ပိုးမတွေ့

A d v e r t i s e m e n t With Us

September 24, 2020

မူဆယ် ကွာရန်တင်းစင်တာက တရုတ်ပြန် ၈၄ ဦး နှစ်ကြိမ်ပိုးမတွေ့သဖြင့် အိမ်ပြန်ခွင့်ရ

ရှမ်းပြည်နယ်မြောက်ပိုင်း၊ မူဆယ်မြို့ ပြည်ထောင်စုအားကစားကွင်းရှိ ကွာရန်တင်းစင်တာမှာရှိတဲ့ တရုတ်နိုင်ငံပြန် ၁၁၄ ယောက်ထဲမှာ ၈၄ ယောက်မှာ နှစ်ကြိမ်တိုင်ပိုးမတွေ့တာကြောင့် အိမ်ပြန်ခွင့် ရသွားပြီဖြစ်ပါတယ်။ ကျန်တဲ့သူတွေကတော့ အဖြေမသိရသေးတဲ့အတွက် ပြန်ခွင့်မရသေးဘူးလို့ မူဆယ်မြို့က ကိုဗစ်-၁၉ ကာကွယ်ထိန်းချုပ် ကုသ‌ရေး၊ စီမံခန့်ခွဲရေးနှင့် စည်းကမ်းထိန်းသိမ်းရေး တာဝန်ခံ ဦးသောင်းထွန်းက ပြောပါတယ်။ မူဆယ်မြို့ ပြည်ထောင်စု အားကစားကွင်းမှာ ကွာရန်တင်းစင်တာ ၂ ခု၊ ထားရှိထားပြီး တရုတ်နိုင်ငံကို တရားဝင်သွားရောက်ပြီး ပြန်လာသူတွေနဲ့ တရုတ်နိုင်ငံမှာ ပြစ်ဒဏ်ကျခံရပြီး ပြန်လည်လွှဲပြောင်းပေးလိုက်တဲ့ သူတွေဆိုပြီး ခွဲခြားထားပါတယ်။  တရုတ်နိုင်ငံမှာ ထောင်ဒဏ်ချမှတ်ခံရသူတွေကိုတော့ မဖြစ်မနေဆေးစစ်ပြီးမှ ပြန်လွှတ်လေ့ရှိတယ်လို့ သိရပါတယ်။ မူဆယ်မြို့မှာ စက်တင်ဘာ ၂၃ ရက်အထိ ကိုဗစ်-၁၉ ကူးစက်ခံလူနာ ၂ ဦးတယ်လို့ ကျန်းမာရေးနဲ့ အားကစားဝန်ကြီးဌာနက ထုတ်ပြန်ထားပါတယ်။  သတင်း- Pra Jaw
5 months Ago

June 28, 2020

မောင်တောဆေးရုံက ကိုဗစ်-၁၉ လူနာ ၃ ဦး တတိယအကြိမ် ပိုးမတွေ့၍ ဆေးရုံဆင်းခွင့်ရ

ရခိုင်ပြည်နယ်၊ မောင်တောပြည်သူ့ဆေးရုံမှာ ကုသမှုခံယူနေတဲ့ ကိုဗစ်-၁၉ လူနာအမှတ် ၂၃၄၊ ၂၄၄ ၊ ၂၄၇ တို့ရဲ့ ဓာတ်ခွဲစစ်ဆေးချက်တွေမှာ နှစ်ကြိမ်ဆက် ရောဂါပိုးမတွေ့တဲ့အတွက် ဒီနေ့မနက်ပိုင်း ဆေးရုံက ဆင်းခွင့်ပြုလိုက်ပြီလို့ မောင်တောခရိုင် ပြည်သူ့ကျန်းမာရေးဦးစီးဌာန လက်ထောက်ညွှန်ကြားရေးမှူး ဒေါက်တာနုကေသီစံက DVB ကို ပြောပါတယ်။  “ဟုတ်ပါတယ်။ သူတို့ ၃ ဦးလုံးရဲ့ တတိယအကြိမ် ဓာတ်ခွဲစစ်ဆေးချက်က အားလုံး Negative ဖြစ်ပါတယ်။ ဒါကြောင့် ဒီနေ့မနက်ပိုင်းမှာ ဆေးရုံဆင်းခွင့်ပြုလိုက်တယ်။ ဒါပေမဲ့ လှဖိုးခေါင်စခန်းမှာ တပတ်တိတိ Quarantine ထားရှိရဦးမယ်။ ဘာရောဂါလက္ခဏာမှ မပြရင် အိမ်ပြန်ခွင့်ရမှာ ဖြစ်တယ်။”  မောင်တောမြို့က လူနာအမှတ် ၂၃၄ နဲ့ ထိတွေခဲ့သူ ၃၅ ဦးကို ဒုတိယအကြိမ် ဓာတ်ခွဲစစ်ဆေးရာမှာ ရောဂါပိုးမတွေ့တဲ့အတွက် သူတို့ကို Facility Quarantine ထားရှိတဲ့ လှဖိုးခေါင်စခန်းကနေ ဇွန် ၂၇ ရက်နေ့က အိမ်ပြန်ခွင့်ပြုလိုက်ပါတယ်။ လူနာအမှတ် ၂၄၄ နဲ့ ထိတွေခဲ့သူ ၃၉ ဦးမှာလည်း ဒုတိယအကြိမ် ဓာတ်ခွဲစစ်ဆေးရာမှာ ရောဂါပိုးမတွေ့အတွက် သူတို့အားလုံးကို လှဖိုးခေါင်စခန်းကနေ မနက်ဖြန် နေအိမ်ပြန်ခွင့်ပြုသွားမယ်လို့ သိရပါတယ်။ လူနာအမှတ် ၂၄၇ နဲ့ ထိတွေခဲ့သူ ၉ ဦးကတော့ ဒုတိယအကြိမ် ဓာတ်ခွဲစစ်ဆေးဖို့ ကျန်နေသေးတဲ့အတွက် နှာခေါင်းနဲ့အာခေါင်တို့ပတ်တွေကို လှဖိုးခေါင်စခန်းမှာ ဒီနေ့ သွားရောက်ယူမယ်လို့ ခရိုင်ကျန်းမာရေးဌာနက သိရပါတယ်။ ရခိုင်ပြည်နယ်မှာ လက်ရှိ ကိုဗစ်-၁၉ ရောဂါပိုးတွေ့ရှိသူ မောင်တောမှာ ၅ ဦး၊ ဘူးသီးတောင်မှာ ၄ ဦး၊ သံတွဲမှာ ၁ ဦးနဲ့ တောင်ကုတ်မှာ ၁ ဦး၊ စစ်တွေမြို့မှာ ၁ ဦး၊ စုစုပေါင်း ၁၁ ဦးရှိရာ သံတွဲနဲ့ တောင်ကုတ်မြို့က လူနာတွေမှာ နှစ်ကြိမ်စစ်ဆေးပြီး ရောဂါပိုး မတွေ့ရတော့တာကြောင့် ဆေးရုံဆင်းခွင့်ရသွားပြီး မောင်တောဆေးရုံက ၃ ဦး ဒီနေ့ ဆေးရုံဆင်းခွင့် ရရှိတာ ဖြစ်ပါတယ်။ လင်းလက်
8 months Ago
More News
Up