ အချက်အလက် ဓမ္မဓိဋ္ဌာန်ကျမှုကို အခြေခံရမှာဖြစ်ပြီး နိုင်ငံရေးအသုံးချတာကတော့ ကမ္ဘာကြီးကို အမှန်တရား ကနေ ဝေးကွာ စေလိမ့်မယ်လို့ ပူတင်က ဆက်ပြောပါတယ်။

ကပ်ဘေးနဲ့သူ့ရဲ့ သက်ရောက်မှုကို တိုက်ဖျက်ရေး အားထုတ်မှုတွေကို ညီညွတ်အောင် လုပ်ဖို့နဲ့ နိုင်ငံရေးအသုံးချမယ့် ချဉ်းကပ်မှုတွေကို လက်လျှော့ဖို့ဟာ လူတိုင်းအတွက် အရေးပါတယ်လို့လည်း ပူတင်က ပြောခဲ့ပါတယ်။

အရှေ့ဘက် စီးပွားရေးဖိုရမ်ဟာ စနေနေ့မှာ ပြီးဆုံးခဲ့တာဖြစ်ပြီး ဒီနှစ်အတွက် ဆောင်ပုဒ်ကတော့ ပြောင်းလဲခြင်းအောက်က ကမ္ဘာ့အရှေ့စွန်းအတွက် အခွင့်အရေးများ ဖြစ်ပါတယ်။ 

၂၀၁၅မှာ ပူတင်က စတင်တည်ထောင်ခဲ့တဲ့ ဒီဖိုရမ်ဟာ ကမ္ဘာ့ အရှေ့စွန်း ဖွံ့ဖြိုးတိုးတက်ရေးနဲ့ ဒေသတွင်း ပူးပေါင်းဆောင်ရွက်ရေးအတွက် ပညာရှင်တွေ၊ စီးပွားရေး ခေါင်းဆောင်တွေနဲ့ နိုင်ငံရေးသမားတွေကြား ဆွေးနွေးဖို့ အရေးပါတဲ့ ဖိုရမ်လို့ ရိုက်တာသတင်းဌာနက ဖော်ပြပါတယ်။

3 months Ago

January 23, 2021

ရုရှားအရှေ့ဖျားနှင့်ဆိုက်ဘေးရီးယားတွင် နာဗင်ညီလွှတ်ပေးရန်နှင့်ပူတင်နုတ်ထွက်ရန် ဆန္ဒပြ

ရုရှားအရှေ့ဖျား နဲ့ ဆိုက်ဘေးရီးယားဒေသကလမ်းတွေမှာ အတိုက်အခံခေါင်းဆောင် နာဗင်ညီ ထောက်ခံသူတွေက နာဗင်ညီ လွှတ်ပေးရေးနဲ့ သမ္မတ ပူတင်ရာထူးက နုတ်ထွက်ရေး ဇန်နဝါရီ ၂၃ ရက်က တောင်းဆိုဆန္ဒပြခဲ့ပါတယ်။  အဆိပ်ခတ်ခံရပြီးနောက် ပထမဆုံးအကြိမ် မော်စကိုကို ပြန်လာတဲ့ နာဗင်ညီဟာ ပြီးခဲ့တဲ့ သီတင်းပတ်က အဖမ်းခံရပါတယ်။  ဗလာဒီဗော့စတော့မြို့မှာ အဓိကရုဏ်းရဲတွေက ဆန္ဒပြသူတွေကို လိုက်ဖမ်းခဲ့ပြီး ခါဗာရော့စ်မြို့မှာတော့  ဆန္ဒပြသူတွေဟာ အနုတ် ၁၄ ဒီဂရီ စင်တီဂရိတ် ရှိတဲ့အအေးဒဏ်ကို ကြံ့ကြံ့ခံဆန္ဒပြခဲ့ပါတယ်။   ဆန္ဒပြပွဲတွေမှာ  ခါဗာရော့စ်မြို့က ၁၃ ယောက်အပါအဝင် ၄၈ ယောက် ထိန်းသိမ်းခံ ရတယ်လို့  OVD-Info ဆိုတဲ့ အွန်လိုင်းလူ့အခွင့်အရေး စောင့်ကြည့်ရေးအဖွဲ့က ဆိုပါတယ်။  မြို့တော် မော်စကိုမှာတော့ ဆန္ဒပြပွဲတွေကို ကြိုတင် တားမြစ်တဲ့ ကြိုးပမ်းမှုအဖြစ် ပွတ်ရှ်ကင်စကာရင်ပြင်ပတ်လည်မှာ ရဲတွေက အရံအတားတွေ ချထားပါတယ်။   ရုရှားအစိုးရကို ဝေဖန်သူ  ရှေ့နေဟောင်း နာဗင်ညီဟာ သူ့အပေါ်  စွဲဆိုထားတဲ့ အမှုတွေနဲ့ ပတ်သက်လို့ ထောင်ဒဏ်  ၅ နှစ်အထိ ကျခံရဖွယ်ရှိပါတယ်။  ရာသီဥတု ဆိုးရွားပြီး ကပ်ရောဂါ ဖြစ်နေပေမဲ့ နာဗင်ညီ ထောက်ခံသူတွေက   နာဗင်ညီကို လွှတ်ပေးဖို့ တောင်းဆိုပြီး  အစိုးရဆန့်ကျင်ဆန္ဒပြပွဲကို လုပ်နိုင်မယ်လို့ မျှော်လင့်နေပါတယ်။  
10 months Ago
More News
Up