ပင်လောင်းမြို့နယ်

September 28, 2021

ပင်လောင်းမြို့နယ်၌ စစ်ယာဉ်တန်းတိုက်ခိုက်ခံရပြီး အယောက် ၂၀ ခန့် ဒဏ်ရာရ

ရှမ်းပြည်နယ်၊ ပင်လောင်းမြို့နယ် ဆောင်းပြောင်းကျေးရွာအနီး စစ်ကောင်စီ ယာဉ်တန်းကို စက်တင်ဘာ ၂၇ ရက် ညနေ ၃နာရီခွဲက ကရင်နီအမျိုးသားများကာကွယ်ရေးတပ်ဖွဲ့ (KNDF) ဖယ်ခုံတပ်ရင်းမှ တိုက်ခိုက်ခဲ့တယ်လို့ KNDF က ထုတ်ပြန်ထားပါတယ်။

အခုရက်ပိုင်းအတွင်း တိုက်ပွဲဖြစ်ပွားနေတဲ့ ဒီးမော့ဆိုမြို့နယ်ကို အင်အားဖြည့်တင်းဖို့ ထွက်လာတယ်လို့  ယူဆရတဲ့  ၄၅ စီးပါ စစ်ကောင်စီတပ်ယာဉ်တန်း  ကလောမြို့မှ ဖယ်ခုံမြို့ဘက်ကို ဆင်းလာစဉ် ကရင်နီအမျိုးသားများကာကွယ်ရေးတပ်ဖွဲ့ (KNDF) ဖယ်ခုံတပ်ရင်းက တိုက်ခိုက်ခဲ့တာပါ။

ဒီတိုက်ပွဲမှာ အကြမ်းဖက်စစ်ကောင်စီတပ်ဘက်မှ အနည်းဆုံး အယောက် ၂၀  ထိခိုက်ဒဏ် ရာရရှိခဲ့ကြောင်း၊ KNDF ဖယ်ခုံတပ်ရင်းမှ အထိအခိုက်မရှိခဲ့ကြောင်း KNDF က အတည်ပြု ထုတ်ပြန်ထားပါတယ်။

တိုက်ပွဲဖြစ်ပွားရာနေရာမှ ဖယ်ခုံမြို့ဘက်သို့ ဆက်လက်ထွက်လာဖို့ ကြိုးစားနေချိန် ဖယ်ခုံမြို့နယ် နဲ့မိုးဗြဲအခြေစိုက် အကြမ်းဖက်စစ်ကောင်စီတပ်ရင်းတွေက လက်နက်ကြီးတွေနဲ့ ရမ်းသန်း ပစ်ခတ်ခဲ့ရာ ပြည်သူအချို့ ဒဏ်ရာရရှိခဲ့တယ်လို့ ဆိုပါတယ်။

ဒါ့အပြင် ဖယ်ခုံမြို့နယ် ခေါင်းအိ‌ကျေးရွာဘက်ကိုလည်း လက်နက်ကြီးတွေနဲ့ စစ်ကောင်စီတပ်တွေက ပစ်ခတ်ခဲ့တယ်လို့ ထုတ်ပြန်ထားပါတယ်။

အဆိုပါ ပစ်ခတ်တိုက်ခိုက်မှုတွေနဲ့ ပတ်သက်ပြီး စစ်ကောင်စီ အာဘော် မီဒီယာတွေမှာတော့ ထုတ်လွှင့်ခြင်းမရှိပါဘူး။ 

Photo - KNDF

4 weeks Ago

September 27, 2021

ပင်လောင်းမြို့နယ်တွင် လူငယ်အထောက်အကူပြုအဖွဲ့ဝင် ၁ ဦး ဖမ်းဆီးခံရ

ရှမ်းပြည်နယ်(တောင်ပိုင်း)ပင်လောင်းမြို့နယ်၊ ဆင်ခေါင်းရွာမှာ စက်တင်ဘာ ၂၄ ရက်က ပင်လောင်းလူငယ်အထောက်အကူပြုအဖွဲ့ဝင် ကိုအောင်ဆန်းကို စစ်ကောင်စီက ဖမ်းဆီးရာ ကျပ် သိန်း ၁၅၀ တန်ဖိုးရှိ ပစ္စည်းတွေ ယူဆောင်သွားတယ်လို့ ဒေသခံတစ်ဦးက ပြောပါတယ်။ 

“ စစ်တပ်က Mark II အိမ်စီးကား နှစ်စီးနဲ့ ဆိုင်ကယ်တွေနဲ့ လာတယ်။ ရွာကိုလည်း ဝိုင်းထားတယ်၊ ကိုအောင်ဆန်းအိမ်ကိုလည်း ဝိုင်းထားပြီး တစ်အိမ်လုံး မွှေနှောက်ရှာတယ်။ စစ်ကောင်စီက သူနောက်လိုက်နေတယ်ဆိုတာ ကိုအောင်ဆန်းသိတယ်။ သူဘာမှလုပ်မထားဖူးဆိုပြီး နေလိုက်တာ။ လာဖမ်းသွားတာပဲ။ သုံးရက် လေးရက်လောက်နေရင် ပြန်လွှတ်ပေးမယ် ပြောတယ်။ အခုထိတော့ မလွှတ်သေးဘူး"လို့ ပြောပါတယ်။

ကိုအောင်ဆန်းကို တောင်ရိုးPDF အဖွဲ့နဲ့ ဆက်စပ်တယ်ဆိုကာ ဖမ်းဆီးပြီး ဘဏ်စာအုပ် ၂ အုပ် ATM ကတ် ၂ ကတ်နဲ့ ကွန်ပြူတာ ၃ လုံး၊ ဖုန်း ၅ လုံး၊ ဟက်ဒစ် ၂ခု တို့ ကျပ် သိန်း ၁၅၀ ဖိုးလောက် သိမ်းဆည်းခံရတယ်လို့ သူနဲ့နီးစပ်သည့် အသိုင်းအဝိုင်းက ပြောပါတယ်။

4 weeks Ago
Up