ပညာသင်ဆု

June 8, 2018

မြိတ်တက္ကသိုလ် ၃ ခုက ကျောင်းသားများကို ထိုင်းနိုင်ငံက ပညာသင်ဆုများပေးမည်

တနင်္သာရီတိုင်း၊ မြိတ်မြို့မှာရှိတဲ့ နည်းပညာတက္ကသိုလ်၊ ကွန်ပျူတာတက္ကသိုလ်နဲ့ မြိတ်တက္ကသိုလ်တွေအတွက် ထိုင်းနိုင်ငံက ပညာသင်ဆုတွေ ချီးမြှင့်ပေးသွားမယ်လို့ သိရပါတယ်။ ထိုင်းနိုင်ငံက ဘုရင့်တက္ကသိုလ် King Mongkut's of Technology အနေနဲ့ မြိတ်မြို့မှာရှိတဲ့ တက္ကသိုလ်တွေ ကျောင်းသူ/သားတွေကို ပညာသင်ဆုပေးဖို့ ဇွန် ၇ ရက်နေ့က မြိတ်မြို့၊ ဂရင်းဂျိတ်ဟိုတယ်မှာ လာရောက်ဆွေးနွေးခဲ့တယ်လို့ သိရပါတယ်။ မြိတ်မြို့ရဲ့ စီးပွားရေး၊ ပညာရေး တိုးတက်စေဖို့ ရည်ရွယ်ပြီး အခုလို ပညာသင်ဆုတွေ လာရောက်ချီးမြှင့်တာလို့ AKM Tourism မှ ဦးအောင်ကြည်မြင့်က ပြောပါတယ်။ အဲဒီတက္ကသိုလ်က အစိုးရတက္ကသိုလ်ဖြစ်ပြီး ထိုင်းနိုင်ငံရဲ့ အဓိက တက္ကသိုလ်ဖြစ်တဲ့ အပြင် ကမ္ဘာ့အဆင့်ကို တက်လှမ်းနေပြီ ဖြစ်ပါတယ်။ တက္ကသိုလ်ကျောင်း ၃ ကျောင်းက ကျောင်းသား ၂ ဦးစီ Beachlor အတန်းအတွက် တက်ခွင့်ရမှာဖြစ်ပြိး Master တန်းအတွက် ၁ ဦး၊ Ph.D တန်းအတွက် ၁ ဦးလည်း တက်ခွင့်ရမယ်လို့ ဆိုပါတယ်။ Bachelor တန်းအတွက် ၄ နှစ်အတွက် ကျောင်းလခလွတ်ငြိမ်းခွင့် ၁ လ ထောက်ပံ့ကြေး ဘတ် ၁ သောင်းခွဲ ရရှိမှာ ဖြစ်ပြီး Master တန်း စာသင်နှစ် ၄ နှစ်အတွက် ဘတ် ၃၂၀၀၀၀၊ ထောက်ပံ့ကြေး လစဉ် ဘတ် ၁ သောင်းခွဲ နဲ့ နေစရာ စီစဉ်ပေးမယ်လို့ သိရပါတယ်။ Ph.D တန်း စာသင်နှစ် ၃ နှစ်အတွက် ဘတ် ၇ သိန်း ၂ သောင်း၊ လစဉ်ထောက်ပံ့ကြေး ဘတ် ၁ သောင်းခွဲနဲ့ နေရာထိုင်ခင်းစီစဉ်ပေးမှာဖြစ်ပြီး ပညာသင်ဆု ရရှိသူတိုင်း သင်တန်း ၁ နှစ်အတွက် အသွားအပြန် လောယာဉ်လက်မှတ် အခမဲ့ရမယ်လို့ ဦးအောင် ကြည်မြင့်က ပြောပါတယ်။ "စာချုပ်ထဲမှာတော့ပညာသင်ဆုရပြီး ဘွဲ့ရလာတဲ့ သူက မြိတ်ခရိုင်မှာ ၂ နှစ် အလုပ်အကျွေးပြုရမယ်။ မြိတ်တက္ကသိုလ် ၃ ခုမှာ ပညာသင်နေတဲ့ကျောင်းသူ/ သားများဆိုပေမယ့် တခြားမြို့ကနေလာရောက်ကျောင်းတက်တဲ့ သူတွေလည်း ၀င်ရောက်ရွေးချယ်ခွင့်ရှိပါတယ်။ တခြားချုပ်ခြယ်မှုတွေ မရှိပါဘူး။ Masterတန်းအတွက် အသက် ၃၅ နှစ် အောက်နဲ့ Ph.D တန်းအတွက် အသက် ၄၀ ထက်မကြီးတဲ့ သူတွေဖြစ်ရပါမယ်။” ထိုင်းနိုင်ငံအနေနဲ့ မြန်မာနိုင်ငံမှ တက္ကသိုလ် ကျောင်းသားတွေကို ပညာသင်ဆုပေးဖို့ အစီအစဉ်တွေ ရှိပေမယ့် MOU ထိုးဖို့ နှောင့်နှေးတာတွေ ရှိနေကြောင်း သိရပါတယ်။ မြတ်ထွဋ် (မြိတ်)
3 years Ago

