နံပါတ် ၁ နေရာထား

December 3, 2020

ဂိုးသမား ဒီဂီယာကို နံပါတ် ၁ နေရာထားသည့် နည်းပြ ဆိုးလ်ရှား မှန်ကန်ကြောင်း နဗီးလ်သုံးသပ်

ဂိုးသမား ဒီဂီယာကို နံပါတ်တစ်နေရာမှာ ဆက်ထားခဲ့တဲ့ နည်းပြဆိုးလ်ရှားရဲ့ ဆုံးဖြတ်ချက် မှန်ကန်တယ်လို့ ဂယ်ရီနဗီးလ်ကပြောပါတယ်။  မန်ယူအသင်းဟာ ဂိုးသမား ဒီဂီယာနဲ့ လူငယ်ဂိုးသမား ဒီးဟန်ဒါဆန်တို့က ပွဲထွက်ခွင့်အတွက် အပြိုင်အဆိုင်ဖြစ်လာခဲ့တာပါ။  အင်္ဂလန်လက်ရွေးစင်မှာလည်း ရွေးချယ်ခံခဲ့ရတဲ့ ဟန်ဒါဆန်ဟာ ဆောက်သမ်တန်နဲ့ ပရီးမီးယားလိဂ်ပွဲစဉ်မှာ ဒီဂီယာအစား လူစားဝင် ကစားခဲ့ပါသေး တယ်။  ပီအက်စ်ဂျီကိုရှုံးခဲ့တဲ့ ချန်ပီယံလိဂ်ပွဲမှာတော့ ဒီဂီယာက ပွဲထွက်ကစားခဲ့တာပါ။ ဒီဂီယာက နံပါတ်တစ်နေရာမှာရှိနေဆဲဖြစ်ပြီး ဒီးဟန်ဒါဆန်အနေနဲ့ လုပ်ပြစရာတွေအများ ကြီး ရှိနေသေးတယ်လို့ နောက်ခံလူဟောင်း ဂယ်ရီနဗီးလ်က ပြောပါတယ်။  လွန်ခဲ့တဲ့ ၂၅ နှစ်တာကာလကို ပြန်ကြည့်ရင် ယူနိုက်တက်အသင်းမှာ လူငယ်ဂိုးသမားကောင်း များစွာရှိခဲ့ပေမယ့် ဗန်ဒါးဆားနဲ့ ပီတာရှမိုက်ကယ်တို့သာ  လက်စွမ်းပြ နိုင်ခဲ့ပြီး လက်ရှိအချိန်မှာတော့ ဒီဂီယာဖြစ်တယ်လို့ နဗီးလ်ကပြော ပါတယ်။  ဟန်ဒါဆန်လို ဂိုးသမား တစ်ဦးထွက်ပေါ်လာတာက ယူနိုက်တက်အတွက် စိတ်လူပ်ရှားစရာ ဖြစ်ပေမဲ့ နောက် ၁၀ နှစ်အတွင်းမှာ ယူနိုက်တက် နံပါတ်တစ်ဂိုးသမား ဘယ်သူဖြစ်မလဲဆိုတာက  ခန့်မှန်းရခက်ခဲကြောင်းလည်း နဗီးလ်က သုံးသပ်ခဲ့ပါတယ်။ 
4 months Ago
Up