ပုန်းအောင်

January 21, 2022

ထိုင်းဘက်ခိုးဝင်ပြီး ဂူတခုထဲပုန်းအောင်းနေသည့် မြန်မာအယောက် ၈၀ ကျော် ဖမ်းဆီးခံရ

ထိုင်းနိုင်ငံဘက်ကို တရားမဝင် နယ်စပ်ဖြတ်ကျော်ဝင်ရောက်လာတဲ့ မြန်မာနိုင်ငံသား ၈၃ ယောက်ကို ဇန်နဝါရီ ၂၀ ရက်က ထောင်ဖာဖွန်ခရိုင်ထဲမှာ ဖမ်းဆီးနိုင်ခဲ့တယ်လို့ ရဲတွေက ပြောပါတယ်။

ဖမ်းဆီးခံရသူတွေထဲမှာတော့ အမျိုးသားအ‌ယောက် ၆၀ နဲ့ အမျိုးသမီး ၂၃ ယောက်ပါဝင်ပြီး ဝချီရာလောင်ကွန်ဆည်အနီးက ဂူတခုထဲမှာ ပုန်းအောင်းနေတာကို ကင်းလှည့်တပ်ဖွဲ့က စစ်ဆေးတွေ့ရှိခဲ့တာလို့ ထောင်ဖာဖွန်ခရိုင် ရဲချုပ် ဆန်ထိ ပီသာဆကူလ်က ပြောပါတယ်။

အဲဒီနောက် သူတို့ကို ပစ်ကပ်ကား ၁၀ စီးနဲ့ ထောင်ဖာဖွန်ရဲစခန်းကို ခေါ်ယူပြီးတော့ လိုအပ် တဲ့ စစ်ဆေးမေးမြန်းမှုတွေ လုပ်ဆောင်နေပါတယ်။

ဒီမတိုင်ခင်ကတော့ ရဲတွေဟာ ထိုင်းအမျိုးသား ယာဉ်မောင်းတယောက်ကို ဖမ်းမိခဲ့ပြီး စစ် ဆေးမေးမြန်းချိန်မှာတော့ သူ့ကို အဆိုပါဂူဆီ ရေသန့်ပို့ဆောင်ပေးဖို့ ငှားရမ်းခဲ့တာဖြစ် ကြောင်းနဲ့ ကင်းလှည့်တပ်က သူ့ကို လမ်းပြခိုင်းခဲ့ပြီး ခုလိုဖမ်းဆီးနိုင်ခဲ့တာ ဖြစ်ပါတယ်။

နယ်စပ်ဖြတ်ကျော်ဝင်ရောက်လာသူတွေထဲမှာ ဘုရားသုံးဆူ၊ မော်လမြိုင်၊ ရန်ကုန်၊ ပဲခူးနဲ့ ထားဝယ်မြို့တွေက ပါဝင်ပြီး စမွတ်စာခွန်၊ ရက်ချဘူရီ၊ ကန်ချနဘူရီနဲ့ ဘန်ကောက်မှာ အ လုပ်လုပ်ဖို့အတွက် တယောက်ကို ပွဲစားခ ဘတ် ၁ သောင်းကနေ ၂ သောင်းခွဲထိ ပေးခဲ့ကြ ရတယ်လို့ ဆိုပါတယ်။

လက်ရှိမှာတော့ သူတို့ကို ရဲစခန်းမှာ ဉပဒေအရ လိုအပ်တဲ့ စစ်ဆေးအရေးယူမှုတွေ၊ နေ ရပ်ပြန်လည်ပို့ဆောင်နိုင်ဖို့ လုပ်ဆောင်သွားမယ်လို့ ဆိုပါတယ်။

ထိုင်း-မြန်မာနယ်စပ်လုံခြုံရေးအခြေအနေအရ ပြီးခဲ့တဲ့ လပိုင်းတွေမှာ ကိုဗစ်-၁၉ ရောဂါ ကူးစက်ပျံ့နှံ့မှုလျှော့ချနိုင်ဖို့အတွက် ပိတ်ထားခဲ့ပြီး တင်းကြပ်ထားခဲ့ပေမယ့် မြန်မာနိုင်ငံရဲ့ မတည်ငြိမ်တဲ့ အခြေအနေတွေကြောင့် မကြာခဏ ခိုးဝင်မှုတွေ ရှိနေတယ်လို့ ဆိုပါတယ်။

ပြီးခဲ့တဲ့ ၂၀၂၁ ခုနှစ် ဇန်နဝါရီကနေ နိုဝင်ဘာလအထိ ထိုင်းနိုင်ငံဘက်ကို တရားမဝင် နယ် စပ်ဖြတ်ကျော်ဝင်ရောက်ခဲ့သူ အနည်းဆုံး ၆၈,၀၀၀ လောက်ရှိခဲ့ပြီး အဲဒီထဲမှာ အများစုက မြန်မာဘက်ကဖြစ်တယ်လို့ ရွှေ့ပြောင်းလုပ်သားကွန်ရက်မှ ပြောရေးဆိုခွင့်ရှိသူ အဒီဆွန် ကာ့ဒ်မွန်ကိုလ်က ပြောပါတယ်။

