ပရဟိတသမား

October 15, 2022

မောင်တောတွင် ပရဟိတသမား ၁ ဦးနှင့် လုပ်ငန်းရှင် ၁ ဦးတို့ကို စစ်ကောင်စီက ဖမ်းဆီး

ရခိုင်ပြည်နယ်၊ မောင်တောမြို့နယ် ကရုဏာကွန်ရက် လူမှုကူညီရေးအသင်း ဘဏ္ဍာရေးမှူးနဲ့ KNN ရေသန့်စက်ပိုင်ရှင်တို့ကို စစ်ကောင်စီက အောက်တိုဘာ ၁၄ ရက် ညသန်းခေါင်လောက်မှာ နေအိမ်တွေက ဖမ်းဆီးသွားတယ်လို့  ဒေသခံတွေက ပြောပါတယ်။

ဖမ်ဆီးခံရသူတွေနဲ့ နီးစပ်သူတဦးက "အစက ကရုဏာကွန်ရက် ဘဏ္ဍာရေးမှူး ဦးလှသိန်းနဲ သူ့ ယောက်ဖကို ဖမ်းတယ်။ နောက်ပြီး KNN ရေသန့်စက်ပိုင်ရှင် ထွန်းလင်းကျော်ကို ဖမ်းတယ်။ ဒီနေ့ မနက်မှာတော ကရုဏာကွန်ရက် ဘဏ္ဍာရေးမှူး ဦးလှသိန်းရဲ့  ယောက်ဖဖြစ်သူကို ပြန်လွှတ်ပေးလိုက်တယ်။ ကျန် နှစ်ယောက်ကိုတော နခခ(၅)မှာဖမ်းဆီးထားဆဲပါ။"လို့ပြောပါတယ်။

စီးပွားရေးသမားကို ဖမ်းတာက ကိစ္စမရှိပေမဲ့ လူမူရေးအဖွဲ့တွေကို သံသယအမြင်တွေနဲ့ အခုလို ဖမ်းဆီးလာတာတွေကြောင့် ကရုဏာကွန်ရက်လုပ်ငန်းတွေရပ်နားရလို့ ပြည်သူအတွက် နစ်နာစရာ ဖြစ်တယ်လို့ မောင်တောမြို့ခံ ရပ်မိရဖတဦးက ပြောပါတယ်။

"ကရုဏာကွန်ရက်က လူငယ်တွေက သာရေး၊ နာရေးနဲ့ အရေးပေါ်လူနာ ပို့ဆောင်တာတွေ လုပ်နေကြတာ။ ဒီလိုအလုပ်တွေက သာမန်လူတွေ လုပ်နိုင်တာ မဟုတ်ဘူး။ ဒီလိုအသင်းအဖွဲ့တခု မရှိရင် မောင်တောက ပြည်သူတွေ အခက်အခဲတွေ့ကြရမှာ။"

ဘဏ္ဍာရေးမှူး ဖမ်းဆီခံရပြီးနောက် ကရုဏာကွန်ရက်ရဲ့လုပ်ငန်းတွေ ယာယီရပ်နားလိုက်တယ်လို့ သူတို့ရဲ့ လူမှုကွန်ရက်စာမျက်နှာမှာ တရားဝင်ထုတ်ပြန်ထားပါတယ်။

လက်ရှိ မောင်တောမြို့ပေါ် လမ်းခွဆုံတွေမှာ စစ်ကောင်စီတပ်တွေ အင်အားဖြည့်တင်းထား​ပြီး လမ်းသွား လမ်းလာတွေကို စစ်ဆေးနေကြပါတယ်။

4 months Ago

October 5, 2022

ဘူးသီးတောင်ရှိ ပရဟိတသမားများ၏ နေအိမ်နှင့် စစ်ရှောင်စခန်းများကို စစ်တပ်က ဝင်စစ်ဆေး

ရခိုင်ပြည်နယ်၊ ဘူးသီးတောင်မြို့ရှိ  လူမှုရေးပရဟိတသမားတွေရဲ့ နေအိမ်တွေနဲ့ စစ်ဘေးရှောင် စခန်းတွေကို စစ်ကောင်စီတပ်က အောက်တိုဘာ ၄ ရက် မနက်အစောပိုင်းက ဝင်ရောက်ရှာဖွေစစ်ဆေးခဲ့တယ်လို့  မြို့ခံတွေထံက သိရပါတယ်။

ဘူးသီးတောင်မြို့ရှိ လူမှုကူညီရေးလုပ်ဆောင်နေတဲ့ စေတနာ့ဝန်ထမ်း ၁၀ ယောက်လောက်ရဲ့ နေအိမ်တွေကို စစ်ကောင်စီတပ်က ဝင်ရောက်စစ်ဆေးခဲ့သလို စစ်ဆေးခဲ့တာ ဖြစ်ပါတယ်။

မြို့ခံ ပရဟိတသမားတစ်ဦးက “စစ်ဆေးချင်ရင် နေ့လယ် နေ့ခင်းလည်း လာစစ်လို့ရတယ်လေ။ အခုက ညသန်းခေါင်ကျော် မနက် ၂ နာရီလောက်မှာ ဝင်စစ်တာ စစ်ကား ၆ စီးလောက်ပါတယ်။ အိမ်ထောင်စုပြခိုင်းတယ်။ အိမ်ထောင်စုအတိုင်း လူတွေကို တန်းစီခိုင်းတယ်။ လူတွေနဲ့ နေအိမ်တွေကိုပါ မှတ်တမ်းဓာတ်ပုံရိုက်တယ်။ ဒါက တရားလွန်သွားပြီလေ။ သူတို့လုပ်ချင်သလို လုပ်နိုင်တယ်ဆိုတဲ့သဘော”လို့ ပြောပါတယ်။

ဒါ့အပြင် ရန်အောင်မြေ စစ်ဘေးရှောင်စခန်းနဲ့ လမ်းမကျောင်း စစ်ဘေးရှောင်စခန်း နှစ်ခုကိုလည်း သေနတ်နဲ့ ပစ်ခတ်ဝင်ရောက်စစ်ဆေးခဲ့တာလို့ စစ်ဘေးရှောင် တဦးကပြောပါတယ်။

“သူတို့က နှစ်ဖက် အပြန်အလှန်ပစ်ခတ် တိုက်ပွဲဖြစ်သလိုမျိုး ပစ်ခတ်ပြီး ရပ်ကွက်တွေနဲ့ စစ်ဘေးရှောင်စခန်းတွေကိုဝင်လာကြတာ။ အေအေတပ်ဖွဲ့ဝင်တွေ ခိုလှုံနေတယ်ဆို ပြန်ပစ်မလားပေါ့။ အဲဒီလို စမ်းသပ် စစ်ဆင်ရေးတွေ မြို့ပေါ်နဲ့ စစ်ဘေးရှောင်တွေကို ပြုလုပ်နေတာ။”

စစ်ကောင်စီတပ်တွေဟာ ဗျူဟာပြောင်းပြီး တောတွင်း တိုက်ပွဲတွေထက် မြို့ပေါ်မှာ အေအေ တပ်ဖွဲ့ဝင်တွေ ခြေရာဖျောက်ခိုလှုံနေတယ်လို့ ယူဆရတဲ့ မြို့ပေါ်ရပ်ကွက်တွေနဲ့ စစ်ဘေးရှောင်စခန်းတွေကို ဝင်ရောက်ရှာဖွေနေတာလို့ ဒေသခံ စစ်ရေးလေ့လာသူတဦးက သုံးသပ်ပြောပါတယ်။

4 months Ago
More News
Up