ပီရူး

January 17, 2022

တွန်ဂါရေအောက်မီးတောင်ပေါက်ကွဲပြီး ရေလှိုင်းရိုက်ခတ်မှုကြောင့် ပီရူး၌ လူ ၂ ဦးသေဆုံး

ပစိဖိတ်သမုဒ္ဒရာထဲက တွန်ဂါကျွန်းနိုင်ငံရဲ့ ကမ်းလွန်တနေရာမှာ ရေအောက်မီးတောင် ‌ပေါက်ကွဲခဲ့ပြီးနောက် ပီရူးနိုင်ငံမြောက်ဘက် ကမ်းခြေတနေရာမှာ  ရေလှိုင်းတွေတက်ပြီး ရေလှိုင်းရိုက်ခတ်မှုကြောင့်   လူ ၂ ဦး ရေနစ် သေဆုံးခဲ့တယ်လို့ ပီရူးရဲဌာနက အတည်ပြုပါတယ်။

ဆူနာမီစောင့်ကြည့်စင်တာတွေရဲ့ သတင်းပေးပို့ချက်တွေအရ မီးတောင်ပေါက်ကွဲမှု နောက်ဆက်တွဲအဖြစ် တောင်ပိစိဖိတ်နိုင်ငံတွေရဲ့ ကမ်းခြေအတော်များများကို ပုံမှန်မဟုတ်တဲ့ လှိုင်းရိုက်ခတ်မှုတွေ ရှိလာနေပါတယ်။ 

နယူးဇီလန်နဲ့ ဂျပန်တို့မှာ ဆူနာမီကို စိုးရိမ်နေပြီး အစိုးရတွေက ကမ်းခြေနေထိုင်သူ လူထောင်ပေါင်းများစွာကို ဘေးလွတ်ရာ ယာယီရွှေ့ထားပါတယ်။ 

1 day Ago

January 8, 2022

အိုမီခရွန်ကူးစက်မှုမြင့်လာသည့် ပီရူးတွင် အရေးပေါ်အဆင့်ကြေညာ

ကမ္ဘာမှာ ကိုဗစ်-၁၉ ရောဂါနဲ့ သေဆုံးမှုအမြင့်မားဆုံးနိုင်ငံတနိုင်ငံဖြစ်တဲ့ ပီရူးမှာ အိုမီခရွန်ကူးစက်မှု မြင့်မားလာပြီး တတိယလှိုင်းဝင်ရောက်လာနေတာကြောင့် မြို့ကြီးတွေမှာ အရေးပေါ် အဆင့်ကြေညာပြီး တင်းကျပ်တဲ့ ကန့်သတ်မှုတွေ လုပ်နေရပါတယ်။

ပီရူးကျန်းမာရေးဝန်ကြီးက ပြီးခဲ့တဲ့တပတ်အတွင်း နေ့စဉ်ကူးစက်မှုအရေအတွက် ၂၅ ရာခိုင်နှုန်းထိ မြင့်လာတာကြောင့် မြို့တော်လီမာနဲ့ ပြည်နယ်၂၄ ခုမှာ ညမထွက်ရကို ညနေ ၅ နာရီမှ မနက် ၅ နာရီအထိ တိုးလိုက်တယ်လို့ ပြောပါတယ်။ 

ဝန်ကြီးက “ဗိုင်းရပ်စစ်ပိုးအသစ် ဒယ်လ်တာနဲ့ အိုမီခရွန်တို့ရဲ့ ကူးစက်မှုနှုန်းက အရမ်းမြန်ပါတယ်၊ ကိုဗစ်-၁၉ ကူးစက်ခံရသူအားလုံးရဲ့  တဝက်ကျော်က အိုမီရွန်ကြောင့်ပါ။ သေဆုံးမှုအရေအတွက်  မများသေးပေမဲ့၊ ဆေးမထိုးရသေးသူတွေပဲ သေဆုံးတာပါ” လို့ပြောပါတယ်။  

တောင်အမေရိကတိုက်ရှိ ပီရူးနိုင်ငံမှာ လူဦးရေ ၃၃ သန်းရှိပြီး ၈၀ ရာခိုင်နှုန်းနီးပါး ကာကွယ်ဆေးနှစ်ကြိမ် ထိုးပြီးသားပါ။ 

ကျန်းမာရေးဝန်ကြီးဌာန မကြာခင်က ထုတ်ပြန်ချက်အရ ကိုဗစ်-၁၉ ကူးစက်သူ ၂ ဒသမ ၃ သန်း ရှိပြီး၊ သေဆုံးသူ ၂၀၂,၉၀၄ ဦး ရှိပါပြီ။

1 week Ago
More News
Up