ပုသိမိ်

July 31, 2021

ပုသိမ်မြို့၌ ၁ လအတွင်း ကိုဗစ်ကြောင့်သေဆုံးသူ ၇၈၀ ကျော်ရှိလာ

ဧရာဝတီတိုင်း၊ ပုသိမ်မြို့မှာ ဇူလိုင် ၁ ရက်နေ့ကနေ ၃၀ ရက်နေ့ထိ ၁ လအတွင်း ကိုဗစ်ကြောင့် သေဆုံးသူ ၇၈၈ ယောက်ထိရှိလာပြီလို့ နာရေးမီးသင်္ဂြိုဟ်ပေးနေတဲ့ မနောဖြူလူမှုကူညီရေးအသင်းက ထုတ်ပြန်ပါတယ်။

မနောဖြူလူမှုကူညီရေးအသင်းရဲ့ထုတ်ပြန်ချက်ထဲမှာ အစ္စလာမ်ဘာသာဝင်တွေ ကိုဗစ်ဖြစ်ပြီး သေဆုံးတဲ့ စာရင်းမပါဝင်သေးဘူးလို့ သိရပါတယ်။

ဒေသခံပရဟိတအဖွဲ့တွေကတော့ အိမ်မှာနေပြီ သေဆုံးတဲ့သူတွေပါ ရှိလာတာကြောင့် သေဆုံးသူအရေအတွက်ဟာ ၈၀၀ ကျော်ထိ ရှိနိုင်တယ်လို့ ပြောပါတယ်။

အိမ်မှာသေဆုံးတဲ့ လူဦးရေမြင့်တက်လာတာဟာ ဆေးရုံတွေကို တန်းသွားလို့ ဆေးရုံက လက်မခံတာကြောင့် အိမ်တွေမှာကုသရပြီး အောက်ဆီဂျင်ပြတ်ပြီး သေဆုံးတာများလာတာလို့ ဆိုပါတယ်။

သေဆုံးမှုအများဆုံးကတော့ နေအိမ်တွေမှာ ကုသနေရတဲ့ အတည်ပြုလူနာတွေအများဆုံးဖြစ်ပြီး ဇူလိုင်လ ၃၀ ရက်နေ့ကလည်း ပုသိမ်ဆေးရုံကြီးမှာ ၃ ဦး၊ နေအိမ်တွေမှာသေဆုံးသူ ၂၂ ဦးထိ ရှိတယ်လို့ သိရပါတယ်။

ပုသိမ်မြို့ကို ကိုဗစ်ကူးစက်မှုထိန်းချုပ်နိုင်ဖို့ ကျန်းမာရေးဝန်ကြီးဌာနက ဇူလိုင်လ ၃ ရက်နေ့ကစတင်ကာ Stay at Home ထုတ်ပြန်ခဲ့သလို ဈေးတွေနဲ့ ကျောင်းတွေလည်း ပိတ်ထားခဲ့ပေမယ့် ရောဂါကူးစက်မှုမြင့်တက်နေဆဲဖြစ်ပါတယ်။

4 months Ago
Up