ပိုလန်

December 8, 2020

ကမ္ဘာ့ဖလားခြေစစ်ပွဲတွင် အင်္ဂလန်က ပိုလန်၊ ဟန်ဂေရီတို့နှင့် ထိပ်တိုက်တွေ့ဆုံ

၂၀၂၂ ကမ္ဘာ့ဖလား ဥရောပဇုန် ခြေစစ်ပွဲစဉ်တွေကို မဲခွဲရွေးချယ်ခဲ့ရာမှာ အင်္ဂလန်က ပိုလန်၊ ဟန်ဂေရီတို့နဲ့ တအုပ်စုတည်း တွေ့ဆုံခဲ့ပါတယ်။  စုစုပေါင်းအုပ်စု ၁၀ ခု ခွဲခြားခဲ့ပြီး အင်္ဂလန်က ပိုလန်၊ ဟန်ဂေရီ၊ အယ်လ်ဘေးနီးယား၊ အန်ဒိုရာနဲ့ ဆန်မာရီနိုတို့နဲ့ အုပ်စု I မှာ တွေ့ဆုံခဲ့တာပါ။  ခြေစစ်ပွဲ တိုက်ရိုက်အောင်မြင်မယ့် အုပ်စုပထမနေရာအတွက် ပိုလန်အသင်းနဲ့ အဓိက ရင်ဆိုင်ရဖို့ ရှိပါတယ်။ တခြားအုပ်စုတွေမှာတော့ အုပ်စု A မှာ ပေါ်တူဂီ၊ ဆားဘီးယား၊ အိုင်ယာလန်၊ လူဇင်ဘက်နဲ့ အဇာဘိုင်ဂျန်၊ အုပ်စု B မှာ စပိန်၊ ဆွီဒင်၊ ဂရိ၊ ဂျော်ဂျီယာ၊ ကိုဆိုဗိုတို့ တွေ့ဆုံခဲ့တာပါ။  အုပ်စု C မှာ အီတလီ၊ ဆွစ်ဇာလန်၊ မြောက်အိုင်ယာလန်၊ ဘူလ်ဂေးရီးယား၊ လစ်သူယေးနီးယား၊ အုပ်စု D မှာ ပြင်သစ်၊ယူကရိန်း၊ ဖင်လန်၊ ဘော့စနီးယား၊ ကာဇက်စတန်၊ အုပ်စု E မှာ ဘယ်လ်ဂျီယံ၊ ဝေးလ်၊ ချက်၊ ဘယ်လာရုစ်၊ အက်စ်တိုးနီးယားတို့ ပါဝင်ပါတယ်။  အုပ်စု F မှာတော့ ဒိန်းမတ်၊ သြစတြီးယား၊ စကော့တလန်၊ အစ္စရေး၊ ဖာရိုးကျွန်းစု၊ မော်လ်ဒိုဗာ၊ အုပ်စု G မှာ ဟော်လန်၊ တူရကီ၊ နော်ဝေ၊ မွန်တီနိုဂရိုး၊ လတ်ဗီးယား၊ ဂျီဘရော်တာတို့ တွေ့ဆုံပါတယ်။  အုပ်စု H မှာတော့ ခရိုအေးရှား၊ စလိုဗက်ကီးယား၊ ရုရှား၊ စလိုဗေးနီးယား၊ အုပ်စု J မှာ ဂျာမနီ၊ ရိုမေးနီးယား ၊အိုက်စလန်၊ မြောက်မက်ဆီဒိုးနီးယား၊ အာမေးနီးယားနဲ့ လက်ချင်စတိန်းတို့ ပါဝင်ပါတယ်။
4 months Ago

