နေးရှင်းလိဂ်

October 12, 2021

ဘယ်လ်ဂျီယံအသင်းက အီတလီ၊ ပြင်သစ်နှင့် စပိန်တို့လို လူအင်အားမတောင့်တင်းဟု ဒီဘရိုင်း ဖွင့်ဟ

ဘယ်လ်ဂျီယံ လက်ရွေးစင်အသင်းဟာ အီတလီ၊ ပြင်သစ်နဲ့ စပိန်အသင်းတွေလို တောင့်တင်းတဲ့ လူစာရင်းမရှိဘူးလို့ ကွင်းလယ်လူ ဒီဘရိုင်းက ပြောပါတယ်။ 

ဘယ်လ်ဂျီယံအသင်းဟာ နေးရှင်းလိဂ် ဆီမီးဖိုင်နယ်မှာ ပြင်သစ်ကို ၂ ဂိုးအရင်သွင်းခဲ့ပေမဲ့ ၃ ဂိုးဆက် ဂိုးပေးရပြီး ရှုံးနိမ့်ခဲ့ပါတယ်။ တတိယ လုပွဲမှာလည်း အီတလီအသင်းကို ၂ ဂိုး ၁ ဂိုးနဲ့ ရှုံးနိမ့်ခဲ့ပြီး ဆုတံဆိပ်နဲ့ လွဲချော်ခဲ့တာပါ။ 

ဘယ်လ်ဂျီယံ ကွင်းလယ်လူ ဒီဘရိုင်းကတော့ သူ့အသင်းဟာ တခြား ဥရောပထိပ်တန်းအသင်းတွေလို ထိပ်တန်းကစားသမား ၂၂ ဦးမရှိကြောင်း၊ ဘယ်လ်ဂျီယံအသင်းမှာ မျိုးဆက်သစ် ကစားသမားတွေ ရှိပြီး လူကာကူနဲ့ ဟာဇက်တို့ မကစားနိုင်ချိန်မှာ အခြေအနေအမှန်ကို သိရှိဖို့လိုကြောင်း ဒီဘရိုင်းက ပြောပါတယ်။ 

နေးရှင်းလိဂ်တတိယလုပွဲမှာ အီတလီဘက်က တိုက်စစ်မှူး အီမိုဘီလီနဲ့ ဘယ်လော့တီတို့ မပါဝင်ခဲ့ပေမဲ့ ခြေစွမ်းပြသနိုင်ခဲ့ပြီး လူကာကူနဲ့ ဟာဇက်တို့ မပါဝင်နိုင်ခဲ့တဲ့ ဘယ်လ်ဂျီယံကပိုပြီး အားနည်းသွားစေခဲ့တာ ဖြစ်ပါတယ်။

3 months Ago

November 17, 2020

ကိုဗစ်-၁၉ ကူးစက်ခံရသည့် ဥရုဂွေးတိုက်စစ်မှူး ဆွာရက်ဇ် ဘရာဇီးနှင့်ပွဲ လွဲချော်မည်

ဥရုဂွေး  တိုက်စစ်မှူး ဆွာရက်ဇ်ဟာ ကိုဗစ်-၁၉ ပိုးတွေ့ရှိခဲ့လို့ ဘရာဇီးနဲ့ပွဲကို လွဲချော်မှာ ဖြစ်ပါတယ်။  ဘရာဇီးအသင်းနဲ့ ပွဲမတိုင်ခင် ပိုးရှိ၊ မရှိ တသင်းလုံး စစ်ဆေးခဲ့တာဖြစ်ပြီး တိုက်စစ်မှူး ဆွာရက်ဇ်နဲ့အတူ ဂိုးသမား မူနော့ဇ်နဲ့ အသင်းဝန်ထမ်းတစ်ဦးမှာလည်း ပိုးတွေ့ရှိခဲ့တယ်လို့ ဥရုဂွေးအသင်းက နိုဝင်ဘာ ၁၆ ရက်မှာ သတင်းထုတ်ပြန်ခဲ့တာပါ။  သောကြာနေ့မှာ ကစားခဲ့တဲ့ ကိုလံဘီယာနဲ့ ပွဲမှာ ပင်နယ်တီကနေ အနိုင်ဂိုး ၁ ဂိုး သွင်းခဲ့တဲ့ ဆွာရက်ဇ်ဟာ ဘရာဇီးနဲ့ပွဲကို လွဲချော်မှာဖြစ်လို့ ဥရုဂွေးအသင်းအတွက် အားနည်းချက် ဖြစ်စေခဲ့ပါတယ်။ ဆွာရက်ဇ်ဟာ အခုနှစ် အပြောင်းအရွှေ့မှာ ဘာစီလိုနာကနေ အက်သလက်တီကိုမက်ဒရစ်ကို ပြောင်းရွှေ့ခဲ့ပြီး ၅ ဂိုး သွင်းယူထားပါတယ်။  ထိပ်တန်းဘောလုံးသမားတွေထဲမှာ အီဂျစ်နဲ့ လီဗာပူးတိုက်စစ်မှူး မိုဆာလာဟာလည်း ကိုဗစ်-၁၉ ပိုးကူးစက်ခံထားရပြီး အရင်လပိုင်းကလည်း ပေါ်တူဂီတိုက်စစ်မှူး စီရော်နယ်ဒို၊ အေစီမီလန် တိုက်စစ်မှူး အီဗရာဟီမိုဗစ်တို့ ကိုဗစ်ပိုး ကူးစက်ခံခဲ့ရပါသေးတယ်။
1 year Ago
More News
Up