ပုပ်ရဟန်းမင်း

A d v e r t i s e m e n t With Us

January 11, 2021

ဒီမိုကရေစီတန်ဖိုးများကို ကာကွယ်ရန် အမေရိကန်ပြည်သူများကို ပုပ်ရဟန်းမင်းကြီး သတိပေး

အမေရိကန်ပြည်သူတွေ အကြမ်းဖက်မှုကို ရှောင်ရှားဖို့၊ ပြန်လည်ရင်ကြားစေ့ကြဖို့နဲ့ အမေရိကန် လူ့အဖွဲ့အစည်းထဲမှာ အမြစ်တွယ်နေတဲ့ ဒီမိုကရက်တစ် တန်ဖိုးတွေကို ကာကွယ်ကြဖို့ ပုပ်ရဟန်းမင်းကြီး ဖရန်စစ်က ဇန်နဝါရီ ၁၀ ရက်မှာ တိုက်တွန်းလိုက်ပါတယ်။ အမေရိကန်သမ္မတ ဒေါ်နယ်ထရမ့်ကို ထောက်ခံသူတွေက အမေရိကန် အောက်လွှတ်တော်ကို  စီးနင်းတိုက်ခိုက်ခဲ့လို့ လူ ၅ ယောက် သေဆုံးအပြီး ခုလို ပြောလိုက်တာပါ။  “အကြမ်းဖက်မှုဆိုတာ ကိုယ့်ကိုယ်ကိုယ် ဖျက်ဆီးတာပဲဆိုတာ ကျနော် အမြဲတမ်း ထပ်ခါတလဲ ပြောပါတယ်။ အကြမ်းဖက်လို့ ဘာမှမရဘူး အများကြီးဆုံးရှုံးတယ်”လို့ ပုပ်ရဟန်းမင်းကြီးက မနေ့က မိန့်ခွန်းမှာ ပြောပါတယ်။ လွှတ်တော်ကို စီးနင်းချိန်မှာ သေဆုံးသူတွေအတွက်လည်း ဆုတောင်းပေးနေခဲ့ပြီး ဘုံကောင်းကျိုးကို အတူတည်ဆောက်တဲ့ နည်းလမ်းကို ကျွမ်းကျင်ပိုင်နိုင်ဖို့  ဂရုစိုက်တဲ့ ယဉ်ကျေးမှု၊  ဆုံဆည်းတဲ့ ယဉ်ကျေးမှုတွေ အသက်ဆက်နိုင်ဖို့ မယ်တော်မာရီကလည်း အမေရိကန် ပြည်သူအားလုံးကို ကူညီလိမ့်မယ်လို့ ပုပ်ရဟန်း မင်းကြီးက မိန့်ပါတယ်။  ဇန်နဝါရီ ၆ ရက်က အောက်လွှတ်တော်ကို ဝင်စီးတဲ့ ဖြစ်ရပ်အပြီး ဒါဇင်နဲ့ချီတဲ့လူတွေ တရားစွဲ ခံရပါတယ်။  ပါဝင်သူတွေ ဘယ်သူဘယ်ဝါဆိုတာ ဖော်ထုတ်ဖို့ ပြည်ထောင်စု ထောက်လှမ်းရေးဗျူရို FBI က လူထုကို အကူအညီ တောင်းခဲ့ပါတယ်။  
2 months Ago

December 25, 2020

ခရစ္စမတ်အကြိုဝတ်ပြုဆုတောင်းပွဲကို ပုပ်ရဟန်းမင်းကြီး ဦးဆောင်ပြီး အကျဉ်းချုံး ကျင်းပ

ဒီဇင်ဘာလ ၂၄ ရက် ခရစ္စမတ်အကြိုဝတ်ပြုဆုတောင်းပွဲကို ပုပ်ရဟန်းမင်းကြီး ဖရန့်စစ်ဦးဆောင်ပြီး အကျဉ်းချုံး ကျင်းပခဲ့ပါတယ်။  ဝတ်ပြုဆုတောင်းပွဲကို စိန့်ပီတာဘုရားကျောင်း အနောက်ဆောင်မှာ ကျင်းပပြီး ဝတ်ပြုသူ အယောက် ၁၀၀ အောက်နဲ့ ဘုန်းတော်ကြီး အနည်းငယ်သာ ပါဝင်ခဲ့ပါတယ်။  ပုံမှန်အားဖြင့် ခရစ္စမတ်အကြို ဝတ်ပြုဆုတောင်းပွဲကို ဘုရားကျောင်း ပင်မဆောင်မှာ ကျင်းပလေ့ရှိပြီး နိုင်ငံပေါင်း ၂၀၀ နီးပါးကိုယ်စားပြုတဲ့  သံတမန်အဖွဲ့တွေ အပါအဝင် ဧည့် ပရိသတ် တစ်သောင်းအထိ တက်ရောက်တတ်ပါတယ်။  အခမ်းအနားမှာ ပုပ်ရဟန်းမင်းကြိးနဲ့ ဓမ္မတေးဆိုအဖွဲ့ကလွဲပြီး အားလုံးက နှာခေါင်းစည်း တပ်ထားကြပါတယ်။ ဒါ့အပြင် ဝတ်ပြုပွဲ တက်ရောက်သူတွေ  ည ၁၀ နာရီ ကာဖျူးချိန် မတိုင်ခင် အိမ်ပြန်နိုင်စေဖို့ ဝတ်ပြုချိန်ကိုလည်း ခါတိုင်းအချိန်ထက် ၂ နာရီစောပြီး စတင်ခဲ့ပါတယ်။  ယေရှုကိုယ်တိုင်က  ဆင်းရသားအပယ်ခံအဖြစ် မွေးဖွားလာတာမို့  လိုအပ်သူတွေကို ကူညီကြဖို့ ဧည့်ပရိသတ်တွေကို  ပုပ်ရဟန်းမင်းကြီးက တိုက်တွန်းပြောဆိုခဲ့ပါတယ်။
2 months Ago
Up