ပစ်သတ်

October 24, 2021

အကြမ်းဖက်စစ်တပ် ပစ်သတ်မှုကြောင့် အပြစ်မဲ့ကျဆုံးပြည်သူ ၁၂၀၀ နီးပါး ရှိလာ

မြန်မာနိုင်ငံမှာ မတရားအာဏာသိမ်းကာလ ၉ လနီးပါးအကြာ အကြမ်းဖက်စစ်တပ် ပစ် ခတ်သတ်ဖြတ်မှုကြောင့် အပြစ်မဲ့ကျဆုံးပြည်သူပေါင်း ၁၁၉၆ ယောက်ထိ ရှိလာခဲ့ပြီလို့ နိုင် ငံရေးအကျဉ်းသားများ ကူညီစောင့်ရှောက်ရေးအသင်း(အေအေပီပီ)က ထုတ်ပြန်ပါတယ်။

ဒီစာရင်းဟာ ပြီးခဲ့တဲ့ ဖေဖော်ဝါရီ ၁ ရက်မှ အောက်တိုဘာ ၂၃ ရက်အထိ အေအေပီပီက ကောက်ယူမှတ်တမ်းပြုစုထားတာဖြစ်ပြီး အမှန်တကယ် ကျဆုံးသူတွေဟာ ဒီထက်ပိုနိုင်တယ်လို့ ဖော်ပြထားပါတယ်။

နွေဦးတော်လှန်ရေးကာလအတွင်း ပြည်သူ ၉၁၇၅ ယောက် ဖမ်းဆီးခံခဲ့ရကာ ၇၀၁၆ ယောက်ကတော့ လက်ရှိချုပ်နှောင်ခံထားရဆဲဖြစ်ပြီး အဲဒီထဲက ၃၀၄ ယောက်ကတော့ ထောင်ဒဏ် ချမှတ်ခံထားရပါတယ်။

ပြစ်ဒဏ်ကျခံရသူတွေထဲက အသက် ၁၈ နှစ်အောက် ကလေး ၂ ယောက်အပါအဝင် ၂၆ ယောက်ကတော့ သေဒဏ်ချမှတ်ခံထားရတယ်လို့ ဆိုပါတယ်။

အမှုဖွင့်ခံထားရပြီး ဖမ်းဝရမ်းထုတ်ခံထားရတဲ့အတွက် တိမ်းရှောင်နေသူ အရေအတွက်က တော့ ၁၉၅၅ ယောက်ရှိနေပြီး သူတို့ထဲက မျက်ကွယ်သေဒဏ်ချမှတ်ခံထားရသူ ၃၉ ယောက်အပါအဝင် ၁၁၈ ယောက်ဟာ မျက်ကွယ်ပြစ်ဒဏ်ချမှတ်ခံထားရကာ  သေဒဏ်ချ မှတ်ခံထားရသူ စုစုပေါင်း ၆၅ ယောက် ရှိခဲ့ပြီဖြစ်ပါတယ်။

အောက်တိုဘာ ၂၀ ရက်နေ့က စစ်ကိုင်းတိုင်းဒေသကြီး၊ ကန့်ဘလူမြို့နယ်၊ ကံကြီးကျေး ရွာမှ သားအဖ နှစ်ယောက်ဖြစ်တဲ့ ဦးတင်ထွန်းနဲ့ ကိုကောင်းသီဟတို့ကို ချပ်သင်းရဲစခန်းမှ ရဲ ၅ ယောက်က အာဏာဖီဆန်ရေးလှုပ်ရှားမှု(CDM) ပြုလုပ်ပြီး ထွက်ပြေးတိမ်းရှောင်ဖို့ ဆိုင်ကယ် အကူအညီတောင်းခံလာတာကြောင့် ချပ်သင်းရဲစခန်းကိုသွားနေချိန် လမ်းမှာ ဖမ်းဆီးခံခဲ့ရပါတယ်။ သူတို့ သားအဖနှစ်ယောက်ကို လိမ်လည် အကူအညီတောင်းခံတာ ဖြစ်ပြီး နောက်တနေ့အောက်တိုဘာ ၂၁ ရက်နေ့မှာတော့ သေနတ်နဲ့ ပစ်သတ်ခဲ့ကြောင်း သိရှိရပါတယ်။

ပဲခူးတိုင်းဒေသကြီး၊ တောင်ငူမြို့၊ တောင်ပိုင်းတိုင်းစစ်ဌာနချုပ်မှာ ဖမ်းဆီးထိန်းသိမ်းခံ ထားရတဲ့ ကိုဝေဖြိုးသူ(ခ)ဝေကြီးဟာ စစ်ကြောရေးမှာ ညှဉ်းပန်းနှိပ်စက်ခြင်းခံရတာ ကြောင့် အောက်တိုဘာ ၂၁ ရက်နေ့က ကျဆုံးသွားခဲ့တယ်လို့ သိရှိရပါတယ်။ အောက်တို ဘာ ၁၉ ရက်နေ့ မနက်ပိုင်းက တောင်ငူမြို့မှာ ပေါက်ကွဲမှုဖြစ်ပွားခဲ့ပြီးနောက် ဒေသခံ လူငယ် ၂ ယောက်ဖြစ်တဲ့ ကိုဝေဖြိုးသူ(ခ)ဝေကြီးနဲ့ ကိုရစ်ချက်စိုးတို့ကို အကြမ်းဖက်စစ်အုပ်စုက ဖမ်းဆီးသွားခဲ့တာ ဖြစ်ပါတယ်။

