ပရဟိတအသင်း

July 29, 2021

မိုးမိတ်တွင် ပရဟိတအသင်းများအတွက် PPE ဝတ်စုံ လိုအပ်နေ

ရှမ်းပြည်နယ်မြောက်ပိုင်း မိုးမိတ်မြို့မှာ ဇူလိုင် ၂၉ ရက်နေ့ထိ ကိုဗစ်-၁၉ အတည်ပြုလူနာ ၆၁ ဦး ထိရှိလာပြီး လူနာတွေကို ကူညီပေးနေတဲ့ ပရဟိတအသင်းတွေအတွက် PPE ဝတ်စုံ လိုအပ်နေတယ်လို့ မိုးမိတ်ကိုဗစ်-၁၉ ကွပ်ကဲရေးရုံးကနေ သိရပါတယ်။

မိုးမိတ်မြို့မှာ ကိုဗစ်-၁၉ ရောဂါကြောင့် သေဆုံးသူ ၃ ဦးသာရှိပြီး ပြည်သူကနေ ပြည်သူကို ကူညီနေရကာ အခက်ခဲများကို ပြေလည်အောင်ကြိုးစား ဆောင်ရွက်နေရပေမယ့် PPE ဝတ်စုံတွေတော့ အခက်အခဲ ရှိနေတယ်လို့ ဆိုပါတယ်။

မိုးမိတ်မြို့မှာ ကွာရန်တင်းစင်တာ ယောကျ်ားလေးသီးသန့်၊ မိန်းကလေးသီးသန့် အဆောင်ခွဲထားပြီး ခရီးဝေးက ပြန်လာသူတွေအတွက် သီးသန့်အဆောင်ထားရှိထားတယ်လို့ သိရပါတယ်။

CDM ကျန်းမာရေးဝန်ထမ်းတွေရှိတာကြောင့် ဝန်ထမ်းတွေလိုအပ်နေပေမယ့် ရှိတဲ့သူနဲ့ အဆင်ပြေအောင်ဆောင်ရွက်နေပြီး ကွာရန်တင်းစင်တာမှာတော့ ကွာရန်တင်းဝင်ရမယ့်သူက ကိုယ့်စရိတ်နဲ့ကိုယ် နေရတယ်လို့ သိရပါတယ်။

မိုးမိတ်မြို့မှာ ဇူလိုင် ၂၉ ရက်နေ့ထိ ကိုဗစ်-၁၉ အတည်ပြုလူနာ ၆၁ ဦးထိရှိလာပြီး ၃ ဦး သေဆုံး၊ ၇ ဦး ဆေးရုံကနေ ဆင်းခွင့်ရပြီလို့ သိရပါတယ်။

4 months Ago

March 11, 2021

မအူပင်မြို့ ပရဟိတလူမှုရေးနှစ်သင်း၏ ဥက္ကဋ္ဌ ၂ ဦး ဖမ်းဆီးထိန်းသိမ်းခံရ

DVB 

ဧရာဝတီတိုင်းဒေသကြီး၊ မအူပင်မြို့မှာ  ပရဟိတလူမှုရေးအသင်း ၂ ခုရဲ့ ဥက္ကဋ္ဌ နှစ်ယောက် ကို မတ်လ ၁၀ ရက်နေ့မှာ ရဲတပ်ဖွဲ့က ဖမ်းဆီးသွားပါတယ်။

ဖမ်းဆီးခံရသူတွေကတော့ မအူပင်မြို့ အမှတ်(၂)ရပ်ကွက်က မာဃ လူမှုရေးပရဟိတ ဥက္ကဋ္ဌ ကိုငယ်လေးနဲ့ အမှတ်(၃)ရပ်ကွက်က ပါရမီလူမှုရေးပရဟိတအသင်း ဥက္ကဋ္ဌ ကိုတူးတို့ ဖြစ်ပါတယ်။

ခုလို ပရဟိတအဖွဲ့ ခေါင်းဆောင်တွေကို ဖမ်းဆီးတဲ့လုပ်ရပ်တွေကြောင့် ပရဟိတလုပ်ငန်းတွေ ဆက်ပြီးလုပ်ဖို့ကို စိုးရိမ်ထိတ်လန့်နေကြတယ်လို့ မအူပင်မြို့ခံ ပရဟိတ အသင်း ခေါင်းဆောင်တစ်ဦးက ပြောပါတယ်။

ငြိမ်းချမ်းစွာဆန္ဒထုတ်ဖော်နေကြတဲ့ ပြည်သူတွကို ရဲတပ်ဖွဲ့နဲ့ စစ်တပ်က အကြမ်းဖက်ပစ်ခတ် သတ်ဖြတ်နေတာကြောင့် မအူပင်မြို့ခံ ပရဟိတ လူမှုကူညီရေအသင်းအဖွဲ့တွေက စစ်တပ်နဲ့ ရဲ မိသားစုဝင်တွေရဲ့ သာရေး၊ နာရေး ကူညီဆောင်ရွက်ပေးမှာမဟုတ်ကြောင်း ကြေညာခဲ့ပြီးနောက် ဖမ်းဆီးခဲ့တာလည်း ဖြစ်ပါတယ်။

ဖမ်းဆီးထိန်းသိမ်းခံထားသူ ၂ ဦးကို ပုဒ်မ ၅၀၅ နဲ့ အမှုဖွင့်အရေးယူ ထားပါတယ်။

9 months Ago
Up