ပင်လယ်ဓားပြ

January 26, 2021

တူရကီသင်္ဘောသားများကို ပြန်ပေးဆွဲသွားသည့် ပင်လယ်ဓားပြများနှင့် အဆက်အသွယ်မရ

ဂီနီပင်လယ်ကွေ့ထဲမှာ တူရကီ သင်္ဘောသားတွေ ပါတဲ့ ကုန်တင်သင်္ဘောကို စီးနင်းပြီး သင်္ဘောသား ၁၅ ယောက်ကို ဖမ်းခေါ်သွားတဲ့ ပင်လယ်ဓားပြတွေဆီက ဘာအဆက်အသွယ်မှ မရသေးဘူးလို့ တူရကီနိုင်ငံခြားရေးဝန်ကြီး မယ်ဗ်လွတ်ကာဗူစိုဂလူက ဇန်နဝါရီ ၂၅ ရက်မှာ ပြောလိုက်ပါတယ်။

လာဂို့စ်မြို့ကနေ ကိပ်တောင်းမြို့ဆီ ဦးတည်ခုတ်မောင်းလာတဲ့ သင်္ဘောပေါ်က တူရကီ သင်္ဘောသား ၁၅ ယောက်လည်း ပြန်ပေးဆွဲခံခဲ့ရတာပါ။ လက်နက်ကိုင် တိုက်ခိုက်သူတွေ သင်္ဘောပေါ် တက်လာချိန်မှာ အဇာဘိုင်ဂျန် နိုင်ငံသား သင်္ဘောသား ၁ ယောက် သေဆုံးပါတယ်။

လိုက်ဘေးရီးယား အလံလွှင့်ထားတဲ့ ကုန်သင်္ဘောဟာ ဂေဘွန်နိုင်ငံမှာ ကျောက်ချခဲ့တာမို့ ဂေဘွန်နိုင်ငံနဲ့ အိမ်နီးချင်းနိုင်ငံတွေက အရာရှိတွေနဲ့ ဆက်သွယ်နေခဲ့တယ်လို့ တူရကီ အစိုးရက ပြောပါတယ်။

မိုဇက် ကုန်သင်္ဘောဟာ ဆောင်တိုမေကျွန်းရဲ့ ကမ်းလွန်ပင်လယ်ပြင် မိုင် ၁၀၀ လောက် အကွာမှာ ဇန်နဝါရီ ၂၃ ရက်က တိုက်ခိုက်ခံရတာပါ။

နိုင်ငံပေါင်း တဒါဇင်ကျော်နဲ့ နယ်နိမိတ် ထိစပ်နေတဲ့ ပင်လယ်ကွေ့ထဲမှာ ပင်လယ်ဓားပြတွေဟာ မနှစ်က စီးနင်းမှု ၂၂ ကြိမ်အတွင်း သင်္ဘောသား ၁၃၀ ကို ပြန်ပေးဆွဲထားခဲ့တယ်လို့ နိုင်ငံတကာ ပင်လယ်ရေကြောင်းဗျူရိုက ပြောပါတယ်။

12 months Ago

April 17, 2020

ပင်လယ်ဓားပြမင်းသား ဂျွန်နီဒက်ပ်သီဆိုသည့် သီချင်းရေပန်းစား(ရုပ်သံ) (ဖေ့စ်ဘွတ်ခ်ရွာ… ဖေ့စ်ဘွတ်ခ်ကမ္ဘာ)

 
View this post on Instagram
 

A post shared by Johnny Depp (@johnnydepp) on

ဝါရင့်ဟောလိဝုဒ် သရုပ်ဆောင်မင်းသား ဂျွန်နီဒက်ပ်သီဆိုပြီး အင်စတာဂရမ်ပေါ်မှာ မျှဝေထား ခဲ့တဲ့ သီချင်းတပုဒ်ဟာ အင်တာနက်လူမှုကွန်ရက်စာမျက်နှာတွေပေါ်မှာ နာမည်ကြီးနေပါတယ်။ အသက် ၅၆ နှစ်အရွယ်ရှိပြီဖြစ်တဲ့ မင်းသားကြီးဟာ ပုံမှန်အားဖြင့်တော့ အင်တာနက်လူမှု ကွန်ရက်တွေ သုံးလေ့မရှိ ခပ်ဝေးဝေးသာ နေလေ့ရှိတာမို့ ဒီသီတင်းက ပရိသတ်တွေကြားမှာတော့ ရေပန်းစားနေခဲ့တာပါ။ လတ်တလောမှာတော့ အနုပညာရှင်တွေ အတော်များများဟာ COVID-19 ကပ် ဘေးကာလ အိမ်မှာနေကြရတဲ့ ကမ္ဘာတလွှားပြည်သူတွေကို အင်တာနက်လူမှုကွန်ရက် စာမျက်နှာတွေပေါ်မှ တဆင့် ချိတ်ဆက်ဖျော်ဖြေမှုတွေ လုပ်လာကြချိန်မှာ ဂျွန်နီဒက်ပ်ကလည်း တစိတ်တပိုင်းပါ ဝင်လာခဲ့တာပါ။ 'Pirates of the Caribbean' ရုပ်ရှင်စတားဟာ သူ့ရဲ့ ပထမဆုံးသော အင်စတာဂရမ်ပို့စ်အနေနဲ့ သူ့ကို နှစ်ပေါင်းများစွာ အားပေးခဲ့ကြတဲ့ ပရိသတ်တွေကို ကျေးဇူးတင် ကြောင်း ရေးသားဖော်ပြခဲ့တာ ဖြစ်ပါတယ်။ သူစတင်အသုံးပြုပြီး နာရီပိုင်းအတွင်းမှာပဲ အင်စတာဂရမ်ပေါ်မှာ ပရိသတ် (Followers) ၂ သန်းနီးပါး ရှိသွားခဲ့ပြီ ဖြစ်ပါတယ်။ သူသီဆိုပြခဲ့တဲ့ သီချင်းကတော့ Isolation အမည်ရတဲ့ သီချင်းတပုဒ်ဖြစ်ပြီး ဒီသီ ချင်းကိုတော့ ဝါရင့်ဂစ်တာသမားကြီး Jeff beck ရဲ့ တီးခတ်မှုနဲ့အတူ အသံဖမ်းထားတယ်လို့ ဆိုပါတယ်။ Isolation သီချင်းဟာ ၁၉၇၀ ပြည့်နှစ်က ထွက်ရှိခဲ့တဲ့ ဝါရင့်အဆိုတော်ကြီး John Lennon ရဲ့ ပထမဆုံးသောတေးအယ်လ်ဘမ်ထဲက သီချင်းတပုဒ်ဖြစ်ပြီး ဒီသီချင်းစာသားတွေဟာ သန့်စင်တဲ့ ကဗျာစာသားတွေလိုပဲလို့ ဂျွန်နီဒက်ပ်က ပြောခဲ့ပါတယ်။
2 years Ago
Up