December 3, 2020

ပိုလန်တွင် ကိုဗစ်-၁၉ ရောဂါကူးစက်ခံရသူ ၁ သန်းကျော်ရှိလာ

ပိုလန်နိုင်ငံမှာ ကိုဗစ်-၁၉ ရောဂါကူးစက်ခံရ သူစုစုပေါင်း ၁ သန်းကျော်လာခဲ့ပြီး နောက် ကမ္ဘာတဝန်း သန်းချီကူးစက်ခံရတဲ့ နိုင်ငံ ၁၃ နိုင်ငံထိ ရှိလာခဲ့ပြီ ဖြစ်ပါတယ်။ လတ်တလောမှာတော့ ပိုလန်နိုင်ငံက ရောဂါကူးစက်ခံရသူ ၁ သန်းကျော်နဲ့ သေ ဆုံးသူ ၁၈,၂၀၈ ယောက် ရှိလာပြီဖြစ်တယ်လို့ Worldometers ဝက်ဘ်ဆိုက်ဒ်မှာ ဖော်ပြထားပါတယ်။ ဒီကနေ့မနက်ပိုင်းအထိ ကမ္ဘာတဝန်း ကိုဗစ်-၁၉ ရောဂါကူးစက်ခံရသူအရေအတွက်ဟာ ၆၄ သန်းကျော်လာခဲ့ပြီဖြစ်ပြီး အမေရိကန်ပြည်ထောင်စုမှာတင်  ကူးစက်ခံရသူစုစုပေါင်း ၁၄ သန်းကျော် ရှိနေခဲ့ပါတယ်။ ရောဂါဖြစ်ပွားမှု အမြင့်ဆုံးနိုင်ငံတွေထဲမှာတော့ အမေရိကန်နိုင်ငံက ကူးစက်ခံရသူ ၁၄ သန်းကျော်၊ သေဆုံးသူ ၂၇၈,၈၆၇ ယောက်၊ အိန္ဒိယနိုင်ငံက ကူးစက်ခံရသူ ၉ ဒသမ ၅ သန်းကျော်၊ သေဆုံးသူ ၁၃၈,၆၂၈ ယောက်၊ ဘရာဇီးနိုင်ငံက ကူးစက်ခံရသူ ၆ ဒသမ ၃ သန်းကျော်၊ သေဆုံးသူ ၁၇၃,၉၇၉ ယောက်စီနဲ့ ထိပ်ဆုံး ၃ နိုင်ငံအနေနဲ့ အသီးသီး ရပ် တည်နေပါတယ်။ အဲဒီ ၃ နိုင်ငံနောက်မှာတော့ ရုရှားနိုင်ငံက ကိုဗစ်-၁၉ ရောဂါကူးစက်ခံရသူ ၂ ဒသမ ၃ သန်းကျော်နဲ့ သေဆုံးသူ ၄၁,၀၅၃ ယောက်၊ ပြင်သစ်နိုင်ငံက ကူးစက်ခံရသူ ၂ ဒသမ ၂ သန်းကျော်နဲ့ သေဆုံးသူ ၅၃,၈၁၆ ယောက်၊ စပိန်နိုင်ငံက ကူးစက်ခံရသူ ၁ ဒသမ ၆ သန်းကျော်နဲ့ သေဆုံးသူ ၄၅,၇၈၄ ယောက်၊ ယူကေနိုင်ငံက ကူးစက်ခံရသူ ၁ ဒသမ ၆ သန်းကျော်နဲ့ သေဆုံးသူ ၅၉,၆၉၉ ယောက်၊ အီတလီနိုင်ငံက ကူးစက်ခံရသူ ၁ ဒသမ ၆ သန်းကျော်နဲ့ သေဆုံးသူ ၅၇,၀၄၅ ယောက်ရှိပါတယ်။ အာဂျင်တီးနားနိုင်ငံကတော့ ကူးစက်ခံရသူ ၁ ဒသမ ၄ သန်းကျော်နဲ့ သေဆုံးသူ ၃၈,၉၂၈ ယောက်၊ ကိုလံဘီယာနိုင်ငံက ကူးစက်ခံရသူ ၁ ဒသမ ၃ သန်းကျော်နဲ့ သေဆုံးသူ ၃၆,၉၃၄ ယောက်၊ မက္ကဆီကိုနိုင်ငံက ကူးစက်ခံရသူ ၁ ဒသမ ၁ သန်းကျော်နဲ့ သေဆုံးသူ ၁ သိန်းကျော်၊ ဂျာမနီနိုင်ငံက ကူးစက်ခံရသူ ၁ သန်း ကျော်နဲ့ သေဆုံးသူ ၁၇,၃၅၉ ယောက်စီနဲ့ ရပ်တည်နေပါတယ်။ ရောဂါဖြစ်ပွားမှုစတင်ရာ တရုတ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အ ရေအတွက် ၈၆,၅၅၁ ယောက်၊ စုစုပေါင်း သေဆုံးသူ ၄,၆၃၄ ယောက်နဲ့ ခုရက်ပိုင်းအတွင်း သေဆုံးသူထပ်တိုးမလာဘဲ နိုင်ငံအလိုက် အမှတ်စဉ် ၇၂ နေရာထိ ကျဆင်းသွားခဲ့ပါတယ်။ အာရှဒေသတွင်း နိုင်ငံတွေထဲမှာတော့ ကိုဗစ်-၁၉ ရောဂါကူးစက်ပြန့်ပွားမှု