ပိတ်သိမ်း

May 4, 2018

မြေပုံအိုင်ဒီပီဒုက္ခသည်စခန်းပိတ်သိမ်း၊ မိသားစုအချို့ပြောင်းရွှေ့နေထိုင်

  ရခိုင်ပြည်နယ်၊ မြေပုံမြို့အနီးတောင်ပေါ်က အိုင်ဒီပီ ဒုက္ခသည်စခန်းကို ပထမအဆင့်အနေနဲ့ ပိတ်သိမ်းနေပြီး မွတ်ဆလင် ဒုက္ခသည်တချို့ကိုလည်း အသစ်ဆောက်လုပ်ထားတဲ့ နေအိမ်တွေဆီကို စတင်ပြောင်းရွှေ့ပေးနေပါတယ်။ မြေပုံဒုက္ခသည်စခန်းရဲ့လက်ရှိအခြေအနေမှာတော့ နေအိမ်အလုံး(၅၀) ဆောက်ဆောက်လုပ်ပြီး စီးထားပြီး မူဆလင်ဒုက္ခသည်  မိသားစု ၅၀ ကျော် သွားရောက်နေထိုင်နေကြပြီဖြစ်ပါတယ်။ ဒုက္ခသည်စခန်းကို ချက်ချင်း ပိတ်သိမ်းတာမျိုးမလုပ်ဘဲ တဆင့်ပြီးတဆင့် ပိတ်သိမ်းဖို့လုပ်နေတာလို့ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေးဌာန ညွှန်ကြားရေးမှူး ဒေါက်တာအောင်သူရိန်ကပြောပါတယ်။ “ချက်ချင်းကြီးပိတ်တာနဲ့စာရင် ဒီလူတွေနဲ့ ညှိနှိုင်းရတယ်။ ပြီးတော့ ဒေသခံတွေနဲ့ ညှိနှိုင်းရတယ်။ ဆွေးနွေးရတယ်။ အဲ့ဒါတွေကိုတဆင့်ပြီးတဆင့် လုပ်လာတဲ့အခါမှာတော့ သူတို့ရဲ့သဘောတူညီချက်နဲ့ ဒါကိုပိတ်ဖို့ ဖြစ်လာတယ်။ အားလုံးတပြိုင်တည်းဖျက်၊ တပြိုင်တည်း ဆောက်ဆိုတာထက်စာရင်ပေ့ါနော်။ အခုဆိုရင်အိမ်အလုံး (၅၀)ဆောက်လုပ်ပြီးတော့ အဲ့ဒီဒုက္ခသည်စခန်းတွေမှာရှိတဲ့ မိသားစု ၅၀ ကိုရွှေ့တယ်။ နောက်အိမ်အလုံး (၅၀)ထပ်ဆောက်မယ်။ မိသားစု ၅၀ ထပ်ရွှေ့မယ်”လို့ပြောပါတယ်။ ဒုက္ခသည်တွေအတွက် နေအိမ်တွေအပြင် ဆေးရုံတွေနဲ့ စာသင်ကျောင်းတွေကို လည်းဆောက်လုပ်ဖို့ ပြင်ထားပြီးဖြစ်တယ်လို့လည်းဆိုပါတယ်။ “စခန်းကိုပိတ်သိမ်းတယ်ဆိုတာက အဆောက်အဦတွေ ဆောက်လုပ်တာနဲ့မပြီးဘူး။ သူတို့ရဲ့အခြေခံလို အပ်ချက်တွေဖြစ်ကြတဲ့ စားဝတ်နေရေးတွေပါလာမယ်။ နောက်တခါ ပညာရေး၊ ကျန်းမာရေးတွေပါလာမယ်။ အဲ့ဒါတွေအတွက် ကျနော်တို့က စီစဉ်ထားတာရှိတယ်။ သူတို့ရဲ့အလုပ်အကိုင်တွေ တကယ်အဆင်ပြေလာဖို့စတဲ့ အချက်တွေ ထည့်သွင်းစဉ်းစားပြီး လုပ်တာဖြစ်ပါတယ်” ညွှန်ကြားရေးမှူး ဒေါက်တာအောင်သူရိန်ကပြောပါတယ်။ အခုလို ဒုက္ခသည်စခန်းကိုပိတ်ပြီး နေအိမ်​သစ်တွေဆောက်ပေးတဲ့နေတာကို မွတ်ဆလင်ဒုက္ခသည်တချို့က လက်ခံတာရှိသလို့ လက်မခံသူတွေလည်းရှိနေကြပါတယ်။ ဒါအပြင် အိုင်ဒီပီ ဒုက္ခသည်စခန်းကို ပိတ်သိမ်းတဲ့အတွက်  စားနပ်ရိက္ခာတွေ ပြတ်တောက်သွားမှာကို မူဆလင်ဒုက္ခသည်တချို့က စိုးရိမ်နေကြတာလည်းရှိပါတယ်။ နေအိမ်အသစ်ကိုရောက်ရှိလာတဲ့ မူဆလင်ဒုက္ခသည် ဦးမူလာလီက “အဆင်တော့ပြေတယ်။ ဒါပေမယ့် ဒီမှာက ဘာမှအလုပ်အကိုင်မရှိဘူး။ ဒီမှာက မိုးရာသီဆိုရင်လည်းရေကတက်တယ်။ ကလေးတွေ ဘယ်လိုနေထိုင်မလဲ။ ဟိုဒုက္ခသည်စခန်းမှာနေရာတာထက်တော့ ဒီမှာက ကောင်းတယ်။ တခုရှိတာက ဒီမှာရေတက်တာတော့ရှိတယ်။ ဒါလေးတခုလုပ်ပေးရင်ကောင်းမယ်။”လို့ပြောပါတယ်။ မြေပုံဒုက္ခသည်စခန်းမှာ အိမ်ထောင်စု (၆၄၂) ရှိပြီး လူဦးရေ (၃၀၀၀) ကျော်ရှိတယ်လို့ သိရပါတယ်။
3 years Ago

