နွားထိုးကြီးမြို့နယ်

October 13, 2021

နွားထိုးကြီးမြို့နယ် တရားရုံး ဗုံးကွဲ၊ ရဲတပ်ဖွဲ့ဝင် ၂ ဦး ဒဏ်ရာရ

မန္တလေးတိုင်း မြင်းခြံခရိုင် နွားထိုးကြီးမြို့နယ် တရားရုံးမှာ အောက်တိုဘာ ၁၂ ရက် မနက် ၁၀ နာရီ ၁၅ မိနစ်က ဗုံးပေါက်ကွဲခဲ့ပြီး ရဲတပ်ဖွဲ့ဝင် ၂ ဦးဒဏ်ရာ ရရှိသွားတယ်လို့ မြို့ခံတွေကပြောပါတယ်။

“ဗုံးက မနက် ၁၀ နာရီ ၁၅ မိနစ်လောက်က ပေါက်တာ။ အုန်းကနဲ အသံအကျယ်ကြီးပဲ။ မကြာဘူး နောက် နာရီဝက်လောက်နေတော့ တစ်လုံးထပ်ပေါက်တာ။ ဗုံး ၂ လုံးပေါက်တာ။ တရားရုံးမှာ လုံခြုံရေးယူနေတဲ့ ရဲတပ်ဖွဲ့ဝင် ၂ ယောက် ဒဏ်ရာရသွားတယ်။ ဘယ်အဖွဲ့က လုပ်တယ်တော့ မသိရသေးဘူး” လို့ မြို့ခံတဦးက ပြောပါတယ်။

နွားထိုးကြီးမှာ မြိုနယ် အုပ်ချုပ်ရေးမှုးရုံးနဲ့ မြို့နယ်ပညာရေးမှုးရုံး၊ ကမ္ဘောဇဘဏ်ခွဲတို့ ဗုံးပေါက်ကွဲခဲ့ပြီး လမကြာခင် မြို့နယ်တရားရုံး ဗုံးပေါက်တာလို့ ဆိုပါတယ်။

နွားထိုးကြီး PDF က အောက်တိုဘာ ၉ ရက်နေ့နောက်ပိုင်းကစပြီး ရုံးမတက်ကြဖို့ စည်ပင်သာယာရေးအဖွဲ့နဲ့ လျှပ်စစ်ရုံး၊ ငွေချေးအသင်းတွေကို သတိပေးထားတာရှိတယ်လို့ သိရပါတယ်။

3 months Ago

July 30, 2021

ကိုဗစ်-၁၉ ကူးစက်မှုအသစ် ၅၀၀၀ ကျော်တွင် နွားထိုးကြီးမြို့နယ်က ၂၀၀ ကျော်ဖြင့် အများဆုံးဖြစ်

ကိုဗစ်-၁၉ ရောဂါကူးစက်ခံရသူပေါင်း ၅,၀၀၀ ကျော်ထဲမှာ မန္တလေးတိုင်းဒေသကြီး ၊ နွားထိုးကြီးမြို့နယ်က ကူးစက်ခံရသူ ၂၀၁ ယောက်နဲ့ အများဆုံးဖြစ်တယ်လို့ စစ်ကောင် စီကျန်းမာရေးနဲ့ အားကစားဝန်ကြီးဌာနက ဇူလိုင် ၃၀ ရက်ညမှာ ထုတ်ပြန်ပါတယ်။

ဒီစစ်ဆေးမှုမှာတော့ အာဏာဖီဆန်ရေးလှုပ်ရှားမှု(CDM)မှာ ပါဝင်နေကြတဲ့ ဆေးရုံ တွေ၊ ဓာတ်ခွဲစမ်းသပ်ခန်းတွေ မပါဝင်ဘဲ စစ်အုပ်စုလက်အောက်ခံ တပ်မတော်ဆေးရုံတွေ အများစုမှာ စမ်းသပ်စစ်ဆေးခဲ့တာမို့ ရောဂါကူးစက်မှုတိကျတဲ့ ပမာဏအတိုင်းအဆကို တော့ မသိနိုင်သေးပါဘူး။

ဝန်ကြီးဌာန ထုတ်ပြန်ချက်ထဲမှာတော့ ပြီးခဲ့တဲ့ ၂၄ နာရီအတွင်း ဓာတ်ခွဲနမူနာ ၁၅,၀၆၀ ခုကို စစ်ဆေးခဲ့ရာမှာ ရောဂါကူးစက်မှုအသစ် ၅,၂၃၄ ယောက် တွေ့ရှိခဲ့တာမို့ ပိုးတွေ့နှုန်း ၃၄ ဒသမ ၇၅ ရာခိုင်နှုန်းကျော် ရှိနေခဲ့တာပါ။