အမြင့် ဆုံး အိန္ဒိယနိုင်ငံပြီးရင် အီရန်၊ တူရကီနဲ့ အီရတ်နိုင်ငံတွေက ကူးစက်ခံရသူဦးရေ ၉၈၉,၅၇၂ ယောက်၊ ၇၀၀,၈၈၀ ယောက်၊ ၅၅၆,၇၂၈ ယောက်စီနဲ့ အသီးသီး ရှိနေပါတယ်။ မြန်မာနဲ့ အိမ်နီးချင်းနိုင်ငံတနိုင်ငံဖြစ်တဲ့ ဘင်္ဂလားဒေ့ရှ်နိုင်ငံမှာတော့ ကိုဗစ်-၁၉ ရောဂါကူး စက်ခံရသူဦးရေ ၄၆၉,၄၂၃ ယောက်နဲ့ သေဆုံးသူ ၆,၇၁၃ ယောက် ရှိနေတာ ဖြစ်ပါတယ်။ အာဆီယံနိုင်ငံတွေထဲမှာတော့ အင်ဒိုနီးရှားနဲ့ ဖိလစ်ပိုင်နိုင်ငံတွေက ကိုဗစ်-၁၉ ရောဂါကူးစက်ခံရသူဦးရေ ၅၄၉,၅၀၈ ယောက်နဲ့ ၄၃၄,၃၅၇ ယောက်စီနဲ့  ဒေသတွင်း ကူးစက်မှု အမြင့်ဆုံး နေရာမှာ ရှိနေခဲ့ပါတယ်။ လတ်တလော ကူးစက်မှုတွေ မြင့်တက်နေတဲ့ မြန်မာနိုင်ငံကတော့ ဒီဇင်ဘာ ၂ ရက် ည ၈ နာရီအထိ ကိုဗစ်-၁၉ အတည်ပြုလူနာစုစုပေါင်း ၉၃,၆၀၀ ယောက်၊ သေဆုံးသူ ၁,၉၉၈ ယောက်နဲ့ ဆေးရုံက ဆင်းခွင့်ရသူပေါင်း ၇၂,၆၀၁ ယောက်ရှိပြီလို့ ကျန်းမာရေး ဝန်ကြီးဌာနက ထုတ်ပြန်ထားပြီး အာဆီယံနိုင်ငံတွေထဲမှာ ကိုဗစ်-၁၉ ကူးစက်မှုနဲ့ သေဆုံးမှု အများဆုံး ၃ နိုင်ငံထဲမှာ ပါဝင်နေပါတယ်။ မလေးရှားနိုင်ငံမှာတော့ ကိုဗစ်-၁၉ ရောဂါ ကူးစက်ခံရသူ အရေအတွက် ၆၈,၀၂၀ ယောက်နဲ့ သေဆုံးသူ ၃၆၅ ယောက် ရှိပါတယ်။စင်ကာပူနိုင်ငံကတော့ ရောဂါကူးစက်ခံရသူအရေအတွက် ၅၈,၂၃၀ ယောက်နဲ့ ခုရက်ပိုင်း သေဆုံးသူအရေအတွက် ထပ်တိုးမလာပဲ ၂၉ ယောက် ရှိနေတာ ဖြစ်ပါတယ်။ မြန်မာနဲ့ အိမ်နီးချင်းနိုင်ငံတနိုင်ငံဖြစ်တဲ့ ထိုင်းနိုင်ငံမှာတော့ ကိုဗစ်-၁၉ ရောဂါကူး စက်ခံရသူ အရေအတွက် ၄,၀၂၆ ယောက်နဲ့ ခုရက်ပိုင်းအတွင်း သေဆုံးသူအရေအတွက် ထပ်တိုးမလာဘဲ အယောက် ၆၀ ယောက် ရှိနေပါတယ်။ ဗီယက်နမ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၁,၃၅၈ ယောက်နဲ့ သေဆုံးသူအရေအတွက် ခုရက်ပိုင်းမှာ တိုးမလာဘဲ ၃၅ ယောက် ရှိနေပြီး ဘရူနိုင်းနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၁၅၁ ယောက်နဲ့ သေဆုံးသူ ၃ ယောက် ရှိနေတာပါ။ ကမ္ဘောဒီးယားနဲ့ လာအိုနိုင်ငံတွေမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၃၂၉ ယောက်နဲ့  ၃၉ ယောက် အသီးသီးရှိနေပေမယ့် သေဆုံးလူနာ ခုချိန်ထိ မရှိသေးပါဘူး။ တကမ္ဘာလုံးအတိုင်းအတာနဲ့ လတ်တလောအချိန်ထိ ကိုဗစ်-၁၉ ရောဂါကူးစက်ခံရ ပြီး သေဆုံးသူအရေအတွက် ၁ ဒသမ ၄၉ သန်းကျော် ရှိလာခဲ့ပြီဖြစ်ပြီး ရောဂါပြန်လည် ပျောက်ကင်းလာသူ အရေအတွက်ကတော့ ၄၄ ဒသမ ၇၈ သန်းကျော်ရှိပါတယ်။
4 months Ago
More News
Up