နော်ဝေသံရုံး

November 8, 2020

ရွေးကောက်ပွဲသည် မြန်မာ့ဒီမိုကရေစီ အသွင်ကူးပြောင်းရေးအတွက် အရေးပါဟု နော်ဝေသံရုံး ထုတ်ပြန် 

ရွေးကောက်ပွဲတွေဟာ မြန်မာ့ဒီမိုကရေစီအသွင်ကူးပြောင်းရေးလုပ်ငန်းစဉ်ရဲ့ အရေးပါတဲ့ အစိတ်အပိုင်းတရပ် ဖြစ်တယ်လို့ မြန်မာနိုင်ငံဆိုင်ရာ နော်ဝေသံရုံးက သတင်းထုတ်ပြန်ပါတယ်။  အထွေထွေရွေးကောက်ပွဲကြီး ကျင်းပတဲ့ ဒီနေ့မှာ မြန်မာပြည်သူပြည်သားအပေါင်းအတွက် အထူးဂုဏ်ယူတယ်လို့လည်း ဆိုပါတယ်။  “၂၀၀၈ ဖွဲ့စည်းပုံအခြေခံဥပဒေက ပြဋ္ဌာန်းထားတဲ့ ကန့်သတ်ချက်တွေနဲ့ မဲဆန္ဒရှင်တွေ မဲပေးခွင့်ရုပ်သိမ်းခံရမှုတွေဟာ စိုးရိမ်ပူပန်ရမယ့်အချက်တွေ ဖြစ်ပေမယ့်လည်း ရွေးကောက်ပွဲတွေဟာ မြန်မာ့ဒီမိုကရေစီ အသွင်ကူးပြောင်းရေး လုပ်ငန်းစဉ်ရဲ့ အရေးပါတဲ့ အစိတ်အပိုင်းတရပ် ဖြစ်ပါတယ်”လို့ သံရုံးထုတ်ပြန်ချက်မှာ ဖော်ပြပါတယ်။ မြန်မာနိုင်ငံသား သန်းပေါင်းများစွာဟာ နိုင်ငံတဝန်းက မဲရုံတွေမှာ ဆန္ဒမဲပေးခြင်းဖြင့် သူတို့ရဲ့ အခြေခံရပိုင်ခွင့်တွေကို ကျင့်သုံးနေကြတဲ့ အချိန်မှာပဲ ရန်ကုန်နော်ဝေသံရုံးရဲ့ သံတမန်တွေနဲ့ ဒေသခံဝန်ထမ်းတွေဟာလည်း သံတမန်အသိုင်းအဝိုင်း ရွေးကောက်ပွဲစောင့်ကြည့်မှုမှာ ပါဝင်ဆောင်ရွက်နေကြတယ်လို့လည်း ဆိုပါတယ်။ မြန်မာနိုင်ငံတဝန်းမှာ ၂၀၂၀ အထွေထွေရွေးကောက်ပွဲကို ဒီကနေ့ မနက် ၆ နာရီကနေ စတင်ကျင်းပခဲ့ပြီး မဲရုံအသီးသီးမှာ ဆန္ဒမဲတွေကို ရေတွက်နေဆဲ ဖြစ်ပါတယ်။  ဓာတ်ပုံ- နော်ဝေသံရုံး
1 year Ago
Up