ပိတ်မိပြည်သူ

May 18, 2018

အင်ဂျန်းယန်ဒေသရှိ ပိတ်မိပြည်သူများကို ပြည်နယ်အစိုးရက ဦးဆောင်ကယ်ထုတ်မည်

ကချင်ပြည်နယ် တိုက်ပွဲတွေကြောင့် အင်ဂျန်းယန်မြို့နယ်မှာလည်း ပိတ်မိပြည်သူတွေ ရှိနေပြီး သူတို့ကို ကချင်ပြည်နယ်အစိုးရက ဦးဆောင် သွားရောက်ကယ်ထုတ်ဖို့ လုပ်ငန်းစဉ်တွေကို မေ ၁၉ ရက်မှာ  စတင်တော့မယ်လို့ သိရပါတယ်။ အစိုးရ၊ လွှတ်တော်ကိုယ်စားလှယ်တွေ၊ ကချင်ပြည်နယ်က နိုင်ငံရေးပါတီတွေနဲ့ မြစ်ကြီးနား ခရစ်ယာန်ကောင်စီတို့ ပူးပေါင်းကာ မနက်ဖြန်မှာပဲ အင်ဂျန်းယန်မြို့နယ်ကို သွားရောက်မှာ ဖြစ်ပြီး ကနဦးအနေနဲ့ အခြေအနေသာသွားရောက်စုံစမ်းဦးမယ်လို့ အင်ဂျန်းယန်မြို့နယ်ရဲ့ ပြည်နယ်လွှတ်တော်ကိုယ်စားလှယ် ဒေါ်ဂျာဆိုင်းခေါန်က ဒီဗွီဘီကို ပြောပါတယ်။ “အဲ့ဒီဘက်မှာက လူနေအိမ်တွေမှာ တပ်မတော်က ဝင်နေတာတွေ ကြားတယ်။ ဆေးရုံတွေ၊ ကျောင်းတွေမှာရောပဲ။ ဘယ်သူမှလည်း အင်ဂျန်းယန်ကို ဝင်လို့မရသလို အင်ဂျန်းယန်ကနေလည်း ဘယ်သူမှ ထွက်မရတဲ့ အခြေအနေ ဖြစ်နေတယ်” အင်ဂျန်းယန်မှာ  ပိတ်မိပြည်သူ ၆၀၀ လောက်ရှိပြီး ပြည်နယ်အစိုးရ ဦးဆောင်တဲ့ မြေပြင်အခြေအနေ သွားကြည့်မယ့် ခရီးစဉ်ကို ကချင်လူငယ်တွေလည်း လိုက်ပါခွင့်ပေးထားတယ်လို့ ကချင်လူငယ်ထု လှုပ်ရှားမှုကော်မတီက တာဝန်ခံ မဆွတ်ဆိုင်းထွယ်က ပြောပါတယ်။ “အင်ဂျန်းယန်ကနေ ထွက်ချင်နေတဲ့လူတွေ ရှိတယ်လို့ အကြောင်းကြားထားတာ ရှိပါတယ်။ လောလောဆယ်တော့ မြေပြင်အခြေအနေ သွားကြည့်မယ်လို့ပဲ သိထားပါသေးတယ်။ အဲဒီကနေ ထွက်ခွာချင်တဲ့သူတွေကို ဘယ်လိုလုပ်ပေးမယ် ဆိုတာတော့ မသိရသေးပါဘူး”လို့ သူက ဆိုပါတယ်။ လက်ရှိမှာတော့ အင်ဂျန်းယန်မြို့ပေါ်မှာ  တပ်မတော်က နေရာယူထားတယ်လို့ လွှတ်တော်ကိုယ်စားလှယ်တွေဆီက သိရပါတယ်။ သတင်း - ရဲမွန်
3 years Ago

