နောင်မွန်ဓမ္မဆရာ

October 19, 2021

မတရားဖမ်းဆီးခံထားရသည့် နောင်မွန်ဓမ္မဆရာ ၃ ဦးနှင့် သွားဆရာဝန် လွတ်မြောက်

ကချင်ပြည်နယ်၊ ပူတာအိုနမ်ဟော့အကျဉ်းထောင်မှာ ရာဇသတ်ကြီးပုဒ်မ-၅၀၅(က)နဲ့ တရားစွဲဆိုပြီး မတရားဖမ်းဆီးထိန်းသိမ်းထားတဲ့ နောင်မွန်မြို့နယ်က ဓမ္မဆရာ ၃ ဦးနဲ့ ပူတာအိုမြို့နယ်က သွားဆရာဝန်တို့ကို ပြစ်ဒဏ်လွတ်ငြိမ်းသက်သာခွင့်နဲ့ အောက်တိုဘာ ၁၈ ရက်နေ့ ညနေ ၅ နာရီလောက် ပြန်လွတ်လာတယ်လို့ နီးစပ်သူတစ်ဦးက ပြောပါတယ်။

နောင်မွန်မြို့နယ်ဓမ္မဆရာတွေဖြစ်တဲ့ KBCအသင်း‌တော်က ဆရာတော် ဂျီဆင်ဆားရ်နဲ့ ဆရာတော် မန်ခူဒီး၊ COC အသင်းတော်က ဆရာတော် ဇာကွန်းထီ၊ ပူတာအိုမြို့နယ်မှာ သွားဆေးခန်းဖွင့်ထားတဲ့ ဒေါက်တာဟိန်းသူရဇော်တို့ လွတ်မြောက်လာတာလို့ ဆိုပါတယ်။

ပူတာအို‌နမ်ဟော့အကျဉ်းထောင်မှာ မတရားဖမ်းဆီးထိန်းသိမ်းထားသူတွေထဲက ၄ ဦးသာ လွတ်မြောက်လာတာဖြစ်ပါတယ်။ 

စစ်အာဏာသိမ်းပြီးနောက် ဆန္ဒပြမှုတွေနဲ့ပတ်သက်လို့ ပြစ်ဒဏ်ချပြီးသား အကျဉ်းသား ၁၃၁၆ ဦးနဲ့  တရားစွဲခံထားရသူ အယောက် ၄၃၂၀ ကို ပြန်လွှတ်ပေးမယ်လို့ အောက်တိုဘာ ၁၈ ရက်နေ့ မွန်းလွဲပိုင်းမှာ စစ်ကောင်စီက ကြေညာလိုက်ပြီးနောက် အခုလို နိုင်ငံရေးအကျဉ်းသားတွေ ပြန်လွတ်လာတာပါ။

3 months Ago
Up