ပရိသတ်အထင်သေးမှုက ခြေစွမ်းတိုးတက်ရန် အထောက်အကူဖြစ်ဟု ရွန်နီ ပြော

August 14, 2017

ပရိသတ်အထင်သေးမှုက ခြေစွမ်းတိုးတက်ရန် အထောက်အကူဖြစ်ဟု ရွန်နီ ပြော

ပရိသတ်တချို့ရဲ့ အထင်သေးမှုတွေက ခြေစွမ်းတိုးတက်လာဖို့ အထောက်အကူ ဖြစ်စေခဲ့တယ်လို့ အဲဗာတန်တိုက်စစ်မှူး ရွန်နီက ပြောကြားလိုက်ပါတယ်။ တိုက်စစ်မှူး ရွန်နီဟာ အဲဗာတန်အသင်းရဲ့ ပရီးမီးယားလိဂ် ပွဲဦးထွက်မှာပဲ အနိုင်ဂိုးတဂိုး သွင်းယူပြီး ခြေစွမ်းပြခဲ့တာပါ။ အဲဗာတန်အသင်းကို ပြန်လာတဲ့အချိန်မှာ ဖိအားတချို့ ရှိခဲ့ပေမယ့် မိမိလုပ်နိုင်သလောက် အကောင်းဆုံး စွမ်းဆောင်ရည်ပြသဖို့ ကြိုးစားမယ်လို့ ရွန်နီက ဆိုပါတယ်။ အသက် ၃၁ နှစ်ရှိ ရွန်နီဟာ ဒီနှစ်နွေရာသီ အပြောင်းအရွှေ့မှာ မန်ယူအသင်းကနေ ပြောင်းရွှေ့လာတာပါ။ ရွန်နီအနေနဲ့ အဲဗာတန်အသင်းရဲ့ ပရီးမီးယားလိဂ် အဖွင့်ပွဲစဉ်မှာ ဂိုးသွင်းခဲ့တာကြောင့် အဖွင့်ပွဲစဉ်တွေမှာ ၈ ဂိုးအထိ သွင်းယူနိုင်တဲ့ စံချိန် ရရှိခဲ့ပါတယ်။
4 years Ago
Up