နွားထိုးကြီးမြို့

A d v e r t i s e m e n t With Us

November 19, 2020

နွားထိုးကြီးမြို့ရှိ ပုဂ္ဂလိကဆေးခန်းပိုင်ရှင် ၁ ဦးကို သဘာဝဘေးစီမံခန့်ခွဲမှု ဥပဒေဖြင့်အမှုဖွင့်

မန္တလေးတိုင်းဒေသကြီး၊ နွားထိုးကြီးမြို့ အမှတ် ၈ ရပ်ကွက်မှာဖွင့်လှစ်ထားတဲ့ ပိတောက်ဝါ ပုဂ္ဂလိက ဆေးခန်းပိုင်ရှင်ကို သဘာဝဘေးစီမံခန့်ခွဲမှု ဥပဒေပုဒ်မ ၃၀(က)နဲ့ အမှုဖွင့်အရေးယူ ထားတယ်လို့ မြို့မရဲစခန်းက သိရပါတယ်။ အမှုမှာ မြင်းခြံမြို့နယ်မှ ကိုဗစ်-၁၉ ပိုးတွေ့လူနာ  အမျိုးသမီးတစ်ဦးကို အောက်တိုဘာ ၂၁ ရက်မှ အောက်တိုဘာ ၂၇ ထိ အဆိုပါ ဆေးခန်းမှာကုသပေးခဲ့တဲ့အတွက် လူနာနဲ့ ထိတွေ့ခဲ့တဲ့ ဆေးခန်းပိုင်ရှင် ဒေါက်တာ ကျော်ကိုကိုနဲ့ အကူသူနာပြုတစ်ဦးကို နိုဝင်ဘာ ၂ ရက်အထိ ကွာရန်တင်းဝင်ခိုင်းခဲ့ကာ ဆေးခန်းလုပ်ငန်းတွေ ဆောင်ရွက်ခြင်းမပြုဖို့ သက်ဆိုင်ရာက တားမြစ်ထားခဲ့ပါတယ်။ ဒါပေမဲ့ ဆေးခန်းမှာ ပြင်ပလူနာ လက်ခံတာ၊ ဆေးခန်းရှိ လူနာတွေကို နေရပ်ပြန်လည်စေလွှတ်တာ၊ ဆေးပေးတာစတဲ့ ဆေးကုသရေးလုပ်ငန်းတွေ ဆက်လက် ဖွင့်လှစ်ဆောင်ရွက်နေကြောင်း သတင်းပေး တိုင်ကြားလာတဲ့အတွက် သတ်မှတ်စည်းကမ်းလိုက်နာမှု မရှိတာကြောင့် ဒေါက်တာကျော်ကိုကို ကို နိုဝင်ဘာ ၁၇ ရက်နေ့မှာ နွားထိုးကြီးသဘာဝဘေးစီမံခန့်ခွဲမှု ကော်မတီက အမှုဖွင့် အရေးယူခဲ့တာ ဖြစ်ပါတယ်။ နွားထိုးကြီးအမှတ် ၈ ရပ်ကွက်ရှိ ပိတောက်ဝါဆေးခန်းဟာ ပုဂ္ဂလိကဆေးရုံအဖြစ် အဆင့်မြှင့်တင်ထားပြီး အတွင်းလူနာတွေနဲ့ အပြင်လူနာတွေ လက်ခံဆောင်ရွက်နေစဉ်  အခုလို အမှုဖွင့် အရေးယူ ခံရတာ ဖြစ်ပါတယ်။ သတင်း- ဇာဇာမောင်(CJ)
2 months Ago

September 24, 2020

နွားထိုးကြီးမြို့၌ ကိုဗစ်-၁၉ လူနာ ၁ ဦး ပထမဆုံး တွေ့ရှိ

မန္တလေးတိုင်းဒေသကြီး၊ နွားထိုးကြီးမြို့နယ် ထန်းခွ(တောင်) ရွာမှာ ကိုဗစ်-၁၉ ပိုးတွေ့လူနာ ၁ ဦး ပထမဆုံး တွေ့ရှိခဲ့တယ်လို့ စက်တင်ဘာ ၂၃ ရက်နေ့ည ကျန်းမာရေးဝန်ကြီးဌာန ထုတ်ပြန်ချက်အရ သိရပါတယ်။ ပိုးတွေ့လူနာမှာ မိသားစုဝင်တဦး ကျန်းမာရေးမကောင်းတာကြောင့် ရန်ကုန်ကို ဆေးသွားကုပြီးနောက် တက္ကစီငှားပြီး ထန်းခွတောင်ရွာက နေအိမ်ကို စက်တင်ဘာ ဒုတိယပတ်က ပြန်ရောက်လာတာလို့ သိရပါတယ်။ ရွာကအိမ်မှာပဲ Home Quarantine နေထိုင်ပြီး စက်တင်ဘာ ၂၂ ရက်က swab ယူစစ်ဆေးခဲ့ရာက ကိုဗစ်-၁၉ ရောဂါပိုးတွေ့ရှိခဲ့တာလို့ ထွေ/အုပ်ရုံးကသိရပါတယ်။ အသက် ၇၀ အရွယ် ပိုးတွေ့လူနာ အမျိုးသမီးကို နွားထိုးကြီးဆေးရုံ သီးသန့်ကုသဆောင်မှာ သူနာပြုနှစ်ယောက်၊ လက်ထောက်ဆရာဝန် တစ်ယောက်နဲ့ ထားရှိ ကျန်းမာရေးစောင့်ရှောက်ပေးနေတယ်လို့ ဆိုပါတယ်။ ပိုးတွေ့လူနာနဲ့အတူနေ မိသားစုဝင် ၃ ဦးနဲ့ သူနာပြု ၁ ဦး၊ ပိုးတွေ့လူနာကို ဆေးရုံခေါ်ဆောင်စဉ် ကူညီလုပ်ကိုင်ပေးခဲ့တဲ့  စေတနာ့ဝန်ထမ်း  ၃ ဦးတို့ကိုလည်း ဆေးရုံ ဝန်ထမ်းအိမ်ရာ ၄ ထပ်ဆောင်သစ်မှာ Facility Quarantine ထားရှိပြီး မနက်ဖြန် ဓာတ်ခွဲနမူနာယူ စစ်ဆေးသွားမယ်လို့ ပြည်သူ့လွှတ်တော် ကိုယ်စားလှယ် ဦးနိုင်ထူးအောင်က ပြောပါတယ်။ မြင်းခြံခရိုင်ရှိ ၄ မြို့နယ်လုံး ကိုဗစ်-၁၉ ပိုးတွေ့လူနာရှိလာပြီး မြင်းခြံမြို့နယ်က ပိုးတွေ့လူနာ ၅၆ ယောက်၊ ငါန်းဇွန်မြို့နယ်က ၁ ယောက်၊ တောင်သာမြို့နယ်က ၄ ယောက်နဲ့ နွားထိုးကြီးက ၁ ယောက်တို့ ဖြစ်ပါတယ်။ သတင်း-ဇာဇာမောင်(CJ)
4 months Ago
More News
Up