ဓာတ်ပုံ- ဘန်ကောက်ပို့စ်

10 months Ago

January 7, 2021

လွှတ်တော်ကို ဝင်ရောက်စီးနင်းချိန် လွှတ်တော်အမတ်များ ရုံးခန်းအတွင်း ပုန်းအောင်းနေခဲ့ရ

သမ္မတ ထရမ့်ထောက်ခံသူတွေဟာ အမေရိကန် လွှတ်တော်တွင်းရှိ  အောက်လွှတ်တော်ခန်းမ တံခါးကို ဇန်နဝါရီ ၆ ရက်က ဖျက်ဝင်ဖို့ ကြိုးစားတာကြောင့် လွှတ်တော်အမတ်တွေ ပုန်းအောင်းနေခဲ့ရပြီး လုံခြုံရေးအဖွဲ့ဝင်တွေက ဝင်လာသူတွေကို သေနတ်နဲ့ ချိန်ရွယ် ခြိမ်းခြောက်ခဲ့ရပါတယ်။  အဓိကရုဏ်းသမားတွေ  ဝင်စီးနင်းချိန် လွှတ်တော်အတွင်း ရွေးကောက်ခံ ဘိုင်ဒင်ရဲ့ အောင်ပွဲကို အတည်ပြုတဲ့ နောက်ဆုံး အဆင့်တွေကို လုပ်ဆောင်နေပါတယ်။ အဓိကရုဏ်းသမားတွေက ရဲတပ်ဖွဲ့ဝင်တွေနဲ့ ရန်ဖြစ်ပြီး လုံခြုံရေး အတားအဆီးတွေကို တွန်းဖယ်ရင်း လွှတ်တော်ထဲ အတင်းဝင်လာခဲ့ပါတယ်။ ဒါကြောင့် အထက်နဲ့ အောက်လွှတ်တော် အမတ်တွေဟာ သူတို့ရဲ့အလုပ်တွေကို ရပ်ပြီး ရုံးခန်းတွေအတွင်း ပုန်းအောင်းခဲ့ရပါတယ်။ ဆန္ဒပြသူတစ်ယောက်က အဓိကရုဏ်း နှိမ်နှင်းရေး ဒိုင်းလိုအရာနဲ့  လွှတ်တော် မှန်ပြတင်းကို ခွဲပြီး အဓိကရုဏ်းသမားတွေ အပေါ်တက်လို့ရအောင် လုပ်ပေးခဲ့ပါတယ်။  ဒါကြောင့် လုံခြုံရေးဝန်ထမ်းတွေက ပရိဘောဂတွေနဲ့ လွှတ်တော်ခန်းမတံခါးကို ပိတ်ခဲ့ပါတယ်။ အဲဒီနောက်မှာတော့ လွှတ်တော် ရဲဝန်ထမ်းတွေက  အောက်လွှတ်တော် အမတ်တွေကို လွှတ်တော်ခန်းမကနေ အခြားနေရာကို ပြောင်းရွှေ့ခဲ့ပါတယ်။ အလားတူ ဆန္ဒပြသူတွေက အထက်လွှတ်တော် ခန်းမထဲကို ဝင်ဖို့ ကြိုးပမ်းခဲ့ပေမယ့် အစောပိုင်းကပဲ လုံခြုံရေးတွေက လွှတ်တော်အမတ်တွေနဲ့ မဲရေတွက်တာကို ကြီးကြပ်တဲ့ ဒုသမ္မတ မိုက်ပန့်စ်ကို ဘေးလွတ်ရာပြောင်းရွှေ့ခဲ့ပြီး ဖြစ်ပါတယ်။  လွှတ်တော်အမတ် ဒါဇင်နဲ့ချီဟာ  လုံခြုံတဲ့ အခန်း တစ်ခုမှာ ပုန်းအောင်းနေချိန်မှာပဲ ရဲတွေကလည်း လွှတ်တော်အတွင်း လုံခြုံရေး ရှိအောင် လုပ်ဆောင်ခဲ့ပါတယ်။ ဇန်နဝါရီ ၆ ရက် ညပိုင်း မဲရေတွက်တာကို ပြန်စချိန်မှာတော့ လွှတ်တော် ဝန်းကျင်မှာ အထူးလုံခြုံရေးတွေကို ချထားတဲ့တယ်လို့ ရိုက်တာ သတင်းမှာရေးပါတယ်။
2 years Ago
Up