နွေဦးသူရဲကောင်း

July 3, 2021

အကျဉ်းကျခံ နွေဦးသူရဲကောင်းများထံ ထောင်ဝင်စာပို့ရန် အခက်အခဲရှိသူများ အကူအညီ တောင်းခံနိုင်

       အကျဉ်းကျခံနေရတဲ့ နွေဦးသူရဲကောင်းတွေအတွက် ထောင်ဝင်စာပို့ဖို့ အခက်အခဲရှိတဲ့ မိ သားစုဝင်တွေအနေနဲ့ “ထောင်ဝင်စာပို့ကြမယ်” အစီအစဉ်ဆီ ဆက်သွယ်အကူအညီ တောင်းခံနိုင် ကြောင်း အသိပေးထုတ်ပြန်ထားပါတယ်။

ဒီအစီအစဉ်ကိုတော့ အမျိုးသားညီညွတ်​ရေးအစိုးရ (NUG)၊ အမျိုးသမီး၊ လူငယ်နှင့် က​လေးသူငယ်​ရေးရာ ဝန်ကြီးဌာနနဲ့ ​"ထောင်ဝင်စာပို့ကြမယ်”မှ လူငယ်​တွေ တရားဝင်ပူး​ပေါင်းပြီး ​အကျဉ်းထောင်ထဲမှ ​ထောင်ဝင်စာမတတ်နိုင်တဲ့ ​​နွေဦးသူရဲ​ကောင်းတွေကို ထောင်ဝင်စာ ​ထောက်ပံ့​ပေး​နေတာ ဖြစ်ပါတယ်။

ပို့​ဆောင်မှု အခက်အခဲတွေကြောင့် အရင်က အင်းစိန်​ထောင်ကိုပဲ ​ပေးပို့နိုင်​ခဲ့ပေမဲ့ လက်ရှိမှာ​တော့ မန္တလေး အိုးဘိုထောင်၊ ပဲခူးထောင်၊ သာယာဝတီထောင်နဲ့ တောင်ငူ ထောင်တွေက နွေဦးသူရဲကောင်းတွေအတွက်ပါ တာဝန်ယူကာ ထောင်ဝင်စာတွေ ထောက်ပံ့ကူညီနိုင်တော့မှာ ဖြစ်တယ်လို့ ဆိုပါတယ်။

ဒါကြောင့်မို့ အဆိုပါထောင်တွေမှာ ရှိနေကြတဲ့ နွေဦးသူရဲကောင်းတွေရဲ့ မိသားစုတွေအနေနဲ့ ထောင်ဝင်စာပေးပို့ဖို့ အခက်အခဲဖြစ်နေပါက “ထောင်ဝင်စာပို့ကြမယ်” ဖေ့စ်ဘွတ်ခ်ကတဆင့် ဆက်သွယ်စာရင်းပေးနိုင်မယ်လို့ ဆိုပါတယ်။

စာရင်းပေးသွင်းရာမှာတော့ အဖမ်းခံရသူ​ရဲ့ အမည်၊ ပုဒ်မ၊ အဖမ်းခံရတဲ့ရက်စွဲ၊ ထောင်အမည်၊ အုပ်ထိန်းသူအမည်နဲ့ ဆက်သွယ်ရမယ့် ဖုန်းနံပါတ်တွေ အပြည့်အစုံပေးကာ စာရင်းပေးသွင်းနိုင်တယ်လို့ ဆိုပါတယ်။

ပြီးခဲ့တဲ့ ဖေဖော်ဝါရီ ၁ ရက်နေ့ကစတင်ကာ အကြမ်းဖက်စစ်အုပ်စုက မတရားအာဏာသိမ်း ယူခဲ့တဲ့ကာလဟာ ၅ လကျော်ကြာမြင့်ခဲ့ပြီဖြစ်ကာ ပစ်ခတ်ဖြိုခွင်းမှုတွေကြောင့် ထိခိုက်သေဆုံးမှုတွေ ဆက်တိုက်မြင့်တက်နေတာပါ။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း(အေအေပီပီ)ရဲ့ ထုတ်ပြန် ချက်အရ အကြမ်းဖက်စစ်အုပ်စုရဲ့ ပစ်ခတ်သတ်ဖြတ်မှုကြောင့် အပြစ်မဲ့ကျဆုံးပြည်သူ ၈၈၈ ယောက်ထိ ရှိလာခဲ့ပြီလို့ ဆိုပါတယ်။

ဒါ့အပြင် နွေဦးတော်လှန်ရေးကာလအတွင်း ပြည်သူ ၆၄၇၂ ယောက် ဖမ်းဆီးခံခဲ့ရကာ ၅၁၇၃ ယောက်ကတော့ လက်ရှိချုပ်နှောင်ခံထားရဆဲဖြစ်ပြီး အဲဒီထဲက ၂၃၃ ယောက် ကတော့ ထောင်ဒဏ်ချမှတ်ခံထားရတယ်လို့ ဆိုပါတယ်။

7 months Ago
Up