ပလတ်စတစ်ဘူးခွံ

June 27, 2018

ပလတ်စတစ်ဘူးခွံများဖြင့် ထူးထူးခြားခြား တည်ဆောက်ထားသည့် အံ့ဖွယ်မြစ်ကူးတံတား

စွန့်ပစ်ပလတ်စတစ်ဘူးခွံတွေနဲ့ချည်း ထူးထူးခြားခြား ဆောက်လုပ်ထားတဲ့ မြစ်ကူးတံတားတစင်းဟာ အွန်လိုင်းပေါ်မှာ စိတ်ဝင်စားမှုတွေ မြင့်တက်နေပါတယ်။ အဲဒီ မြစ်ကူးတံတားဟာ ထိုင်းနိုင်ငံ၊ ဖက်ချဘူရီခရိုင်ထဲက ဝက်သောင် နက်ပခွန် ကျေးလက်ဘုန်းကြီးကျောင်း အနီးမှာ တည်ရှိတာဖြစ်တယ်လို့ ကိုကိုးနပ်စ်သတင်းတပုဒ်မှာ ဖော်ပြပါတယ်။ အရှည် ၄၂ မီတာရှိတဲ့ အဲဒီတံတားနဲ့အတူ အပျော်စီးလှေငယ် ၄ စီးကိုလည်း ပလတ်စတစ်ဘူးခွံတွေနဲ့ တည်ဆောက်ထားခဲ့တာဖြစ်ပြီး တံတားတည်ဆောက်ရာမှာတော့ ပလတ်စတစ်ဘူးခွံပေါင်း ၂ သောင်းခွဲလောက် အသုံးပြုခဲ့ရတယ်လို့ ကျောင်းထိုင်ဆရာတော် ဖရာကရူကိုဆွန်က ပြောပါတယ်။ ဘုန်းကြီးကျောင်းအနီး မြစ်ကမ်းနားက ဝက်သောင်နက်ပခွန်ဈေးကိုလည်း အပတ်စဉ် ဖွင့်လှစ်သွားမှာဖြစ်ကာ လာရောက်ကြသူတွေအနေနဲ့ အဲဒီတံတားပေါ်က ဖြတ်လျှောက် လေ့လာနိုင်မှာ ဖြစ်တယ်လို့ ဆိုပါတယ်။ ဒါဟာ စွန့်ပစ်ပစ္စည်းတွေကို ပြန်လည်သုံးစွဲရေးဆိုင်ရာ သဘာဝပတ်ဝန်းကျင် ထိန်းသိမ်းရေး လှုပ်ရှားမှုအနေနဲ့ တည်ဆောက်ခဲ့တာ ဖြစ်ပါတယ်။ ဒီလိုတည်ဆောက်နိုင်ဖို့ စိတ်ကူးကို ဘုန်းကြီးကျောင်းက ရရှိခဲ့ပြီးချိန်မှာ ဒေသခံတွေက ပလတ်စတစ်ဘူးခွံတွေကို လာရောက်စုဆောင်းပေးခဲ့ကြတာလို့ ဆိုပါတယ်။
3 years Ago
Up