အောက်တိုဘာ ၂၂ ရက်မနက်ပိုင်းမှာတော့ တနင်္သာရီတိုင်းဒေသကြီး၊ လောင်းလုံးမြို့နယ်၊ ပန္ဒလဲကျေးရွာက လက်ဘက်ရည်ဆိုင်ထဲကို အကြမ်းဖက်စစ်အုပ်စုတပ်ဖွဲ့ဝင်တွေနဲ့ ပျူ စောထီးတွေဝင်ရောက်လာပြီး သေနတ်နဲ့ ပစ်ခတ်ခဲ့တာကြောင့် ဒေသခံ ဦးနေနေဟာ နေရာတင် ကျဆုံးသွားခဲ့ပြီး ဦးအုန်းနီမှာ ဆေးရုံမှာ ကျဆုံးသွားခဲ့ကြောင်း သိရှိရပါတယ်။ ဒါ့အပြင် ဒေသခံ ၃ ယောက်လည်း ကျည်ထိဒဏ်ရာရရှိခဲ့ပြီး စိုးရိမ်ရတဲ့ အခြေအနေမှာ ရှိကြောင်း သိရှိရပါတယ်။

အရပ်ဘက်အဖွဲ့အစည်းတွေက ခေါင်းဆောင်တွေ၊ အရပ်သားတွေ၊ တက်ကြွလှုပ်ရှားသူ တွေ၊ သတင်းသမားတွေ၊ CDM လှုပ်ရှားနေတဲ့ ဝန်ထမ်းတွေစတဲ့ နယ်ပယ်အသီးသီးမှ ဘယ်သူမဆို ဖမ်းဆီး၊ ထိန်းသိမ်း၊ တရားစွဲဆိုခြင်းခံထားရတာတွေနဲ့ပတ်သက်လို့ နွေဦး တော်လှန်ရေးကာလအတွင်း ကျဆုံးသွားသူတွေရဲ့ အချက်အလက်တွေကို သိရှိပါက အေ အေပီပီကို ဆက်သွယ် အသိပေး၊ အကြောင်းကြားနိုင်တယ်လို့ ဆိုပါတယ်။

ဒါ့အပြင် ကျဆုံးအချက်အလက်တွေကို ဖော်ပြပါ [email protected] အီးမေးလ်နဲ့ အဖမ်းအဆီးအချက်အလက်တွေကို [email protected] အီးမေးလ်တွေဆီ လည်း တိုက်ရိုက်ပေးပို့ဆက်သွယ် အကြောင်းကြားနိုင်ကြောင်း အသိပေးထားပါတယ်။

1 day Ago

October 14, 2021

၈ လခွဲအတွင်း စစ်တပ်ပစ်သတ်မှုကြောင့် အပြစ်မဲ့ပြည်သူ ၁၁၇၀ ဦးကျဆုံး၊ ၈၉၀၀ ကျော် ဖမ်းဆီးခံရ

မြန်မာနိုင်ငံမှာ မတရားအာဏာသိမ်းကာလ ၈ လခွဲနီးပါးအကြာ အကြမ်းဖက်စစ်တပ် ပစ် ခတ်သတ်ဖြတ်မှုကြောင့် အပြစ်မဲ့ကျဆုံးပြည်သူပေါင်း ၁၁၇၀ ယောက်ထိ ရှိလာခဲ့ပြီလို့ နိုင်ငံရေး အကျဉ်းသားများ ကူညီစောင့်ရှောက်ရေးအသင်း(အေအေပီပီ)က ထုတ်ပြန်ပါ တယ်။

ဒီစာရင်းဟာ ပြီးခဲ့တဲ့ ဖေဖော်ဝါရီ ၁ ရက်မှ အောက်တိုဘာ ၁၃ ရက်အထိ အေအေပီပီက ကောက်ယူမှတ်တမ်းပြုစုထားတာဖြစ်ပြီး အမှန်တကယ် ကျဆုံးသူတွေဟာ ဒီထက်ပိုနိုင် တယ်လို့ ဖော်ပြထားပါတယ်။

နွေဦးတော်လှန်ရေးကာလအတွင်း ပြည်သူ ၈၉၁၆ ယောက် ဖမ်းဆီးခံခဲ့ရကာ ၇၂၄၀ ယောက်ကတော့ လက်ရှိချုပ်နှောင်ခံထားရဆဲဖြစ်ပြီး အဲဒီထဲက ၃၄၈ ယောက်ကတော့ ထောင်ဒဏ် ချမှတ်ခံထားရပါတယ်။

ပြစ်ဒဏ်ကျခံရသူတွေထဲက အသက် ၁၈ နှစ်အောက် ကလေး ၂ ယောက်အပါအဝင် ၂၆ ယောက်ကတော့ သေဒဏ်ချမှတ်ခံထားရတယ်လို့ ဆိုပါတယ်။

