ပစ်ခတ်တိုက်ခိုက်မှု

May 18, 2018

မူဆယ် ပစ်ခတ်တိုက်ခိုက်မှုတွင် သေဆုံးသူ ၂၁ ဦးအထိ ရှိလာ

ရှမ်းပြည်နယ်၊ မူဆယ်မြို့နဲ့ အနီးတဝိုက်မှာ မေလ ၁၂ ရက်က ဖြစ်ပွားခဲ့တဲ့ ပစ်ခတ်တိုက်ခိုက်မှု ဖြစ်စဉ်တွေအတွင်း ဒဏ်ရာရသူ ၂ ဦး နောက်ထပ် သေဆုံးသွားတဲ့အတွက် သေဆုံးသူစုစုပေါင်း ၂၁ ဦးထိရှိလာပြီလို့ သိရပါတယ်။ မေလ ၁၂ ရက်နေ့ ပစ်ခတ်တိုက်ခိုက်မှုအတွင်း ဒဏ်ရာရရှိသူ ၂၆ ဦးအနက် မန္တလေးတိုင်းမှာ နေထိုင်တဲ့ ယာဉ်မောင်း ဦးအောင်စိုးဟာ စိုးရိမ်ဖွယ်ရာ ဒဏ်ရာအပြင်းအထန် ရရှိပြီး မန္တလေးပြည်သူ့ဆေးရုံကို လွှဲပြောင်းကုသရာ မေလ ၁၃ ရက်မှာ  သေဆုံးခဲ့ပါတယ်။ ဒါ့အပြင် ခရီးသည် ပို့ဆောင်ရေးလုပ်ငန်းလုပ်ကိုင်နေတဲ့ ဦးစိုင်းယီလှိုင်းဟာလည်း ပြင်းထန်ဒဏ်ရာရပြီး မူဆယ်ဆေးရုံကနေတဆင့် တရုတ်ပြည် မန်စီမြို့မှာ သွားရောက် ခွဲစိပ်ကုသခဲ့ပေမယ့် မသက်သာလို့ နမ့်ခမ်းမြို့ရှိနေအိမ်ကို ပြန်ခေါ်လာရာမှာ မေ ၁၆ ရက် မနက်က သေဆုံးသွားတယ်လို့  မိသားစုဝင် မနန်းလောဝ်က ပြောပါတယ်။ ဦးစိုင်းယီလှိုင်းရဲ့ ဒဏ်ရာဟာ လက်ဖြောင့်(Sniper)ကျည် ထိမှန်ခဲ့တာလို့ ရဲတပ်ဖွဲ့ရဲ့ စစ်ဆေးချက်အရ သိရပြီး အဆိုပါပစ်ခတ်မှုကို ဥပဒေ ပုဒ်မ ၃၀၂/၃၀၇/ ၁၁၄ တို့နဲ့ အမှုဖွင့်ထားတယ်လို့  မူဆယ်မြို့မ ရဲစခန်းက ဒုရဲမှူးအေးမြင့်က ပြောပါတယ်။ မူဆယ်ပြည်သူ့ဆေးရုံမှာ စိုးရိမ်ဒဏ်ရာရတဲ့ လူနာ ၅ ဦးကိုလည်း မန္တလေး ပြည်သူ့ဆေးရုံသို့ လွှဲပြောင်းကုသပေးနေတယ်လုိ့ သိရပါတယ်။ ရှမ်းပြည်နယ်မြောက်ပိုင်း၊ မူဆယ်မြို့၊ ပန်ခမ်းကျေးရွာအုပ်စု၊ နောင်ရမ်းကူးတို့ဆိပ်ရှိ ပန်းဆေး(ဌာနေ) ပြည်သူ့စစ်ရဲ့ ကင်းစခန်း၊ မူဆယ်-နမ့်ခမ်း နမ့်ပေါ် တံတားထိပ်ရှိ မြို့လုံခြုံရေး ရဲကင်း၊ ပြည်သူ့စစ်ကင်းစခန်းနဲ့ လောင်းကစားရုံတို့ကို မေလ ၁၂ ရက်မှာ တီအန်အယ်လ်အေ လက်နက်ကိုင်အဖွဲ့က ပစ်ခတ်တိုက်ခိုက်ခဲ့တာ ဖြစ်ပါတယ်။ အဆိုပါတိုက်ခိုက်မှုအတွင်းမှာ တရုတ်နိုင်ငံသား နှစ်ဦး သေဆုံးသွားပြီး နယ်စပ်နေ မြန်မာနိုင်ငံသား ၃၀၀ ကျော်ဟာ တရုတ်နိုင်ငံထဲ ထွက်ပြေးတိမ်းရှောင်လာတယ်လို့ တရုတ်နိုင်ငံခြားရေးဌာနက ပြောထားပါတယ်။
3 years Ago

December 21, 2016

ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ အားနည်းချက်ရှိဟု ဝန်ခံ

ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီရဲ့ လုပ်ငန်းဆောင်ရွက်မှုတွေမှာ အားနည်းချက်ရှိနေတယ်လို့ ကော်မတီဥက္ကဋ္ဌက ဒီနေ့ ဝန်ခံပြောဆိုလိုက်ပါတယ်။ ဒီဇင်ဘာလ ၂၁ ရက်နေ့က ပြည်ထောင်စုအဆင့်နှင့် တိုင်းဒေသကြီး၊ ပြည်နယ်အဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီတွေ ပါဝင်တဲ့ JMC ပထမအကြိမ် မျက်နှာစုံညီအစည်းအဝေးမှာ ကော်မတီဥက္ကဋ္ဌ ဗိုလ်ချုပ်ကြီးရာပြည့်က အခုလို ပြောဆိုလိုက်တာပါ။ အခုလိုပြောဆိုရတာဟာ ရှမ်းပြည်တောင်ပိုင်းမှာဖြစ်နေတဲ့ တပ်မတော်နဲ့ RCSS တို့ရဲ့ တိုက်ပွဲတွေ အဆုံးမသတ်နိုင်သေးတာကြောင့်လည်း ဖြစ်တယ်လို့ သူက ရှင်းလင်းပါတယ်။ အဲဒါတွေအပြင် JMC ဟာ ငွေကြေးနဲ့ အရပ်သားဝန်ထမ်း လိုအပ်ချက်တွေ ရှိနေတာလည်း ဖြစ်ပါတယ်။ အဲဒါတွေကို ဖြေရှင်းနိုင်ဖို့ ဒီနေ့ အစည်းအဝေးမှာ တိုင်းနဲ့ပြည်နယ် အသီးသီးက ကိုယ်စားလှယ်တွေဟာ အကျေအလည် ဆွေးနွေးနေကြတာ ဖြစ်ပါတယ်။
5 years Ago
Up