ပြီးခဲ့တဲ့ ၂၄ နာရီအတွင်း ရောဂါပြန်လည်ပျောက်ကင်းသက်သာလာတဲ့အတွက် ဆေးရုံက ဆင်းခွင့်ရသူ အရေအတွက်ကတော့ ၄,၂၄၁ ယောက် ရှိနေတယ်လို့ ဆိုပါတယ်။

ဒါ့အပြင် တရက်တည်းသေဆုံးသူအရေအတွက်ကတော့ ၃၄၂ ယောက် ရှိခဲ့ပြီး စုစု ပေါင်း သေဆုံးသူ ၈,၅၅၂ ယောက်နဲ့ ရောဂါကူးစက်ခံရသူ စုစုပေါင်း ၂၈၉,၃၃၃ ယောက် ရှိနေခဲ့တာ ဖြစ်ပါတယ်။

ပြည်နယ်နဲ့ တိုင်းအလိုက် ရောဂါကူးစက်မှုနှုန်းမှာတော့ ပဲခူးတိုင်းဒေသကြီးက ၇၉၉ ယောက်နဲ့ အများဆုံးဖြစ်ပြီး အဲဒီနောက်မှာတော့ မန္တလေးတိုင်းဒေသကြီးက ၆၉၃ ယောက်၊ ရန်ကုန်တိုင်းဒေသကြီးက ၆၅၃ ယောက်၊ ရှမ်းပြည်နယ်က ၅၉၂ ယောက်၊ စစ် ကိုင်းတိုင်းဒေသကြီးက ၅၃၀ ယောက်စီနဲ့ အများဆုံး ကူးစက်ခံထားရပါတယ်။

မြန်မာနိုင်ငံမှာ ပထမဆုံးသော ကိုဗစ်-၁၉ အတည်ပြုလူနာကိုတော့ ပြီးခဲ့တဲ့ ၂၀၂၀ ပြည့်နှစ်၊ မတ် ၂၃ ရက်က စတင်တွေ့ရှိခဲ့တာဖြစ်ပြီး ပြီးခဲ့တဲ့ ဇန်နဝါရီ ၂၇ ရက်မှာတော့ အာ ဆီယံနိုင်ငံတွေထဲ အစောဆုံး ကာကွယ်ဆေးထိုးနှံတဲ့နိုင်ငံ ဖြစ်လာခဲ့ပါတယ်။

ခုရက်ပိုင်းတွေမှာ ရောဂါကူးစက်မှုဟာ နေ့စဉ်ရက်ဆက် ခပ်စိပ်စိပ်ဖြစ်နေခဲ့ပြီး    မျိုးရိုးဗီဇကွဲ ကိုဗစ်-၁၉ ရောဂါပိုး ၃ မျိုးစစ်ဆေးတွေ့ရှိခဲ့ကြောင်းလည်း ဇွန် ၁၅ ရက်နေ့က ကြေညာထားခဲ့တာပါ။

ပြီးခဲ့တဲ့ ဇွန်လ ၃ ရက်နေ့ ကာကွယ်ရေးဝန်ကြီးဌာန၊ ဆေးသုတေသနစင်တာမှ စစ်ဆေးတဲ့ ဓာတ်ခွဲစစ်ဆေးချက်အဖြေအရ ကိုဗစ်-၁၉ မျိုးရိုးဗီဇ ပြောင်းလဲတဲ့ ပိုးတွေ့ရှိသူ ၁၁ ဦးရှိတယ်လို့ ဆိုပါတယ်။

လတ်တလောမှာတော့ ရောဂါကူးစက်မှုတွေ မြင့်တက်နေတာကြောင့် နိုင်ငံတဝန်း စာသင်ကျောင်းတွေ ပိတ်ထားသလို  အစိုးရ ရုံးတွေ အခုလကုန်ထိ ဆက်တိုက်ပိတ်ထား တဲ့အပြင်  နိုင်ငံတဝန်း ပိုးတွေ့နှုန်းများတဲ့ မြို့နယ် ၉၀ ကျော်ကိုလည်း Stay At Home မြို့ နယ်တွေ အဖြစ် သတ်မှတ်ထားပါတယ်။

6 months Ago
More News
Up