ပုသိမ်ပြည်သူ့ဆေးရုံအုပ်ကြီး

August 2, 2021

ပုသိမ်ပြည်သူ့ဆေးရုံအုပ်ကြီး ဒေါက်တာသန်းမင်းထွဋ် ပြန်လွတ်

စစ်အာဏာသိမ်းမှုဆန့်ကျင်ရာမှာပါဝင်ခဲ့တဲ့ ပုသိမ်ပြည်သူ့ဆေးရုံအုပ်ကြီး ဒေါက်တာ သန်းမင်းထွဋ်ကို အာဏာသိမ်းစစ်ကောင်စီက သြဂုတ်လ ၂ ရက် မနက် ၄ နာရီမှာ ပုသိမ်အကျဥ်းထောင်ကနေ ပြန်လွှတ်ပေးခဲ့တယ်လို့ သိရပါတယ်။

ဇွန်လ ၃၀ ရက်နေ့ကပြန်လွှတ်ပေးတဲ့အထဲမှာ ပြန်လွှတ်ဖို့ ချန်ခဲ့တဲ့အထဲက ဝန်ထမ်းတွေ၊ အုပ်ချုပ်ရေးမှူးဟောင်းတွေကို သက်ဆိုင်ရာ ဝန်ကြီးဌာနရဲ့ သဘောထားမှတ်ချက်တွေယူပြီး အမှုပိတ်သိမ်းပြန်လွှတ်ပေးဖို့အတွက် ဇူလိုင်လ ၃၁ ရက်နေ့မှာ ရဲတပ်ဖွဲ့က ညွှန်ကြားလာခဲ့ပြီး  ဒီနေ့မှာပြန်လွတ်တာလို့ နီးစပ်သူတဦးက ပြောပါတယ်။

"ဒီနေ့ပြန်လွတ်ပါပြီ ထောင်ကလွတ်ပြီး ရဲစခန်းမှာ အမှုပိတ်တယ် နေ့လည်ပိုင်းမှပြီးပါတယ် ခုတော့ ဆရာကြီး ကျန်းမာပါတယ်။ အပြောင်းအရွေ့လုပ်ရမယ်ထင်တယ်၊ ပစ္စည်းတွေသိမ်းတာ တွေ့တယ်''လို့ ပြောပါတယ်။

ပြန်လွတ်မြောက်လာတဲ့ ပုသိမ်ပြည်သူ့ဆေးရုံအုပ်ကြီးကို အာဏာသိမ်းစစ်ကောင်စီက နေပြည်တော်ကိုပြောင်းရွှေ့ဖို့အတွက် မတ်လပိုင်းထဲက အမိန့်ထုတ်ထားခဲ့တာဖြစ်တယ်လို့ ဆိုပါတယ်။

ပင်းတယမီးအိမ်ရှင်လို့ လူသိများတဲ့ ပုသိမ်ပြည်သူ့ဆေးရုံအုပ်ကြီး ဒေါက်တာ သန်းမင်းထွဋ်ကို အာဏာသိမ်းစစ်ကောင်စီက မတ်လထဲက ဖမ်းဆီးခဲ့တာဖြစ်ပြီး ၅ လအကြာ သြဂုတ်လမှာ ပြန်လွှတ်ပေးခဲ့တာလည်းဖြစ်ပါတယ်။

3 months Ago

July 31, 2021

ပုသိမ်ပြည်သူ့ဆေးရုံအုပ်ကြီးအပါအဝင် CDM ဝန်ထမ်း ၂၇ ဦး ပြန်လွှတ်ပေးမည်

ဧရာဝတီတိုင်းမှာ စစ်အာဏာသိမ်းမှုဆန့်ကျင်ရာမှာပါဝင်ခဲ့တဲ့ ပုသိမ်ပြည်သူ့ဆေးရုံအုပ်ကြီး ဒေါက်တာ သန်းမင်းထွဋ်အပါဝင် ဆေးရုံအုပ်တွေ၊ CDM ဝန်ထမ်းတွေနဲ့ အုပ်ချုပ်ရေးမှူးတွေအပါဝင် စုစုပေါင်း ၂၇ ဦးကို သြဂုတ် ၂ ရက်နေ့ ပြန်လွှတ်ပေးသွားမယ်လို့ သိရပါတယ်။

ဇွန်လ ၃၀ ရက်နေ့က ပြန်လွှတ်ပေးတဲ့အထဲမှာ ပြန်လွှတ်ဖို့ ကျန်ခဲ့တဲ့အထဲက ဝန်ထမ်းတွေ၊ အုပ်ချုပ်ရေးမှူးဟောင်းတွေကို သက်ဆိုင်ရာ ဝန်ကြီးဌာနရဲ့ သဘောထားမှတ်ချက်တွေယူပြီး အမှုပိတ်သိမ်း ပြန်လွှတ်ပေးဖို့ ဇူလိုင်လ ၃၁ ရက်နေ့မှာ ရဲတပ်ဖွဲ့က ညွှန်ကြားလာခဲ့တာလို့ တိုင်းရဲတပ်ဖွဲ့က သိရပါတယ်။

သြဂုတ်လ ၂ ရက်နေ့ အမှုရုတ်သိမ်းပြန်လွှတ်ပေးမယ့်အထဲမှာတော့ ပုသိမ်ပြည်သူ့ဆေးရုံအုပ်ကြီး၊ မဲဇလီကုန်းတိုက်နယ်ဆရာဝန်၊ ကျန်းမာရေးဝန်ထမ်း ၂ ဦး၊ အုပ်ချုပ်ရေးမှူး ၅ ဦး၊ ကျောင်းအုပ်ဆရာ ၂ ဦးနဲ့ CDM မှာပါဝင်ခဲ့တဲ့ ဝန်ထမ်းတွေဖြစ်တယ်လို့ သိရပါတယ်။

ပုသိမ်ပြည်သူ့ဆေးရုံအုပ်ကြီး ဒေါက်တာ သန်းမင်းထွဋ်အပါဝင် ပြန်လွှတ်ပေးမယ့် CDM ဝန်ထမ်းတွေကို အကြမ်းဖက်စစ်အုပ်စု ရာဇသတ်ကြီးပုဒ်မ ၅၀၅ - က ၊ သဘာဝဘေး အန္တရာယ်ဆိုင်ရာစီမံခန့်ခွဲမှု ပုဒ်မ ၂၅ စတဲ့ ပုဒ်မတွေနဲ့ အမှုဖွင့်ဖမ်းဆီးခဲ့တာလည်းဖြစ်ပါတယ်။

3 months Ago
Up