ပိုချက်တီနို

June 5, 2022

နည်းပြပိုချက်တီနိုနေရာတွင် မော်ရင်ညိုနှင့် အစားထိုးရန် ပီအက်စ်ဂျီအသင်းစီစဉ်

ပြင်သစ်ထိပ်သီးကလပ် ပီအက်စ်ဂျီအသင်းဟာ နည်းပြပိုချက်တီနိုရဲ့နေရာမှာ ရိုးမားနည်းပြ မော်ရင်ညိုကို အစားထိုးခန့်အပ်ဖို့ စီစဉ်နေတယ်ပါတယ်။

ပီအက်စ်ဂျီအသင်းဘုတ်အဖွဲ့ဟာ ချန်ပီယံလိဂ်အောင်မြင်မှုမရခဲ့တဲ့ နည်းပြပိုချက်တီနိုကို ရက်ပိုင်းအတွင်းမှာ ထုတ်ပယ်သွားဖို့ ရှိနေပြီး မော်ရင်ညိုကိုခန့်အပ်ဖို့ ဆန္ဒရှိနေကြတာပါ။

ချန်ပီယံလိဂ်ပြိုင်ပွဲမှာ ပေါ်တိုနဲ့ အင်တာမီလန်အသင်းတွေနဲ့အတူ ချန်ပီယံဆုဖလား ရယူပေးခဲ့တဲ့မော်ရင်ညိုကို ပီအက်စ်ဂျီအသင်းဘုတ်အဖွဲ့က သဘောကျနေပြီး မကြာခင်မှာပဲ ခန့်အပ်နိုင်ဖို့ ကြိုးပမ်းနေပါတယ်။

အသက် ၅၉ နှစ်ရှိ ပေါ်တူဂီလူမျိုးနည်းပြ မော်ရင်ညိုဟာ ပြီးခဲ့တဲ့ ၂၀၂၁ ခုနှစ်ကမှ ရိုးမားအသင်းနည်းပြဖြစ်လာခဲ့ပြီး ယူရိုကွန်းဖရန့်လိဂ်ဆုဖလား ရရှိအောင်စွမ်းဆောင်နိုင်ခဲ့ပါတယ်။

ပီအက်စ်ဂျီအသင်းဟာ နည်းပြချုပ်ရာထူးအတွက် မော်ရင်ညိုကို ခန့်အပ်နိုင်ခြင်းမရှိဘူးဆိုရင်တော့ ရီးရဲလ်နည်းပြဟောင်း ဇီဒန်းကို ဆက်လက်ပစ်မှတ်ထားနေတယ်လို့သိရပါတယ်။ 

6 months Ago

May 2, 2022

တိုက်စစ်မှူး မက်ဆီ၏ခြေစွမ်း လာမည့်ရာသီ ပိုကောင်းလာမည်ဟု ပိုချက်တီနို ပြော

ပီအက်စ်ဂျီတိုက်စစ်မှူး မက်ဆီရဲ့ ခြေစွမ်းဟာ လာမယ့်ရာသီရောက်မှ ပိုကောင်းလာမယ်လို့ နည်းပြ ပိုချက်တီနိုက ပြောပါတယ်။ 

မက်ဆီဟာ အခုနှစ်ရာသီမှာ ပြင်သစ်လိဂ်ကို ပြောင်းရွှေ့လာပြီးနောက် လိဂ်ပြိုင်ပွဲမှာ သွင်းဂိုး ၄ ဂိုးသာ သွင်းယူထားပါတယ်။ 

လေ့လာသူတချို့က မက်ဆီရဲ့ စွမ်းဆောင်ရည်အပေါ် ဝေဖန်မှုတွေရှိပေမယ့် နည်းပြပိုချက်တီနိုက တော့ ကစားသမားဘက်ကနေ ကာကွယ်သွားခဲ့ပြီး နယ်မြေသစ်တခုမှာ အသားကျဖို့ အချိန်ယူရ နိုင်ကြောင်း ပြောပါတယ်။ 

ဘာစီလိုနာကနေ ပဲရစ်ကို ပြောင်းရွှေ့လာတာက ကြီးမားတဲ့ အပြောင်းအလဲတခုဖြစ်ပြီး အသားကျဖို့က လိုအပ်တဲ့လုပ်ငန်းစဉ်တခု ဖြစ်တယ်လို့ ပိုချက်တီနိုက ပြောပါတယ်။ 

“အခြေအနေတွေက သူနှစ်ပေါင်း ၂ဝ လောက် ဖြတ်သန်းလာခဲ့တဲ့ ဘာစီလိုနာမှာလို သက် သောင့်သက်သာလုပ်ပြနိုင်ခဲ့တဲ့ ခံစားချက်မရှိနိုင်ပါဘူး။ ဒီအချိန်မှာ မက်ဆီကို ဝေဖန်သုံးသပ်မှုတွေက မျှတမှုမရှိပါဘူး။ သူ့ရဲ့အရည်အသွေးအပေါ်မှာ သံသယဖြစ်စရာမရှိဘူး။ သူက မာရာဒိုနာ လို အဆင့်အတန်းရှိသူပါ။ လာမယ့်ရာသီမှာဆိုရင် သူ့အတွက် အလွန်ကွဲပြားခြားနားတဲ့ ရာသီဖြစ် လာလိမ့်မယ်။” 

မက်ဆီဟာ ပီအက်စ်ဂျီအသင်းမှာ ဂိုးသွင်းယူရတာထက်စာရင် ဂိုးဖန်တီးမှုအပိုင်းကို ပိုမို လုပ်ဆောင်ရပြီး လီဂူးဝမ်းမှာ ၄ ဂိုးပဲရပေမယ့် ဂိုးဖန်တီးမှု ၁၃ ကြိမ်အထိ ပြုလုပ်ထားပါတယ်။

7 months Ago
More News
Up