ပိုးတွေ့လူနာအသစ်

A d v e r t i s e m e n t With Us

October 20, 2020

ကိုဗစ်-၁၉ လူနာသစ် ၁,၁၇၁ ဦးတွင် ရန်ကုန်က ၇၇၃ ဦးဖြင့် အများဆုံးပါဝင်

မနေ့ညက ထုတ်ပြန်တဲ့ ကိုဗစ်-၁၉ ပိုးတွေ့လူနာအသစ် ၁,၁၇၁ ယောက်ထဲမှာ ရန်ကုန်တိုင်းက ၇၇၃ ယောက်နဲ့ အများဆုံးပါဝင်တယ်လို့ ကျန်းမာရေးနှင့် အားကစားဝန်ကြီးဌာနရဲ့ ဒီကနေ့ ညနေ ၆ နာရီ ထုတ်ပြန်ချက်အရ သိရပါတယ်။ ရန်ကုန်တိုင်းက အတည်ပြုလူနာတွေထဲမှာ ကမာရွတ်မြို့နယ်က ၉၂ ယောက်၊ အင်းစိန်မြို့ နယ်က ၈၀ ယောက်၊ မင်္ဂလာဒုံမြို့နယ်က ၇၅ ယောက်၊ ယောက်စီနဲ့ အများဆုံးဖြစ်ပြီး စုစုပေါင်း မြို့နယ်ပေါင်း ၄၀ ပါဝင်နေတာ ဖြစ်ပါတယ်။ တိုင်းနဲ့ ပြည်နယ်တွေအလိုက် ကိုဗစ်-၁၉ ရောဂါပိုးတွေ့ရှိမှုအနေနဲ့ မန္တလေးတိုင်းမြို့နယ် ၁၃ ခုမှာ ၇၆ ယောက်၊ ရခိုင်ပြည်နယ်မြို့နယ် ၉ ခုမှာ ၂၉ ယောက်၊ ပဲခူးတိုင်းမြို့နယ် ၁၃ ခုမှာ ၁၅၆ ယောက်၊ ဧရာဝတီတိုင်းမြို့နယ် ၈ ခုမှာ ၁၃ ယောက်၊ မွန်ပြည်နယ်မြို့နယ် ၄ ခုမှာ ၃၉ ယောက်၊ မ ကွေးတိုင်းမြို့နယ် ၄ ခုမှာ ၅ ယောက်၊ နေပြည်တော်၊ ပျဉ်းမနားမြို့မှာ အယောက် ၃၀၊ စစ်ကိုင်းတိုင်း မြို့နယ် ၆ ခုမှာ ၁၄ ယောက်၊ တနင်္သာရီတိုင်းမြို့နယ် ၂ ခုမှာ ၃ ယောက်၊ ကရင်ပြည် နယ်မြို့နယ် ၃ ခုမှာ ၆ ယောက်၊ ကချင်ပြည်နယ်မြို့နယ် ၂ ခုမှာ ၂၅ ယောက်၊ ချင်းပြည်နယ်၊ ဖလမ်းမြို့မှာ ၁ ယောက်၊ ရှမ်းပြည်နယ်(တောင်ပိုင်း)၊ တောင်ကြီးမြို့မှာ ၁ ယောက်စီ အသီးသီးတွေ့ရှိခဲ့ပါတယ်။ ဓာတ်ခွဲအတည်ပြုလူနာသစ်တွေထဲမှာ အနံ့မရရှိသူ ၇၄ ယောက် ပါဝင်တယ်လို့ ကျန်းမာ ရေးနဲ့ အားကစားဝန်ကြီးဌာနက ထုတ်ပြန်ထားပါတယ်။ မနေ့ည ၈ နာရီမှာ ကျန်းမာရေးနဲ့ အားကစားဝန်ကြီးဌာနက ကိုဗစ်-၁၉ ရောဂါကူးစက်ခံရတဲ့ အတည်ပြုလူနာသစ် ၁၁၈၀ ယောက် ထပ်မံတွေ့ရှိခဲ့ပြီး လူနာ ၃၄ ယောက် ထပ်မံသေဆုံးခဲ့တယ်လို့ ထုတ်ပြန်ခဲ့တာ ဖြစ်ပါတယ်။ အဲဒီလူနာသစ် အယောက် ၁၁၈၀ ယောက်ထဲမှာ တိုင်းဒေသကြီး/ပြည်နယ်များမှ ယာဉ်မောင်းနဲ့ ယာဉ် နောက်လိုက်တွေကို Rapid Antigen Diagnostic Test Kit တွေနဲ့ စစ်ဆေးထားတဲ့ ဓာတ်ခွဲနမူနာ အရေအတွက်တွေ ဖော်ပြရာမှာ အရင်ဖော်ပြခဲ့ပြီးဖြစ်တဲ့ ဓာတ်ခွဲနမူနာအရေအတွက် ၆,၄၅၆ ခုနဲ့ လူ နာ ၉ ယောက်ကိုပါ ထပ်မံထည့်သွင်းတွက်ချက်ခဲ့တဲ့အတွက် အောက်တိုဘာ ၁၈ ရက်ည ၈ နာရီမှ ၁၉ ရက်ည ၈ နာရီအထိ စစ်ဆေးပြီးတဲ့ ဓာတ်ခွဲနမူနာအရေအတွက် ၁၂,၆၄၇ ခုနဲ့ ဓာတ်ခွဲအ တည်ပြုလူနာဦးရေမှာလည်း ၁,၁၇၁ ယောက်သာ ဖြစ်ကြောင်း ဖော်ပြထားပါတယ်။ မြန်မာနိုင်ငံမှာ အောက်တိုဘာ ၁၉ ရက် ည ၈ နာရီအထိ ကိုဗစ်-၁၉ အတည်ပြုလူ နာစုစုပေါင်း ၃၇,၂၀၅ ယောက်၊ သေဆုံးသူ ၉၁၄ ယောက်နဲ့ ဆေးရုံက ဆင်းခွင့်ရသူပေါင်း ၁၇,၅၆၈ ယောက်ရှိပြီလို့ ကျန်းမာရေးဝန်ကြီးဌာနက ထုတ်ပြန်ထားပါတယ်။ ကမ္ဘာတဝန်းမှာတော့ ဒီနေ့ညနေအထိ ကိုဗစ်-၁၉ အတည်ပြုလူနာ ၄၀ ဒသမ ၆ သန်းကျော်၊ သေဆုံးသူ ၁ ဒသမ ၁ သန်းကျော်နဲ့ ရောဂါသက်သာပျောက်ကင်းသူ ၃၀ ဒသမ ၃ သန်းကျော် ရှိနေပြီ ဖြစ်ပါတယ်။
3 months Ago

