ပိတ်မိနေသည့် မြန်မာနိုင်ငံသား

A d v e r t i s e m e n t With Us

April 30, 2020

တောင်ကိုရီးယားနိုင်ငံတွင် ပိတ်မိနေသည့် မြန်မာနိုင်ငံသား ၉၆ ဦးကို ပြန်လည်ခေါ်ယူ

COVID-19 ရောဂါ ကူးစက်ပြန့်ပွားနေတဲ့ ကာလအတွင်း တောင်ကိုရီးယားနိုင်ငံမှာ  ပိတ်မိနေတဲ့ မြန်မာနိုင်ငံသား ၉၆ ဦးကို လေယာဉ်နဲ့ ရန်ကုန်ကို ပြန်လည်ခေါ်ယူခဲ့တယ်လို့ မြန်မာနိုင်ငံခြားရေးဌာနက ဒီကနေ့ သတင်းထုတ်ပြန်ပါတယ်။ ကိုရီးယားနိုင်ငံမှာ အကြောင်းအမျိုးမျိုးကြောင့် အခက်အခဲဖြစ်နေပြီး မဖြစ်မနေ အပြီးပြန်လည် ထွက်ခွာဖို့ လိုအပ်နေတဲ့ မြန်မာနိုင်ငံသားတွေကို Relief Flight တွေနဲ့ မြန်မာနိုင်ငံသို့ ပြန်လည်ပို့ဆောင်နိုင်ဖို့  ဆိုးလ်မြို့ရှိ မြန်မာသံရုံးက စီစဉ် ဆောင်ရွက်ခဲ့တာလို့ ဆိုပါတယ်။ ပြန်လာသူတွေအထဲမှာ သင်္ဘောသားတွေ၊ ကျန်းမာရေးမကောင်းသူတွေ၊ အလုပ်စာချုပ် ပြည့်မြောက်ပြီး နေထိုင်ခွင့်သက်တမ်း ကုန်ဆုံးနေသူတွေ၊ တရားမဝင် နေထိုင်ခဲ့ပြီး မဖြစ်မနေ ပြန်လည်ထွက်ခွာဖို့ လိုအပ်နေသူတွေ ပါဝင်ပါတယ်။  ဒီကနေ့ ညနေ ၅ နာရီမှာ ပထမအကြိမ်ပြန်လည်ပို့ဆောင်မှုအဖြစ် ဆရာတော် ၁ ပါး၊ သင်္ဘောသား ၃၅ ဦး၊ ကျောင်းသူ ၂ ဦးနဲ့ EPS လုပ်သား ၅၈ ဦး၊ စုစုပေါင်း မြန်မာနိုင်ငံသား ၉၆ ဦးကို အင်ချွန်းအပြည်ပြည်ဆိုင်ရာလေဆိပ်ကနေ  မြန်မာအပြည်ပြည် ဆိုင်ရာလေကြောင်းလိုင်း (MAI) နဲ့ ရန်ကုန်ကို  ပို့ဆောင်ပေးခဲတာဖြစ်ပါတယ်။ ဓာတ်ပုံ- MOFA
10 months Ago
Up