ပါရမီရှင် ၉ နှစ်သမီးလေး၏ တိုက်တန်းနစ်သီချင်း သီဆိုမှု ရုပ်သံကြည့်ရှုသူ ၂၆ သန်းကျော်ရှိ

August 3, 2017

ပါရမီရှင် ၉ နှစ်သမီးလေး၏ တိုက်တန်းနစ်သီချင်း သီဆိုမှု ရုပ်သံကြည့်ရှုသူ ၂၆ သန်းကျော်ရှိ

အသက် ၉ နှစ်အရွယ်သာ ရှိသေးတဲ့ ကလေးငယ်တဦးအဖို့ အနိမ့်အမြင့်သံတွေနဲ့ ခက်ခဲတဲ့ သီချင်းတပုဒ်ကို ခုလို သီဆိုပြနိုင်ဖို့ဆိုတာ တော်တော့ကို မလွယ်ကူလှပါဘူး။ ဒါပေမယ့် ထိုင်ဝမ်နိုင်ငံမှ စေလင်းတမ်ကတော့ ကမ္ဘာကျော် တိုက်တန်းနစ်ရုပ်ရှင်ကားထဲက အဆိုတော် စေလင်းဒီယွန်ရဲ့ ဇာတ်ဝင်သီချင်းတပုဒ်ဖြစ်တဲ့ My Heart Will Go On သီချင်းနဲ့ ဒိုင်တွေကို အံ့အားသင့်စေခဲ့တာပါ။ သူဟာ ဒေသတွင်းယှဉ်ပြိုင်တဲ့ America’s Got Talent သီချင်းဆိုပြိုင်ပွဲရဲ့ အသံစစ်ဆေးရွေးချယ်ပွဲမှာ ဒီသီချင်းနဲ့ ယှဉ်ပြိုင်ပြီး စွမ်းရည်ပြသနိုင်ခဲ့တာ ဖြစ်ပါတယ်။ သူ့ရဲ့မိဘတွေဟာ အဆိုတော် စေလင်းဒီယွန်ရဲ့ အမာခံပရိသတ်တွေဖြစ်တာမို့ သူ့ကို ဒီနာမည်ပေးခဲ့ကြပြီး ငယ်စဉ်ကတည်းက သီချင်းတွေနဲ့ ယဉ်ပါး နားရည်ဝနေခဲ့တာပါ။ ရုပ်သံဗွီဒီယိုဖိုင်ထဲမှာတော့ စေလင်းရဲ့ အံ့သြစရာကောင်းတဲ့ သီဆိုဟန်နဲ့ ဖျော်ဖြေမှုကို မြင်တွေ့ရချိန်မှာ ဒိုင်တွေဟာ ပါးစပ်အဟောင်းသားနဲ့ အံ့အားသင့် ချီးကျူးခဲ့ကြတာကို တွေ့ရမှာပါ။ စေလင်းရဲ့ မိဘတွေရော၊ ပရိသတ်တွေပါ စင်အောက်ကနေ ကြည့်ရှုနေခဲ့ကြတာကိုလည်း တွေ့ရပါတယ်။ ပြိုင်ပွဲကို အထူးဧည့်သည်တော်ဒိုင်အဖြစ် တက်ရောက်လာခဲ့တဲ့ မင်းသမီး လာဗန်း ကောက်စ်ကတော့ နောက်တဆင့်တက်နိုင်ဖို့ အချက်ပြ အမှတ်ပေးခဲ့တာပါ။ ဒီရုပ်သံဗွီဒီယိုဖိုင်ဟာ လတ်တလောမှာတော့ နာမည်ကြီးနေခဲ့ကာ ဝင်ရောက်ကြည့်ရှုကြတဲ့ အကြိမ်ရေ ၂၆ သန်းကျော်ရှိခဲ့ပြီ ဖြစ်ပါတယ်။
4 years Ago
Up