May 6, 2018

တပ်မတော်က ခွင့်ပြု၍ တိုက်ပွဲတွင်း ပိတ်မိပြည်သူ ၁၃၀ ကျော်ကို ကယ်ထုတ်

ကချင်ဒေသအတွင်း တိုက်ပွဲတွေကြောင့် ဖားကန့်မြို့နယ် ကာမိုင်းမြို့  မံဝယ်ကျေးရွာမှာ ပိတ်မိနေတဲ့ ပြည်သူ ၁၃၄ ဦးကို ကယ်ထုတ်ပေးဖို့ တပ်မတော်က သဘောတူလိုက်တဲ့အတွက် အစိုးရက ဦးဆောင်ပြီး ဒီနေ့ စတင်ကယ်ထုတ်ပေးနေပြီလို့ လူမှုဝန်ထမ်း၊ ကယ်ဆယ်ရေးနဲ့ ပြည်လည်နေရာချထားရေးဝန်ကြီးဌာန ဒုဝန်ကြီး ဦးစိုးအောင်က ဒီဗွီဘီကိုပြောပါတယ်။ “အစိုးရဲ့ ဦးဆောင်မှုနဲ့ ဒီနေ့သွားကယ်ထုတ်တာပါ။ စာရင်းအရတော့ ၁၃၆ ယောက်ရှိပါတယ်။ ဒါပေမယ့် အမျိုးသားတဦးနဲ့ အမျိုးသမီးတဦးက မပြန်ချင်ဘူးပြောလို့ ၁၃၄ ယောက်ကို ကယ်ထုတ်ပေးနေတာပါ။ သူတို့ကို အင်းတော်ကြီးမှာ ခဏထားထားပါ့မယ်။ ပြီးမှ ကာမိုင်းမြို့ကိုပို့ပါ့မယ်။ သူတို့ဘယ်ရွာကို ပြန်မယ်ဆိုတာ အစိုးရကိုလည်း စာရင်းပေးထားပါတယ်” လို့ ဒုဝန်ကြီးက ဆိုပါတယ်။ ဒါ့အပြင် အစိုးရအနေနဲ့ မံဝယ်ကျေးရွာမှာ ပိတ်မိနေတဲ့ပြည်သူတွေအပြင် အင်ဂျန်းယန်မြို့နယ်က ကျေးရွာတချို့မှာ ပိတ်မိနေတဲ့ ပြည်သူတွေကိုလည်း သွားရောက်ကယ်ထုတ်ဖို့ စီစဉ်နေပြီလို့လည်း သိရပါတယ်။ “တနိုင်းမှာ ပိတ်မိနေတဲ့သူတွေအတွက်ကတော့ နောက်ပိုင်းထပ်စဉ်းစားပါ့မယ်။ အခုလောလောဆယ်တော့ ကာမိုင်းနဲ့ အင်ဂျန်းယန်ကို ဦးစားပေးဆောင်ရွက်နေပါတယ်”လို့ ဒုဝန်ကြီး ဦးစိုးအောင်က ပြောပါတယ်။ မံဝယ်ကျေးရွာက ပိတ်မိပြည်သူတွေကို ကယ်ထုတ်ဖို့ ခရစ်ယာန်ဂိုဏ်းပေါင်းစုံဦးဆောင်တဲ့ ကယ်ဆယ်ရေးအဖွဲ့ဟာ မေ ၄ ရက်က ပြည်နယ်အစိုးရရဲ့ ခွင်ပြုချက်နဲ့ သွားရောက်ခဲ့ပေမယ့် တပ်မတော်ဘက်က ပိတ်ပင်ခဲ့တာကြောင့် ကယ်ဆယ်ရေးခရီးစဉ်ကို ဖျက်သိမ်းခဲ့ရပါတယ်။ လူမှုဝန်ထမ်း၊ ကယ်ဆယ်ရေးနဲ့ ပြည်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးလည်း မြစ်ကြီးနားမြို့ကို မေ ၅ ရက်ကတည်းက ရောက်ရှိနေပြီး ဒီနေ့မှာတော့ မြစ်ကြီးနားမြို့နဲ့ နမ္မတီးမြို့က စစ်ဘေးရှောင်စခန်းတွေကို သွားရောက်ထောက်ပံ့ခဲ့ပါတယ်။ ပြည်ထောင်စုဝန်ကြီးကတော့ မံဝယ်ကျေးရွာက ပိတ်မိပြည်သူတွေကို ကယ်ထုတ်ပေးဖို့ ကချင်လူငယ်တွေက သူ့ကိုတောင်းဆိုထားတယ်လို့ဆိုပြီး မြေပြင်အခြေအနေကို သိရဖို့အတွက်နဲ့ သက်ဆိုင်ရာတွေနဲ့ ညှိနှိုင်းပေးဖို့ လာရောက်တာဖြစ်တယ်လို့လည်း ဆိုပါတယ်။ “လူငယ်တွေတောင်းဆိုထားတဲ့ မံဝယ်ကျေးရွာက ပိတ်မိပြည်သူတွေကို ကယ်ထုတ်ဖို့ တပ်မတော်ဘက်က ကူညီမယ်လို့ အဖြေပေးပြီးပါပြီ။ လူငယ်တွေနဲ့တွေ့ဆုံတဲ့အခါမှာ လူငယ်တွေက ကျန်ခဲ့တဲ့သူတွေကို လုံခြုံတဲ့နေရာ ရောက်စေချင်တာကိုပဲ တောင်းဆိုတာပါလို့ပြောတယ်။ ဒီကိစ္စကို ပြည်ထောင်စုအစိုးရလည်း သိပါတယ်။ ဒီလိုဆောင်ရွက်ဖို့အတွက် မြေပြင်အခြေအနေကိုသိဖို့လိုပါတယ်။ အဲဒါကြောင့် အခုလိုလာဖြစ်တာလည်း ဖြစ်ပါတယ်” လို့ ဒေါက်တာဝင်းမြတ်အေးက ပြောပါတယ်။ လက်ရှိမှာတော့ မြစ်ကြီးနားမြို့မှာ ကချင်လူငယ်ထုတွေက သပိတ်စခန်းကို ဆက်လက်ဖွင့်ထားဆဲဖြစ်ပြီး အစိုးရရဲ့ ကယ်ဆယ်ရေးလုပ်ငန်းစဉ်ကြောင့် သပိတ်စခန်းရုပ်သိမ်းမယ့်ကိစ္စကိုတော့ မသိရှိရသေးပါဘူး။ ဒါ့အပြင် ကချင်ဒေသအတွင်း ပိတ်မိပြည်သူကလည်း ၂ ထောင်ကျော်နီးပါး ကျန်ရှိနေတာဖြစ်ပါတယ်။
3 years Ago
Up