နှင်းကျ

October 3, 2022

ရှင်းကျန်းဒေသ၌ လေအေးများကြောင့် နှင်းကျကာ အပူချိန် ၃ ဒီဂရီအောက်ထိ ကျဆင်း

တရုတ်နိုင်ငံအနောက်မြောက်ပိုင်း၊ ရှင်းကျန်းပြည်နယ်၊ ဝီဂါကိုယ်ပိုင်အုပ်ချုပ်ခွင့်ရဒေသမှာ မကြာသေးမီက လေအေးတွေကြောင့် သီတင်းပတ်ကုန်ရက်က နှင်းတွေကျဆင်းခဲ့လို့  အပူချိန် ၃ ဒီဂရီကနေ  ၅ ဒီဂရီ စင်တီဂရိတ်အထိ ကျဆင်းသွားပါတယ်။

ရှင်ကျန်းပြည်နယ် အူရမ်ကီမြို့မှာ အောက်တိုဘာ ၁ ရက်က နှင်းကျခဲ့လို့ ဒေသ အပူချိန်ဟာ သုညဒီဂရီစင်တီဂရိတ်အောက်ထိ သိသိသာသာကျဆင်းသွားပါတယ်။ 

ဆီးနှင်းတွေကျခဲ့လို့ မာနတ်စ်မြို့နယ်ရဲ့ တောင်ဘက် တောင်တန်း ဧရိယာကို နှင်းထု ခုနစ် စင်တီမီတာ ဝန်းကျင်အထိ ထူထူထပ်ထပ် လွှမ်းမိုးခဲ့တာပါ။

ဒေသတွင်း မြက်ခင်းပြင်မှာ နှင်းတွေ ဖုံးလွှမ်းနေတာကြောင့် နွားကျောင်းသားတွေက အအေး ဒဏ်ကို ကာကွယ်ဖို့ သူတို့ရဲ့ တိရစ္ဆာန်တွေကို ပြန်လည် ထိန်းကျောင်းခဲ့ကြပါတယ်။

ယခုနှစ် ဆီးနှင်းကျတာဟာ အရင်နှစ်တွေကထက်စောနေလို့ ဒေသဆိုင်ရာ အာဏာပိုင်တွေက ရာသီဥတု အတက်အကျရဲ့ သက်ရောက်မှုကို လျှော့ဖို့ အိမ်မွေးတိရစ္ဆာန်တွေကို လွှတ်ကျောင်းမယ့် အစားအစာကျွေးဖို့ ပြင်ဆင်ခဲ့ကြပါတယ်။

2 months Ago

January 20, 2021

အယ်လ်ဂျီးရီးယားနိုင်ငံရှိ ကန္တာရသဲများပေါ်တွင် နှင်းများဖုံးနေ

အယ်လ်ဂျီးရီးယားနိုင်ငံ အိန်းဆေဖရာဒေသက ကန္တာရသဲတွေပေါ်မှာ ရေခဲနဲ့ နှင်းတွေ တွေ့ရပုံကို ရိုက်တာက ဇန်နဝါရီ ၁၉ ရက်မှာ ထုတ်လွှင့်ခဲ့ပါတယ်။ ဇန်နဝါရီ ၁၃ ရက်က နားမားခရိုင်အတွင်း မြို့ငယ်လေးမှာ အပူချိန်ဟာ ရေခဲမှတ်အောက် အနုတ် ၃ ဒီဂရီ ဆဲလ်စီးယပ်စ်အထိ ကျဆင်းခဲ့တာပါ။ ဒီမြို့ဟာ ၄၂ နှစ်အတွင်း နှင်းကျတာကို ၁၉၇၉၊ ၂၀၁၇ နဲ့ ၂၀၁၈ ခုနှစ်တွေ အပါအဝင် ၃ ကြိမ်သာ ကြုံခဲ့ဖူးပါတယ်။ ၂၀၁၇ ခုနှစ်တုန်းကတော့ နှင်းမုန်တိုင်းပါ တိုက်ခတ်ခဲ့လို့ ဒေသတွင်း နှင်းထု ၁ မီတာထိ ကျဆင်းခဲ့ပါတယ်။
2 years Ago
Up