August 16, 2017

သီရိမင်္ဂလာဈေးဟောင်းကို အန္တရာယ်ရှိအဆောက်အအုံအဖြစ်သတ်မှတ် ပိတ်သိမ်း

ရန်ကုန်မြို့၊ သီရိမင်္ဂလာဈေးဟောင်းကို ပျက်စီးယိုယွင်းပြီး အန္တရာယ်ရှိတယ်လို့ ရေးသားထားတာတွေ ဖေ့စ်ဘွတ်ပေါ်မှာပျံ့နှံ့ပြီး ရက်ပိုင်းအတွင်းမှာပဲ  စည်ပင်သာယာက အန္တရာယ်ရှိ အဆောက်အအုံအဖြစ် သတ်မှတ်လိုက်ပါတယ်။ အရင်ကကုန်စိမ်းဈေးဖြစ်တဲ့ သီရိမင်္ဂလာဈေးကို အသစ်တည်ဆောက်ပြီး ပြောင်းရွှေ့သွားတဲ့ နောက်ပိုင်း ဈေးဟောင်းမှာ ကားရောင်းဝယ်ရေးနဲ့ ကုမ္ပဏီရုံးခန်းတွေ ဖွင့်လှစ်ထားတာပါ။ အဆိုပါနေရာမှာ ကားအရောင်းအ၀ယ်လုပ်ငန်းလုပ်ကိုင်နေတဲ့ ဦးအေးကျော်က “မနက်ဖြန် ပြောင်းရမယ်ဆိုပြီး ဒီနေ့ နေ့လယ်ပိုင်းမှာပဲ စာလာကပ်တယ်။ ဒါကတော့ မြန်လွန်းတာပေါ့။ ပြောင်းဖို့ခက်တာပေါ့” လို့ ပြောပါတယ်။ ဈေးဟောင်းမှာ ဖွင့်ထားတဲ့ ကားရောင်းဝယ်ရေးစခန်းမှာ ကားစီးရေ တထောင်ကျော်ရှိတယ်လို့ သိရပါတယ်။ ကားတွေအနေနဲ့ ရပ်နားဖို့ အခက်အခဲရှိရင် လှိုင်ယာဉ်ရောင်းဝယ်ရေးစခန်း၊ သံသုမာ ယာဉ်ရောင်းဝယ်ရေးစခန်း၊ အောင်မင်္ဂလာ အဝေးပြေးယာဉ်ရပ်နားစခန်းနဲ့ အမှတ် ၃ လမ်းကြားက ယာဉ်ရပ်နားကွင်းမှာ နေရာလွတ်ရင်သွားရပ်နိုင်တယ်လို့ စည်ပင်သာယာ အခွန်ဌာနရဲ့ အသိပေးစာမှာ ဖော်ပြထားပါတယ်။ ဒါနဲ့ပတ်သက်ပြီး အသေးစိတ်သိရဖို့ စည်ပင်သာယာ ဈေးများဌာနနဲ့ အခွန်ဌာနကို ဖုန်းနဲ့ ဆက်သွယ်ခဲ့ပေမယ့် မရပါဘူး။
4 years Ago
Up