ပုဒ်မ ၅၀၅ (က)

March 22, 2022

ငပလီမြို့၌ ဆန္ဒပြသူကို ပြန်လွှတ်ပေးရန် တောင်းဆိုခဲ့သူ ၁ ဦး တရားစွဲခံရ

ရခိုင်ပြည်နယ်၊ သံတွဲမြို့နယ်၊ ငပလီမြို့မှာ စစ်အာဏာသိမ်းဆန့်ကျင်ဆန္ဒပြလို့ ဖမ်းဆီးခံရသူလွတ်မြောက်ရေးတောင်းဆိုခဲ့တဲ့ အမျိုးသားတယောက်ကို နိုင်ငံတော် အကြည်ညိုပျက်စေမှု ၅၀၅(ခ)နဲ့ တရားစွဲဆို စွဲချက်တင်လိုက်တယ်။ 

ပြီးခဲ့တဲ့ ဖေဖော်ဝါရီမှာ  သံတွဲ ဒေသခံတစ်ဦးက စစ်တပ်အာဏာသိမ်းတာနဲ့ပတ်သက်ပြီး ဆန့်ကျင်ဆန္ဒပြလို့ ရဲတပ်ဖွဲ့က ဖမ်းဆီးသွားခဲ့ပါတယ်။ အဲဒီလို ဖမ်းဆီးတာနဲ့ပတ်သက်လို့ အခင်းဖြစ်တဲ့နေရာမှာတင် ပြန်လည်လွှတ်ပေးဖို့ သွားရောက်ပြောဆိုခဲ့တဲ့  အသက် ၂၆ နှစ်အရွယ် ကိုဟန်မျိုးသူရိန်ကို ရဲတပ်ဖွဲ့ဝင်တွေဖမ်းဆီး တရားစွဲခဲ့တာဖြစ်ပါတယ်။  

မတ်လ ၂၁ ရက်နေ့က သံတွဲမြို့နယ် တရားရုံးမှာ နှစ်ဖက်ရှေ့နေတွေက အပြန်အလှန် လျှောက်လဲချက်တွေ ပေးခဲ့ကြပြီးတဲ့နောက် အခုလို စွဲချက်တင်လိုက်တာဖြစ်တယ်လို့  အမှုလိုက်ပါဆောင်ရွက်ပေးနေတဲ့ အထက်တန်းရှေ့နေက ပြောပါတယ်။ 

အခုလို တရားစွဲဆိုခံခဲ့ရတဲ့ ကိုဟန်မျိုးသူရိန်ဟာ ဒေသတွင်းအရပ်ဖက်အဖွဲ့အစည်းတွေမှာ တက်ကြွစွာပါဝင်လှုပ်ရှားသူတစ်ဦးဖြစ်လို NGO အဖွဲအစည်းတွေမှာလည်း လူ့အခွင့်ရေးဆိုင်ရာ သင်တန်းတွေကို ပို့ချပေးနေသူ ဖြစ်ပါတယ်။

2 months Ago

February 9, 2022

ဒါရိုက်တာ ဝိုင်း ရန်ကုန်မြို့နေအိမ်တွင် ဖမ်းဆီးခံရ

အကယ်ဒမီ ရုပ်ရှင်ဒါရိုက်တာ ဝိုင်းကို  စစ်ကောင်စီ တပ်ဖွဲ့ဝင်တွေက ရန်ကုန်မြို့နေအိမ်မှာ ဖေဖော်ဝါရီ ၉ ရက် ဒီကနေ့ မနက်ပိုင်းက ဖမ်းဆီးသွားခဲ့တယ်လို့ သိရပါတယ်။

စစ်ကောင်စီ သတင်းပေးတွေကြောင့် ခုလိုဖမ်းဆီးခံလိုက်ရတာဖြစ်တယ်လို့  ဒါရိုက်တာ ဝိုင်းရဲ့ မိတ်ဆွေတယောက်ဖြစ်တဲ့ သွန်းနေစိုးက ဆိုပါတယ်။

“ကိုဝိုင်း (ဒါရိုက်တာဝိုင်း) အဖမ်းခံရသွားတဲ့ကိစ္စ ဒလန်လက်ချက်ဆိုတာ သေချာတယ်။ အိမ်ပြန်ရောက်တာ နာရီဝက်ပဲ ရှိသေးချိန် လာဖမ်းသွားတယ်ဆိုတော့ တချိန်လုံးစောင့်ကြည့်နေလို့ပဲ။”

ဒါရိုက်တာ ဝိုင်းဟာ တခြားသော အနုပညာရှင်တွေနဲ့အတူ စစ်အာဏာရှင်ဆန့်ကျင်ရေး လှုပ်ရှားမှုတွေမှာ တက်တက်ကြွကြွ ပါဝင်ပြည်သူလူထုဘက်က ရပ်တည်ခဲ့တာကြောင့် အကြမ်းဖက်စစ်ကောင်စီက ပြီးခဲ့တဲ့ ၂၀၂၁ ခုနှစ်၊ ဖေဖော်ဝါရီလကတည်းက ပုဒ်မ ၅၀၅-က နဲ့ ဖမ်းဝရမ်းထုတ်ခဲ့တာ ဖြစ်ပါတယ်။

လတ်တလောမှာတော့ ရှောင်တိမ်းနေရာကနေ သူ့ရဲ့ အိမ်ကိုအရောက်မှာ ရဲကားတွေနဲ့ လာရောက် ဖမ်းဆီးသွားခဲ့တာမို့ သတင်းပေးတွေကြောင့် ဖမ်းဆီးခံရတာဆိုပြီး ဝေဖန်မှုတွေလည်း ရှိနေပါတယ်။

မြန်မာနိုင်ငံမှာ အကြမ်းဖက်စစ်ကောင်စီက မတရားအာဏာသိမ်းယူခဲ့တဲ့ တနှစ်တာအတွင်း အာဏာရှင်စနစ်ကို ဆန့်ကျင်ပြီး ပြည်သူတွေနဲ့ တသားတည်းရပ်တည်ခဲ့တဲ့ အနုပညာရှင်တွေကို ၅၀၅(က)နဲ့ ဖမ်းဝရမ်းထုတ်တာ၊ ဖမ်းဆီးထောင်ချတာတွေကို စစ်ကောင်စီက ဆက်တိုက်ပြုလုပ်နေတာ ဖြစ်ပါတယ်။

3 months Ago
More News
Up