ပါဗယ်လ်ဇေလန်စကီ

January 18, 2021

ရုရှားအစိုးရ ဝေဖန်သူ နာဗယ်ညီ၏ဖောင်ဒေးရှင်းအဖွဲ့ဝင် ထောင်ဒဏ်ချမှတ်ခံရ

ရုရှားအစိုးရကို ဝေဖန်သူ အလက်ဇီနာဗယ်ညီ တည်ထောင်ထားတဲ့ အဂတိလိုက်စားမှု တိုက်ဖျက်ရေး ဖောင်ဒေးရှင်းရဲ့ အဖွဲ့ဝင် ပါဗယ်လ်ဇေလန်စကီကို မော်စကို တရားရုံးက ဖေဖော်ဝါရီ ၂၈ ရက်ထိ ထောင်ဒဏ်ကျခံဖို့ ဇန်နဝါရီ ၁၆ ရက်မှာ စီရင်လိုက်ပါတယ်။ အင်တာနက်ပေါ်မှာ အစွန်းရောက်ဝါဒ လှုံ့ဆော်မှုစွဲချက်တွေနဲ့ သူ့ကို ထောင်ချလိုက်တာလို့ တရားရုံးရဲ့ ကြေညာချက်က ဆိုပါတယ်။ ရုရှားကို နာဗယ်လ်ညီ ပြန်လာဖို့ တရက်အလိုမှာ ပါဗယ်လ်ဇေလန်စကီကို ပရက်နန်စကီ ခရိုင်တရားရုံးက ချုပ်နှောင်ထားဖို့ အမိန့်ချခဲ့တာပါ။ နာဗယ်ညီကတော့ သြဂုတ်လမှာ အဆိပ်ခတ်ခံရအပြီး ဂျာမနီမှာ သွားရောက် ကုသခံနေခဲ့ရပါတယ်။ ဇေလန်စကီဟာ တရားဝင်လာဘ်စားမှုလို့ ခေါ်တဲ့ သက်ရောက်မှုကြီးတဲ့ စုံစမ်းစစ်ဆေးမှုတွေကို ပုံနှိပ်ထုတ်ဝေရာမှာ အထူးပြုတဲ့ ဖောင်ဒေးရှင်းအတွက် ကင်မရာသမားလည်း ဖြစ်ပါတယ်။ တချို့ ပစ်မှတ်တွေဟာ အငြင်းပွားစရာ ဖြစ်ပြီး တရားဥပဒေအရ အောင်အောင်မြင်မြင် အရေးယူနိုင်ခဲ့ပါတယ်။ ဇေလန်စကီကို သောကြာနေ့က ဖမ်းခဲ့တယ်။ အခုတော့ ဇေလန်စကီဟာ တရားရုံး စစ်ချက် မထုတ်ခင် အချိန်တလ ထိန်းသိမ်းခံရလိမ့်မယ်လို့ မော်စကို အခြေစိုက် လူ့အခွင့်အရေးအုပ်စု အာဂိုရာရဲ့ အကြီးအကဲက လူမှုကွန်ရက်ပေါ်မှာ ပြောပါတယ်။
9 months Ago
Up