ပရီးမီးယားလိဂ်

November 24, 2022

ဇန်နဝါရီအပြောင်းအရွှေ့တွင် တိုက်စစ်မှူး ၁ ဦး မန်ယူခေါ်ယူမည်

မန်ယူအသင်းဟာ လာမယ့် ဇန်နဝါရီ အပြောင်းအရွှေ့မှာ တိုက်စစ်မှူးတယောက် ခေါ်ယူသွားဖို့ ပြင်ဆင်နေပါတယ်။

စီရော်နယ်ဒိုကို စာချုပ်ဖျက်သိမ်းလိုက်ပြီးနောက် သူ့နေရာမှာ အစားထိုးဖို့ တိုက်စစ်မှူးတယောက်ကို ခေါ်ယူဖို့ ရှာဖွေနေပြီး ကာလတိုစာချုပ်နဲ့ ခေါ်ယူဖို့ရှိပါတယ်။

ပြီးခဲ့တဲ့ ၂၀၂၀ ပြည့်နှစ် ဇန်နဝါရီတုန်းကလည်း နိုင်ဂျီးရီးယားတိုက်စစ်မှူး အီဂါလိုကို ကာလတိုစာချုပ်နဲ့ ခေါ်ယူခဲ့ဖူးပါတယ်။

ရေရှည်အတွက် ပီအက်စ်ဗွီအသင်းက ဟော်လန်လက်ရွေးစင်တိုက်စစ်မှူး ဂတ်ပိုကို ခေါ်ယူဖို့ မန်ယူအသင်းက ပြီးခဲ့တဲ့နွေရာသီကတည်းက ကြိုးပမ်းခဲ့ဖူးပါတယ်။

လာမယ့်ဇန်နဝါရီမှာလည်း ဂတ်ပိုကိုခေါ်ယူဖို့ ကြိုးစားလာနိုင်ခြေရှိကြောင်း ကျွမ်းကျင်သူတွေက သုံးသပ်နေကြပါတယ်။

2 weeks Ago

October 26, 2022

စီရော်နယ်ဒို မန်ယူအသင်းသားများနှင့်အတူ လေ့ကျင့်ခန်းပြန်ဆင်း

အသင်းလူစာရင်းကနေ ထုတ်ပယ်ခံထားရတဲ့ တိုက်စစ်မှူး စီရော်နယ်ဒိုဟာ လက်ရှိအချိန်မှာ  အသင်းသားတွေနဲ့အတူ ပြန်လည်ပူးပေါင်း လေ့ကျင့်နေပြီ ဖြစ်ပါတယ်။

မန်ယူအသင်းက စပါးကို ၂ ဂိုး ဂိုးမရှိနဲ့ အနိုင်ရတဲ့ပွဲစဉ်မှာ ရော်နယ်ဒိုဟာ လူစားဝင်ကစားဖို့ ငြင်းဆန်ခဲ့ပြီး ပွဲမပြီးခင်လည်း ကွင်းထဲကနေ ထွက်ခွာခဲ့တာကြောင့် ချဲလ်ဆီးနဲ့ တဂိုးစီသရေကျတဲ့ပွဲမှာ ရော်နယ်ဒိုကို ချန်လှပ်ခဲ့တာပါ။

လူငယ်အသင်းနဲ့သာ လေ့ကျင့်ခန်းဆင်းခဲ့ရတဲ့ ရော်နယ်ဒိုဟာ ချဲလ်ဆီးနဲ့ပွဲစဉ်အပြီးမှာတော့ အသင်းကြီးနဲ့အတူ ပြန်လည်ပူးပေါင်းခွင့် ရခဲ့တာပါ။

မန်ယူအသင်းဟာ ကြာသပတေးနေ့မှာ မော်ဒိုဗာကလပ် ရှရစ်အသင်းနဲ့ အိမ်ကွင်းမှာ လက်ခံကစားရမှာပါ။ အဲဒီပွဲစဉ်မှာ ပရီးမီးယားလိဂ်မှာ အရန်ခုံထိုင်နေရတဲ့ စီရော်နယ်ဒို ပွဲထွက်ကစားသွားဖို့ ရှိပါတယ်။

1 month Ago

ကစားသမားကောင်းများထပ်ခေါ်ရန် စပါးအသင်းကို နည်းပြကွန်တီ ဖိအားပေး

လာမယ့်ဇန်နဝါရီ အပြောင်းအရွှေ့မှာ ကစားသမားကောင်းတွေ ထပ်ခေါ်ဖို့ နည်းပြကွန်တီက စပါးအသင်း တာဝန်ရှိသူတွေကို ဖိအားပေးထားပါတယ်။

စပါးအသင်းဟာ တိုက်စစ်ကစားသမားတွေဖြစ်တဲ့ ရစ်ချာလီဆန်နဲ့ ကူလူဆက်စကီးတို့ ဒဏ်ရာရရှိနေချိန်မှာ ပရီးမီးယားလိဂ် ၂ ပွဲဆက်တိုက် ရှုံးပွဲတွေ့ခဲ့ရပါတယ်။

ဒီအခြေအနေဟာ ကစားသမားသစ်ခေါ်ယူမှ ဖြစ်မယ်ဆိုတာ စပါးအသင်း တာဝန်ရှိသူတွေက သိရှိထားပြီးဖြစ်ကြောင်း၊ ဒီအခြေအနေတွေကို အသင်းကို ရှင်းပြရမယ့်သူဟာ မိမိတော့ မဟုတ်ကြောင်းလည်း နည်းပြကွန်တီက ပြောပါတယ်။

ဆက်လက်ပြီး ကမ္ဘာ့ဖလားပြိုင်ပွဲကြီးမစခင်မှာ အကောင်းဆုံးအဆင့် ရပ်တည်မှုရရှိဖို့ လိုအပ်ပြီး ဇန်နဝါရီ အပြောင်းအရွှေ့ရောက်မှသာ အပြောင်းအရွှေ့ကိစ္စပြောတာ ကောင်းမွန်ကြောင်းလည်း နည်းပြကွန်တီက ပြောပါတယ်။

စပါးအသင်းမှာ နောက်ခံလူတွေဖြစ်တဲ့ ရိုမဲရိုးနဲ့ ကွင်းလယ်လူ ဟော့ဘယက်တို့ဟာလည်း ဒဏ်ရာရရှိနေပြီး ပုံမှန်ခြေစွမ်းရဖို့ ရုန်းကန်နေရပါတယ်။

1 month Ago
More News
Up