အမှုဖွင့်ခံထားရပြီး ဖမ်းဝရမ်းထုတ်ခံထားရတဲ့အတွက် တိမ်းရှောင်နေသူ အရေအတွက်က တော့ ၁၉၈၉ ယောက်ရှိနေပြီး သူတို့ထဲက မျက်ကွယ်သေဒဏ်ချမှတ်ခံထားရသူ ၃၉ ယောက်အပါအဝင် ၁၁၈ ယောက်ဟာ မျက်ကွယ်ပြစ်ဒဏ်ချမှတ်ခံထားရကာ  သေဒဏ်ချ မှတ်ခံထားရသူ စုစုပေါင်း ၆၅ ယောက် ရှိခဲ့ပြီဖြစ်ပါတယ်။

အောက်တိုဘာ ၁၁ ရက်နေ့က ချင်းပြည်နယ်၊ ဖလမ်းမြို့နယ်၊ သူဖယ်ကျေးရွာမှ ရွာသား ၂ ယောက်ဖြစ်တဲ့ အသက် ၂၉ နှစ်အရွယ် ထောင်လွန်မာန်နဲ့ အသက် ၃၄ နှစ်အရွယ် ဆလိုင်း ထောင်နေမောတို့ကို အကြမ်းဖက်စစ်အုပ်စုတပ်သားတွေက ပစ်သတ်ခဲ့ပြီး သူတို့ရဲ့ ရုပ်အ လောင်းတွေကို အောက်တိုဘာ ၁၃ ရက်နေ့က လမ်းဘေးမှာ တွေ့ရှိခဲ့ရတယ်လို့ ဆိုပါ တယ်။ ထောင်လွန်မာန်ကတော့ မျက်လုံးမှာ သေနတ်ဒဏ်ရာရရှိထားခဲ့တာကို တွေ့ရှိရပြီး ဆလိုင်းထောင်နေမောမှာတော့ ဝမ်းဗိုက်မှာ သေနတ်ဒဏ်ရာ ၄ ချက်ကို တွေ့ရှိရကြောင်း သိရှိရပါတယ်။

တနင်္သာရီတိုင်းဒေသကြီး၊ ကော့သောင်းမြို့နယ်၊ လုံးဖောကျေးရွာမှာ အောက်တိုဘာ ၁၀ ရက်နေ့ည ၁၀ နာရီလောက်က ရော်ဘာအလုပ်ရုံတခုကို အကြမ်းဖက်စစ်အုပ်စုတပ်ဖွဲ့ဝင် တွေ ဝင်ရောက်စီးနင်းပစ်ခတ်ခဲ့တာကြောင့် အဆိုပါအလုပ်ရုံမှာ ဖခင်နဲ့အတူ အလုပ်ကူ ညီလုပ်ကိုင်နေတဲ့ အသက် ၁၁ နှစ်အရွယ် မောင်သီဟအောင်ဟာ ဝမ်းဗိုက်ကျည်ထိမှန် ကာ နေရာတင် ကျဆုံးသွားခဲ့ကြောင်း သိရှိရပါတယ်။ ဒါ့အပြင် ဖခင်ဖြစ်သူ ကိုလင်း ထွန်းဟာလည်း ကျည်ထိဒဏ်ရာရရှိခဲ့ပြီး အဆိုပါအလုပ်ရုံမှာ အလုပ်လုပ်ကိုင်နေတဲ့ ကျေး ရွာသား ၂၀ ဦးကိုလည်း ဖမ်းဆီးသွားခဲ့ကြောင်း သိရှိရပါတယ်။

အေအေပီပီအနေနဲ့ လက်ရှိအခြေအနေတွေကို နေ့စဉ် စောင့်ကြည့်မှတ်တမ်းတင်နေကာ စစ်အာဏာသိမ်းမှုနဲ့ပတ်သက်ပြီး ဖမ်းဆီး၊ တရားစွဲဆို၊ ပြစ်ဒဏ်ချမှတ်ခံထားရသူတွေ စာရင်းကို နေ့စဉ်ထုတ်ပြန်သွားမယ်လို့ ဆိုပါတယ်။

အရပ်ဘက်အဖွဲ့အစည်းတွေက ခေါင်းဆောင်တွေ၊ အရပ်သားတွေ၊ တက်ကြွလှုပ်ရှားသူ တွေ၊ သတင်းသမားတွေ၊ CDM လှုပ်ရှားနေတဲ့ ဝန်ထမ်းတွေစတဲ့ နယ်ပယ်အသီးသီးက ဘယ်သူမဆို ဖမ်းဆီး၊ ထိန်းသိမ်း၊ တရားစွဲဆိုခံထားရတာကို သိရှိပါက အေအေပီပီ အီးမေးလ်၊ ဖေ့စ်ဘွတ်ခ်နဲ့ တွစ်တာတို့ကတဆင့် ဆက်သွယ်အကြောင်းကြားဖို့ အသိပေးထားပါတယ်။

2 weeks Ago
More News
Up