ပရဟိတသမား

October 17, 2021

စစ်ကိုင်းက ပရဟိတသမားနေအိမ် စီးနင်းခံရ၊ ဆိုင်ကယ်အပါအဝင် ငွေနှင့်ပစ္စည်းများ ယူဆောင်

စစ်ကိုင်းမြို့ တကောင်းရပ်ကွက်ရှိ ပရဟိတသမားတစ်ဦးရဲ့ နေအိမ်ကို အောက်တိုဘာ ၁၆ ရက် ည ၁၁ နာရီအချိန်လောက်က စစ်ကောင်စီတပ်သားတွေ ဝင်ရောက်စီးနင်းရှာဖွေခဲ့ပါတယ်။

အရေးပေါ်ကယ်ဆယ်ရေးအဖွဲ့(စစ်ကိုင်း)SERT မှ ကိုရှိုင်းကို ဖမ်းဆီးဖို့ လုပ်ဆောင်ခဲ့ပေမဲ့ ကိုရှိုင်းကိုဟာ နေအိမ်မှာ မရှိတာကြောင့် ဖမ်းဆီးမခံလိုက်ရဘူးလို့ သိရပါတယ်။

ဒီလို ဖမ်းဆီးရမိတာမရှိပေမဲ့ စစ်ကောင်စီတပ်သားတွေဟာ အိမ်မှာရှိနေတဲ့ ငွေဆယ်သိန်းကျော်၊ Laptop၊ ဆိုင်ကယ်နဲ့ အခြား အိမ်တွင်းပစ္စည်းတချို့ ယူဆောင်သွားတယ်လို့ ဆိုပါတယ်။

“ကိုရှိုင်းကို အိမ်ကို ဘယ်လိုအကြောင်းကြောင့် ဝင်ရှာတယ်မသိဘူး။ သူက ဘာမှ လုပ်ထားတာလည်း မရှိဘူး။ အခု သူလည်း တခြားနေရာကို ရှောင်နေရတယ်” လို့ ကိုရှိုင်းကိုနဲ့ နီးစပ်သူတစ်ဦးက ပြောပါတယ်။

အရေးပေါ်ကယ်ဆယ်ရေးအဖွဲ့(စစ်ကိုင်း) SERT မှ ဦးဆောင်သူတချို့လည်း ထွက်ပြေး တိမ်းရှောင်နေရတယ်လို့ သိရပါတယ်။

1 month Ago

October 5, 2021

ပရဟိတသမားတစ်ဦး စစ်ကြောရေးတွင် သေဆုံး၊ မိသားစုကို အကြောင်းမကြားဘဲ သင်္ဂြိုဟ်

မင်္ဂလာဒုံမြို့နယ်၊ စမ်းကြီးဝရပ်ကွက်၊ ဝိသကြုံ (၂) လမ်းက ပရဟိတသမားတစ်ဦး စစ်ကြောရေးမှာ သေဆုံးသွားခဲ့ကြောင်း မိသားစုကို မဆက်သွယ်ဘဲ ရာအိမ်မှူးကတဆင့် အသိပေးခဲ့တယ်လို့ နီးစပ်သူတဦးက ပြောပါတယ်။

ပရဟိတလုပ်ဆောင်သူ  ဦးကြည်စိန်ကို  အောက်တိုဘာ ၁ ရက်နေ့မှာ  အကြမ်းဖက် စစ်ကောင်စီက အကွက်ဆင်ဖမ်းဆီးခဲ့ပြီး ရွှေပြည်သာစစ်ကြောရေးကို ပို့ဆောင်ခဲ့တာပါ။

ဦးကြည်စိန်ကို  PDF အဖွဲ့‌တွေကို ထောက်ပံ့တယ်လို့ စွပ်စွဲပြီး အကြမ်းဖက်ဖမ်းဆီးခဲ့တာ ဖြစ်ပြီး  အောက်တိုဘာ ၄ ရက်နေ့ စစ်ကြောရေးမှာ ဦးကြည်စိန် သေဆုံးကြောင်းနဲ့ အလောင်းကို သင်္ဂြိုဟ်ပြီးဖြစ်ကြောင်းကို မိသားစု‌တွေကို တိုက်ရိုက်အသိပေးခြင်းမရှိဘဲ ရာအိမ်မှူးမှတဆင့် အသိပေးခဲ့တယ်လို့ နီးစပ်ရာက ဆိုပါတယ်။

ဦးကြည်စိန်ဟာ ဆိုင်ကယ်ကယ်ရီမောင်းသူတစ်ဦး ဖြစ်ပြီး ကိုဗစ်တတိယလှိုင်းတွင် ပါဝင် ကူညီပေးခဲ့တဲ့ ပရဟိတသမားတစ်ဦး ဖြစ်ပါတယ်။

2 months Ago
More News
Up