January 25, 2016

အပျိုစင်ဘ၀ ထိန်းသိမ်းနိုင်သူများကို တောင်အာဖရိကမြို့တော်ဝန် ပညာသင်ဆု ချီးမြှင့်

အထက်တန်းကျောင်း တက်ရောက်ခဲ့ချိန် ကာလတလျှောက် အပျိုစင်ဘ၀ကို ထိန်းသိမ်းလာခဲ့တဲ့ ဆယ်ကျော်သက် အပျိုစင် ၁၆ ဦးကို တောင်အာဖရိက မြို့တော်ဝန်က ပညာသင်ဆု ချီးမြှင့်လိုက်တယ်လို့ မြို့တော်ဝန်ရုံးက ဇန်န၀ါရီ ၂၄ ရက်နေ့မှာ ထုတ်ပြန်ခဲ့ပါတယ်။ မြို့တော်ဝန် ဒူဒူမာဇီဘူကိုဟာ နှစ်သစ်မှာ ဆန်းသစ်တဲ့ စိတ်ကူးတခုခု လုပ်ချင်ခဲ့တာဖြစ်ပြီး ခရိုင်တွင်း အပျိုစင်ဘ၀ကို ထိန်းသိမ်းထားနိုင်ခဲ့တဲ့ အမျိုးသမီးငယ်တွေကို ပညာသင်ဆု ပေးအပ်ခဲ့တာလို့ ယူပီအိုင်သတင်းတပုဒ်မှာ ဖော်ပြပါတယ်။ ဒီပညာသင်ဆု အစီအစဉ်ဟာ ဆယ်ကျော်သက်အရွယ် ကိုယ်ဝန်ဆောင်မှု တိုက်ဖျက်ရေးနဲ့ အမျိုးသမီးငယ်တွေအနေနဲ့ သန့်စင်စွာ ပညာဆက်လက် သင်ယူနိုင်လာစေရေးကို တွန်းအားပေးချင်တာဖြစ်တယ်လို့ မြို့တော်ဝန်ရုံးက ပြောပါတယ်။ ၂၀၁၃ ခုနှစ်က တောင်အာဖရိကနိုင်ငံမှာ ဆယ်ကျော်သက် မိန်းကလေးငယ်တွေရဲ့ ၆ ရာခိုင်နှုန်းနီးပါးဟာ ကိုယ်ဝန်ဆောင်နေကြရတယ်လို့ ဆိုပါတယ်။ ဒီပညာသင်ဆု လျှောက်ထားတဲ့ အမျိုးသမီးငယ်တွေဟာ သူတို့ရဲ့ အပျိုစင်ဘ၀ကို ထိန်းသိမ်းထားနိုင်ခဲ့ကြောင်းကို အဆင့်ဆင့် စစ်ဆေးဖို့ သဘောတူညီကြရတာ ဖြစ်ပါတယ်။ မာဇီဘူကိုက တောင်အာဖရိက ရေဒီယိုအစီအစဉ်မှာ “ကျနော်တို့အနေနဲ့ ခင်ဗျားတို့ အပျိုစင်ဘ၀ကို နောက်သုံးနှစ်တာကာလ ဘွဲ့မရခင်ထိ ကိုယ်တိုင်ထိန်းထားနိုင်ကြဖို့ မျှော်လင့်ရင်း ကျေးဇူးတင်စကား ပြောချင်ပါတယ်” လို့ ပြောခဲ့ပါတယ်။ တောင်အာဖရိကမြို့တော်ဝန်ရုံး အနေနဲ့ ခရိုင်တွင်း ထူးချွန်ကျောင်းသားတွေကို နှစ်စဉ် ပညာသင်ဆု ၁၀၀ ပေးအပ်နေတာဖြစ်ပြီး ခုပေးအပ်တဲ့ အစီအစဉ်ကတော့ ဒီနှစ်မှ စတင်ပေးအပ်ခဲ့တာ ဖြစ်ပါတယ်။
6 years Ago
Up