October 14, 2020

ကိုဗစ်-၁၉ ပိုးတွေ့လူနာသစ် ၁,၁၂၃ ယောက်တွင် ရန်ကုန်တိုင်းက ၉၁၅ ဦးပါဝင်

မနေ့ညက ထုတ်ပြန်ခဲ့တဲ့ ကိုဗစ်-၁၉ ပိုးတွေ့လူနာအသစ် ၁,၁၂၃ ယောက်ထဲမှာ  ရန်ကုန်တိုင်းက ၉၁၅ ယောက် ပါဝင်နေတယ်လို့  ကျန်းမာရေးနှင့် အားကစားဝန်ကြီးဌာနရဲ့ ဒီကနေ့ညနေ ၆ နာရီခွဲအချိန် ထုတ်ပြန်ချက်အရ သိရပါတယ်။ ကိုဗစ်-၁၉ ပိုးတွေ့လူနာတွေထဲမှာ  ရန်ကုန်တိုင်းက ၉၁၅ ယောက်နဲ့ အများဆုံး ဖြစ်ပါတယ်။ ရန်ကုန်တိုင်းထဲက မရမ်းကုန်းမြို့နယ်မှာ ၁၁၅ ယောက်၊ မင်္ဂလာဒုံမြို့နယ်မှာ ၁၀၃ ယောက်၊ မြောက်ဉက္ကလာပမြို့နယ်က ၁၀၂ ယောက်စီနဲ့ အများ ဆုံးဖြစ်ပြီး စုစုပေါင်း မြို့နယ် ၄၁ မြို့နယ် ပါဝင်နေတာ ဖြစ်ပါတယ်။ ကျန်တဲ့ တိုင်းနဲ့ ပြည်နယ်တွေအလိုက် ကိုဗစ်-၁၉ ရောဂါပိုးတွေ့ရှိမှုအနေနဲ့ ပဲခူးတိုင်းမြို့နယ် ၈ ခုမှာ ၅၇ ယောက်၊ မန္တလေးတိုင်းမြို့နယ် ၁၃ ခုမှာ ၆၀ ယောက်၊ မွန် ပြည်နယ်မြို့နယ် ၂ ခုမှာ ၃ ယောက်၊ မကွေးတိုင်းမြို့နယ် ၇ ခုမှာ ၉ ယောက်၊ ဧရာဝတီတိုင်းမြို့နယ် ၉ ခုမှာ ၁၂ ယောက်၊ ရခိုင်ပြည်နယ်မြို့နယ် ၈ ခုမှာ ၃၄ ယောက်၊ စစ်ကိုင်းတိုင်းမြို့နယ် ၃ ခုမှာ ၆ ယောက်၊ ကရင်ပြည်နယ်မြို့နယ် ၂ ခုမှာ ၅ ယောက်၊ နေပြည်တော်မြို့နယ် ၄ ခုမှာ ၇ ယောက်၊ ရှမ်းပြည်နယ်(အရှေ့ပိုင်း)မြို့နယ် ၂ ခုမှာ ၂ ယောက်၊ ရှမ်းပြည်နယ်(မြောက်ပိုင်း)မြို့နယ် ၃ ခုမှာ  ၃ ယောက်၊ တနင်္သာရီတိုင်းမြို့နယ် ၂ ခုမှာ ၁၀ ယောက် အသီးသီး တွေ့ရှိခဲ့ရတာ ဖြစ်ပါတယ်။ အဆိုပါအတည်ပြုလူနာ ၁,၁၂၃ ယောက်ထဲမှာ အနံ့မရရှိသူ ၁၁၆ ယောက်ပါဝင် နေတယ်လို့လည်း ကျန်းမာရေးဌာန ထုတ်ပြန်ချက်ထဲမှာ ဖော်ပြပါတယ်။ မြန်မာနိုင်ငံမှာ အောက်တိုဘာ ၁၃ ရက် ည ၈ နာရီအထိ ကိုဗစ်-၁၉ အတည်ပြုလူနာ ၃၀,၄၃၇ ယောက်၊ သေဆုံးသူ ၆၉၃ ယောက်နဲ့ ဆေးရုံဆင်းခွင့်ရသူ ၁၁,၇၆၉ ယောက်ရှိပြီလို့ ကျန်းမာရေးနဲ့ အားကစားဝန်ကြီးဌာနက ထုတ်ပြန်ထားပါတယ်။ ကမ္ဘာတဝန်းမှာတော့ လက်ရှိအချိန်ထိ ကိုဗစ်-၁၉ အတည်ပြုလူနာ ၃၈ ဒသမ ၄  သန်းကျော်၊ သေဆုံးသူ ၁ သန်း ၉ သောင်းကျော်နဲ့ ရောဂါသက်သာပျောက်ကင်းသူ ၂၈ ဒသမ ၈ သန်းကျော် ရှိနေပြီ ဖြစ်ပါတယ်။
4 months Ago
Up