ပရိသတ်

October 18, 2021

ပရိသတ်တစ်ဦးလဲကျသွားသဖြင့် စပါး-နယူးကာဆယ်ပွဲစဉ် ၁၅ မိနစ်ခန့် ရပ်နားခဲ့ရ

နယူးကာဆယ်အသင်းနဲ့ပွဲစဉ်မှာ ပရိသတ်တစ်ဦး ပွဲကြည့်စင်ပေါ် လဲကျနေလို့ ကွင်းလယ်ဒိုင်လူ ကြီးနဲ့ ပူးပေါင်းလုပ်ဆောင်ခဲ့ပုံကို စပါးနောက်ခံလူ ရက်ဂီလွန်က ပြန်လည်ရှင်းပြပါတယ်။ 

စပိန်နောက်ခံလူ ရက်ဂီလွန်ဟာ အရှေ့ဘက်ပွဲကြည့်စင်မှာ ပရိသတ်တစ်ဦးလဲကျနေတာကို ကစားသမားတွေထဲက ပထမဆုံးတွေ့မြင်ခဲ့သူဖြစ်ပြီး ဒိုင်လူကြီးဆီပြောပြခဲ့သူပါ။ 

ပွဲကြည့်စင်မှာ အမျိုးသားတစ်ဦး လဲကျနေတာကို မြင်တွေ့ခဲ့ရလို့ အံ့အားသင့်မိခဲ့ကာ ဒိုင်လူကြီးဆီသွားပြီး အခြေအနေကို တင်ပြခဲ့တယ်လို့ ရက်ဂီလွန်က ပြောပါတယ်။ 

ဒိုင်လူကြီးဆီသွားမပြောခင်မှာ ပရိသတ်တွေကလည်း ပွဲကို “ရပ် ရပ်” လို့ အော်ဟစ်နေပြီး မြင်လို့မကောင်းတဲ့ အခြေအနေကြောင့် ပွဲကို ခေတ္တရပ်ခိုင်းခဲ့တာလို့ ရက်ဂီလွန်က ရှင်းပြပါတယ်။ 

အဲဒီနောက် အသင်းဆေးအဖွဲ့ဝင်တစ်ဦးက ပွဲကြည့်စင်က ပရိသတ်တစ်ဦးကို အရေးပေါ်ဆေးကုသမှု ပြုလုပ်ပေးခဲ့ပါတယ်။ 

ပွဲစဉ်ကို ၁၅ မိနစ်လောက် ရပ်နားခဲ့ရပြီး လဲကျခဲ့တဲ့ ပရိသတ်ကိုတော့ ဆေးရုံပို့ဆောင်ခဲ့တယ်လို့ သိရပါတယ်။ အဲဒီပွဲစဉ်မှာ စပါးအသင်းက ၃ ဂိုး ၂ ဂိုး နဲ့ အနိုင်ရခဲ့ပါတယ်။ 

3 months Ago

September 25, 2021

ဘောလုံးပွဲတွင် ပရိသတ်များ လူစုလူဝေး မလုပ်ရန် သြစတြေးလျကျန်းမာရေးဌာန သတိပေး

သြစတြေးလျနိုင်ငံ၊ ဗစ်တိုးရီးယားပြည်နယ်မှာ စက်တင်ဘာ ၂၅ ရက် စနေနေ့ ညနေပိုင်းမှာ လူကြိုက်များတဲ့ ဘောလုံးပြိုင်ပွဲ ကျင်းပဖို့ ရှိပေမဲ့ ပရိသတ်တွေ လူစုလူဝေး မလုပ်ကြဖို့ ကျန်းမာရေးဌာနက သတိပေးထားပါတယ်။

မဲလ်ဘုန်းမြို့ခံ အသင်းနှစ်သင်းရဲ့ နောက်ဆုံးဗိုလ်လုပွဲဖြစ်ပြီး ပုံမှန်အားဖြင့် မြို့ထဲက အားကစားကွင်းမှာ ကျင်းပလေ့ရှိပေမဲ့ ဒီနှစ်မှာတော့ ဗိုင်းရပ်စ်ကင်းရှင်းတဲ့ အနောက်ပိုင်း သြစတြေးလျမှာ ပြောင်းရွှေ့ကစားမှာ ဖြစ်ပါတယ်။

ဘောလုံးပရိသတ်တွေ အိမ်တွေမှာ စုပြီး ဘောလုံးပွဲကြည့်မှာကိုလည်း အစိုးရအရာရှိတွေက စိုးရိမ်နေပါတယ်။

ဒီတပတ်အတွင်း မဲလ်ဘုန်းမှာ ကိုဗစ်ကာကွယ်ဆေး မထိုးချင်သူတွေက ဆန္ဒပြခဲ့ကြပြီး လူ ၃၀ လောက်ကို ရဲက ဖမ်းဆီးထားပါတယ်။ 

စနေနေ့ မနက်ပိုင်း ထုတ်ပြန်ချက်အရ တစ်ရက်တည်းမှာ ကိုဗစ် လူနာအသစ် ၈၄၇ ယောက် တွေ့ရှိရပြီး နောက်ထပ်တစ်ယောက် ထပ်မံသေဆုံးသွားတယ်လို့ ဆိုပါတယ်။

ရောဂါကူးစက်မှုတွေ နိုဝင်ဘာလအလယ်လောက်အထိ ဆက်လက်မြင့်တက်နိုင်တယ်လို့ အစိုးရက ခန့်မှန်းထားပြီး ပြည်သူတွေကို ကိုယ်အိမ်ထဲမှာပဲ နေကြဖို့ ကန့်သတ်ချက်လည်း ဆက်ရှိနေပါတယ်။

4 months Ago
More News
Up