ပဋိပက္ခ

November 26, 2020

ပုသိမ်ကြီးတွင် လယ်ယာမြေ ခြံစည်းရိုးလာခတ်သဖြင့် ပဋိပက္ခဖြစ် (ဓာတ်ပုံ)

ပုသိမ်ကြီး မြို့နယ် ကျောက်ချောရွာ အနီးရှိ ကျွဲနဖားကျေးရွာမှာ တောင်သူပိုင် လယ်ယာမြေတွေကို (၁၂၁) ထောက်ပံ့နှင့် ပို့ဆောင်ရေး တပ်ရင်း နို့စားနွား မွေးမြူရေး စီမံကိန်း ဧရိယာဆိုကာ ခြံစည်းရိုးလာခတ်တာကြောင့် ဒီနေ့မနက်က ပဋိပက္ခဖြစ်ပွားခဲ့တယ်လို့ သိရပါတယ်။ ပုသိမ်ကြီး မြို့နယ် ကျောက်ချောရွာ အနီးရှိ ကျွဲနဖားကျေးရွာမှာ မနက် ၄ နာရီလောက် လုံခြုံရေး အင်အား ၂၀၀ ကျော်က တောင်သူပိုင် လယ်မြေတွေကို ခြံစည်းရိုးဝင်ခတ်တဲ့အတွက် ပဋိပက္ခဖြစ်ပွားခဲ့တာလို့ သိရပါတယ်။ ပြီးခဲ့တဲ့ ဧပြီလကလည်း အခုလို ဖြစ်စဉ် ဖြစ်ပွားခဲ့ပြီး တောင်သူ ၁၀ ဦးကို တာဝန်ဝတ္တရား နှောင့်ယှက်မှုနဲ့ ပြင်ဦးလွင် မြို့နယ်တရားရုံးမှာ တရားစွဲဆိုထားတယ်လို့ သိရပါတယ်။ Photo-Kaung Zaw Hein/MPA
10 months Ago

October 27, 2020

နာဂေါ်နို-ခါရာဘတ်ခ် ပဋိပက္ခကို စစ်ရေး၊ နိုင်ငံရေးနည်းဖြင့် ဖြေရှင်းရန် အဇာဘိုင်ဂျန်သမ္မတ ပြော

နာဂေါ်နို-ခါရာဘတ်ခ်ဒေသ ပဋိပက္ခကို စစ်ရေး ဒါမှမဟုတ် နိုင်ငံရေး နည်းလမ်းနဲ့ ဖြေရှင်းရမယ်လို့ အဇာဘိုင်ဂျန် သမ္မတက အောက်တိုဘာလ ၂၆ ရက်မှာ ပြောဆိုလိုက်ပါတယ်။  နိုင်ငံကို မိန့်ခွန်းပြောရာမှာ သမ္မတ အီဟမ်အာလီယက်က “ငြိမ်းငြိမ်းချမ်းချမ်း ဖြေရှင်းချင်တယ်ဆိုရင် တိုက်ပွဲတွေ ရပ်သင့်တယ်။ ဒါပေမဲ့ အဇာဘိုင်ဂျန် မြေပေါ်က အာမေးနီးယား တပ်တွေ ဆုတ်ခွာရမှာ ဖြစ်တယ်” လို့ ပြောပါတယ်။  နာဂေါ်နို-ခါရာဘတ်ခ်ဒေသ ပဋိပက္ခကြောင့် လူ ၅,၀၀၀ နီးပါး သေဆုံးလောက်ပြီလို့ ရုရှား သမ္မတပူတင်က ပြောဆိုဖူးပါတယ်။ ရုရှား ကြားဝင်ဆောင်ရွက်တဲ့ အပစ်အခတ်ရပ်စဲရေးဟာလည်း တိုက်ပွဲသစ်တွေကြောင့် ပျက်ပြယ်သွားခဲ့ပါတယ်။ အမေရိကန် နိုင်ငံခြားရေးဝန်ကြီး မိုက်ပွန်ပေယိုကလည်း အာမေးနီးယား၊ အဇာဘိုင်ဂျန် နိုင်ငံခြားရေးဝန်ကြီးတို့နဲ့ သီးခြားတွေ့ဆုံပြီး သံတမန်နည်းအရ ပဋိပက္ခဖြေရှင်းဖို့ ကြိုးပမ်းနေတယ်လို့ ရိုက်တာသတင်းအရ သိရပါတယ်။
11 months Ago
More News
Up