ပင်နယ်တီ

January 24, 2022

လီဗာပူး ရခဲ့သည့် ပင်နယ်တီ ဒိုင်လူကြီးအမှားဖြစ်ဟု နည်းပြဗီအဲရာ ဝေဖန်

ခရစ္စတယ်ပဲလေ့ကို ၃ ဂိုး ၁ ဂိုးနဲ့ အနိုင်ရခဲ့တဲ မနေ့ညကပွဲစဉ်မှာ လီဗာပူးရရှိခဲ့တဲ့ ပင်နယ်တီဟာ ဒိုင်လူကြီးရဲ့ ဆုံးဖြတ်ချက်အမှားဖြစ်တယ်လို့ ပဲလေ့နည်းပြ ဗီအဲရာကဝေဖန်ပါတယ်။

လီဗာပူးအသင်းဟာ ပထမပိုင်းကတည်းက ၂ ဂိုးဂိုးမရှိနဲ့ ဦးဆောင်နိုင်ခဲ့ပေမယ့် ဒုတိယပိုင်းမှာ ပဲလေ့က ချေပဂိုးတစ်ဂိုး ပြန်သွင်းပါတယ်။

ပဲလေ့အသင်းက နောက်ထပ်ချေပဂိုးရဖို့ ကြိုးပမ်းနေချိန်မှာ မပေးသင့်တဲ့ ပင်နယ်တီကြောင့် ပွဲရလဒ်အပေါ် အကျိုးသက်ရောက်မှုရှိစေခဲ့တယ်လို့ နည်းပြ ဗီအဲရာကပြောပါတယ်။ 

ပွဲချိန် ၈၉ မိနစ်မှာ လီဗာပူးတိုက်စစ်မှူး ဂျိုတာကို ပဲလေ့ ဂိုးသမားဂူယက်တာက တွန်းတိုက်ခဲ့တယ်ဆိုပြီး ဒိုင်လူကြီးက ကွင်းဘေးက တီဗီမော်နီတာကို ပြန်ကြည့်ပြီး ပင်နယ်တီ ပေးခဲ့တာပါ။

ဂျိုတာဟာ ဘောလုံးနဲ့အတူမရှိတော့တဲ့အချိန်ရောက်မှ ဂိုးသမားနဲ့ တိုက်မိတာကြောင့် ပင်နယ်တီပေးရမယ့်ပြစ်ဒဏ်မဟုတ်ကြောင်း၊ အိမ်ကွင်းမှာ အသင်းကြီးတွေနဲ့ကစားရတိုင်းမှာ ဒိုင်လူကြီးတွေရဲ့ မျှတတဲ့ဆုံးဖြတ်ချက်တွေ မရခဲ့ကြောင်း နည်းပြ ဗီအဲရာက ဝေဖန်ပါတယ်။

လီဗာပူးနည်းပြ ကလော့ပ်ကတော့ ပင်နယ်တီနဲ့ ပတ်သက်ပြီး မှတ်ချက်မပေးလိုဘဲ ဒိုင်လူကြီးက လုပ်ရမယ်တာဝန်သာဖြစ်တယ်လို့ ပြောသွားပါတယ်။

4 days Ago

July 20, 2021

ပင်နယ်တီလွဲချော်အပြီး လှောင်ပြောင်ခဲ့သည့် မက်ဆီကို အပြစ်မတင်ဟု မီနာပြော

ကိုပါအမေရိကဖလား ဆီမီးဖိုင်နယ်ပွဲစဉ်မှာ ပင်နယ်တီလွဲချော်ခဲ့တာကို မက်ဆီက လှောင်ပြောင်ခဲ့ပေမယ့် အပြစ်တင်ဖို့မရှိကြောင်း ကိုလံဘီယာနောက်ခံလူ ရာယီမီနာက ပြောပါတယ်။ 

အဲဗာတန် နောက်ခံလူ မီနာဟာ အာဂျင်တီးနားနဲ့ ဆီမီးဖိုင်နယ် ပွဲစဉ်မှာ ပင်နယ်တီ အဆုံးအဖြတ်ကန်သွင်းရာမှာ လွဲချော်ခဲ့ပါတယ်။ 

အဲဒီလိုလွဲချော်ပြီးနောက်မှာ မက်ဆီက “အခု ကလိုက်ပါဦး။ ဘာလို့ မကနိုင်တော့တာလဲလို့” ထပ်ခါထပ်ခါ အော်ဟစ်ခဲ့ပြီး ပင်နယ်တီလွဲခဲ့တဲ့ မီနာကို လှောင်ပြောင်ခဲ့တာ ဖြစ်ပါတယ်။

မီနာဟာ ဥရုဂွေးနဲ့ ကွာတားဖိုင်နယ်မှာလည်း ပင်နယ်တီကန်သွင်းခဲ့ပြီး ဂိုးဝင်ပြီးတဲ့နောက်မှာ လက်မကိုပါးစပ်နဲ့ စုပ်ပြီးနောက် အကပုံစံတစ်ခုနဲ့အောင်ပွဲခံခဲ့ပါတယ်။

မက်ဆီအနေနဲ့ အဲဒီလို အလွန်အကျူးအောင်ပွဲခံခဲ့တဲ့ မီနာကို ပြန်လည်လှောင်ပြောင်ခဲ့ခြင်းဖြစ်တယ်လို့ သိရပါတယ်။

“မက်ဆီနဲ့ ဖြစ်ခဲ့တဲ့ကိစ္စက ဘောလုံးမှာဖြစ်တတ်ပါတယ်။ ဘာစီလိုနာနဲ့ သူနဲ့ဆုံခဲ့ပြီး ကျနော့်ကိုလည်း အားပေးခဲ့ဖူးတဲ့အပေါ် ကျေးဇူးတင်ပါတယ်။ ကျနော် လီယိုကို အမြဲတမ်းလေး စားပါတယ်။ ကျနော်တို့ဟာ ကိုယ့်နိုင်ငံအသင်းတွေအတွက် အကောင်းဆုံးကာကွယ်ပေးခဲ့ကြတဲ့ သူတွေပါပဲ” လို့ မီနာက ပြန်လည်ဖြေရှင်းခဲ့တာဖြစ်ပါတယ်။

6 months Ago
More News
Up