နှင်းမုန်တိုင်း

November 1, 2022

တရုတ်အရှေ့မြောက်ပိုင်း၌ အားပြင်း နှင်းမုန်တိုင်း တိုက်ခတ်

တရုတ်နိုင်ငံအရှေ့မြောက်ပိုင်း၊ ဟေလောင်ကျန်းပြည်နယ်၊ မိုဟော့မြို့မှာ အောက်တိုဘာ ၃၀ ရက် မွန်းလွဲပိုင်းက စတင်ပြီး အားပြင်းတဲ့ နှင်းမုန်တိုင်း တိုက်ခတ်ခဲ့လို့ ဒေသဆိုင်ရာ အာဏာပိုင်တွေဟာ လမ်းပန်းဆက်သွယ်ရေး ချောမွေ့စေဖို့ ချက်ချင်း ကြိုးပမ်းဆောင်ရွက်ခဲ့ရပါတယ်။

အောက်တိုဘာ ၃၁ ရက် မနက် ၈ နာရီခွဲလောက်က မိုဟော့မြို့လယ်မှာ ၅ ဒသမ ၅ မီလီမီတာလောက် ထူတဲ့အထိ ဆီးနှင်းတွေ ကျဆင်းခဲ့တာပါ။

လွန်ခဲ့တဲ့ ၁၂ နာရီအတွင်း မိုဟော့မြို့ ဘေးကျိရွာမှာ ၆ ဒသမ ၉ မီလီမီတာလောက်အထိ နှင်းတွေ ထူထူထပ်ထပ် ကျဆင်းခဲ့ပြီး နှင်းမုန်တိုင်းတွေပါ ကျရောက်ခဲ့ပါတယ်။

အစောပိုင်းမှာ မိုဟော့မိုးလေဝသဌာနက အပြာရောင်အဆင့် သတိပေးချက် ထုတ်ပြန်ခဲ့ပေမဲ့ နောက်ပိုင်းမှာ အဝါရောင်အဆင့် သတိပေးချက်အဖြစ် အဆင့်မြှင့်တင်ခဲ့ပြီး ဒါဟာ တရုတ်နိုင်ငံရဲ့ လေးဆင့် သတိပေးချက်အဆင့်စနစ်မှာ တတိယအမြင့်ဆုံးအဆင့် ဖြစ်ပါတယ်။

ဆီးနှင်းတွေ ထူထူထပ်ထပ်တိုက်ခတ်လို့ မော်တော်ယာဉ်တွေ လမ်းတွေပေါ်မှာ ဖြည်းဖြည်းချင်း ရွေ့လျားခဲ့ရတာပါ။

မိုဟော့မြို့ရဲ့ သယ်ယူပို့ဆောင်ရေးနှင့် မြို့ပြစီမံခန့်ခွဲရေးဌာနတွေကလည်း အောက်တိုဘာ ၃၀ ရက် ညအထိ စုပုံနေတဲ့နှင်းတွေကို ဖယ်ရှားဖို့ ဝန်ထမ်းတွေနဲ့ စက်ယန္တရားတွေ စေလွှတ်ခဲ့ပါတယ်။ နှင်းတွေ နောက်ထပ်နှစ်ရက်အထိကြာအောင် ဆက်လက် ကျဆင်းနိုင်တယ်လို့ မိုဟော့ မိုးလေဝသဌာနက ခန့်မှန်းထားပါတယ်။

1 month Ago

February 22, 2022

ဂျပန်နိုင်ငံ ဟော့ကိုင်းဒိုးကျွန်းတွင် နှင်းမုန်တိုင်း တိုက်ခတ်၊ ယာဉ်ကြောပိတ်ဆို့

ဂျပန်နိုင်ငံမြောက်ပိုင်းစွန်းက ဟော့ကိုင်းဒိုးကျွန်းပေါ်မှာ ဖေဖော်ဝါရီ ၂၁ ရက်က နှင်းမုန်တိုင်း တိုက်ခတ်ခဲ့လို့ ယာဉ်ကြောပိတ်ဆို့ခဲ့ပြီး ပြည်သူတွေ သတိနဲ့နေကြဖို့ မိုးလေဝသ အရာရှိတွေက သတိပေးခဲ့ရပါတယ်။

လေဖိအားနည်းရပ်ဝန်းရုတ်တရက် ဖြစ်ထွန်းခဲ့ပြီး လေပြင်းတွေတိုက်ခဲ့လို့ နှင်းတွေ အသည်းအသန် ကျဆင်းခဲ့တာဖြစ်ပြီး ဆပ်ပ်ပိုရိုမြို့ ကျေးလက်ဒေသတွေမှာ နှင်းထု ၃၀ စင်တီမီတာအထိ ကျဆင်းခဲ့တယ်လို့ ဂျပန်ရုပ်သံ NHK က ပြောပါတယ်။

လာမယ့် ၂၄ နာရီအတွင်း ဂျပန်ပင်လယ်အနောက်ပိုင်းမှာ နှင်းထု ၅၀ စင်တီမီတာထိ ကျနိုင်ပြီး ပစိဖိတ်သမုဒ္ဒရာဘက်ခြမ်းမှာ နှင်းထုက ၄၀ စင်တီမီတာထိ ကျဆင်းနိုင်တယ်လို့ မိုးလေဝသဌာနက ပြောပါတယ်။

ဟိုခုတိုမြို့က အဝေးပြေးလမ်းမှာ ကားဆယ်စီးထက်မနည်း ဆင့်တိုက်ခဲ့လို့ လူတယောက် သေဆုံးပါတယ်။

ဒေသတွင်း ရထားခရီးစဉ်တွေလည်း အနှောင့်အယှက်ဖြစ်ခဲ့သလို ဟော့ကိုင်းဒိုးကနေ အဆင်း အတက်လုပ်မယ့် လေကြောင်းခရီးစဉ် ၁၉၈ ခုထက်မနည်း ခရီးစဉ် ဖျက်သိမ်းခဲ့ရပါတယ်။

9 months Ago
More News
Up