နေအိမ် ၃ လုံး ပျက်စီး

A d v e r t i s e m e n t With Us

June 22, 2020

ပြင်းအား ၅.၉ အဆင့်ရှိ ငလျင်ကြောင့် ရိခေါ်ဒါရ်မြို့ ဌာနဆိုင်ရာရုံးနှင့် နေအိမ် ၃ လုံး ပျက်စီး

ဇွန် ၂၂ ရက် မနက် ၅နာရီ ၁၀ မိနစ်အချိန် ပြင်းအားရစ်(ခ်)တာစကေး ၅.၉ အဆင့်ရှိ မြေငလျင်လှုပ်ခတ်ခဲ့မှုကြောင့် ချင်းပြည်နယ်၊ ရိခေါ်ဒါရ်မြို့ ဌာနဆိုင်ရာရုံး ၁ ရုံးနဲ့ နေအိမ် ၃ လုံး အနည်းငယ် ပျက်စီးဆုံးရှုံးခဲ့တယ်လို့ သိရပါတယ်။ မြေငလျင်လှုပ်ခတ်မှုကြောင့် ရိခေါ်ဒါရ်မြို့၊ အမှတ် (၁) ရပ်ကွက်ရှိ ရိပြည်ထောင်စုရိပ်သာ Portico (ဆင်ဝင်) မျက်နှာကြက် အက်ကွဲ ကွာကျပျက်စီးခဲ့ပြီး ပြန်ကြားရေးနှင့်ပြည့်သူ့ဆက်ဆံ‌ရေးဌာန ရုံးအဆောက်‌အဦ အရှေ့မျက်နှာစာ နံရံတွေ အက်ကွဲကွာကျပျက်စီးခဲ့တယ်လို့ ရိခေါ်ဒါရ် ပြန်/ဆက်က ထုတ်ပြန်ထားပါတယ်။ ဒါ့အပြင် ရိခေါ်ဒါရ်မြို့ အမှတ်(၂)ရပ်ကွက်ရှိ ဦးထန်းအောင် နေအိမ် နှစ်ထပ်တိုက် ပင်မဆောင်နဲ့ကပ်လျက် ဝရံတာ၊ မီးဖိုဆောင်၊ ပန်းတင်ခုံတွေ၊ ဒေါ်ဇွန်ကိမ်းရဲ့ နေအိမ် တစ်ထပ်တိုက်အတွင်း အိပ်ခန်းနံရံ၊ မီးဖိုချောင်၊ မီးဖိုခန်း လှေကားအိမ်တွေနဲ့ ဦးငွန်နယ်ကျဲအိုရဲ့ နေအိမ် နှစ်ထပ်တိုက် (ဆောက်လုပ်ဆဲ) နံရံတွေ အက်ကွဲပျက်စီးခဲ့တယ်လို့ သိရပါတယ်။ မြေငလျင်ကြောင့် ထိခိုက်ပျက်စီးတဲ့နေရာတွေကို ရိခေါ်ဒါရ်မြို့အုပ်ချုပ်ရေးမှူး ဦးကျင်လမ်းခိုင်နှင့်အတူ ၀ရဲတပ်ဖွဲ့၊ မီးသတ်၊ လ.ဝ.က၊ ပြန်/ဆက်၊ စည်ပင်ကော်မတီ၊ ရပ်ကွက်အုပ်ချုပ်ရေးအဖွဲ့၊ ရပ်ကွက် လူငယ်တွေက သွားရောက်ပီုး ကူညီပေးခဲ့ကြပါတယ်။ မြေငလျင်လှုပ်ခတ်မှုကြောင့် ဌာနဆိုင်ရာရုံး ၁ ရုံး၊ ရိပြည်ထောင်စုရိပ်သာနဲ့ ပုဂ္ဂလိကလူနေအိမ် ၃ လုံး ထိခိုက်ပျက်စီးခဲ့ပြီး အဆိုပါ မြေငလျင်လှုပ်ခတ်မှုကြောင့် လူနှင့်တိရစ္ဆာန် ထိခိုက်မှု မရှိဘူးလို့ ဆိုပါတယ်။
8 months Ago

June 13, 2020

တိုက်ကြီးတွင် တောဆင်ရိုင်းကြောင့် နေအိမ် ၃ လုံး ပျက်စီး

တိုက်ကြီးမြို့နယ်၊ လိမ္မော်ခြံကျေးရွာအုပ်စု၊ ပိုက်လုံးစုကျေးရွာမှာ ဇွန် ၁၂ ရက် ည ၁၁ နာရီက တောဆင်ရိုင်းတကောင် ဝင်ရောက်ဖျက်ဆီးခဲ့တာကြောင့် နေအိမ် ၃ လုံး ပျက်စီးသွားတယ်လို့ ကျေးရွာအုပ်ချုပ်ရေးမှူး ဦးခင်ဇော်က ပြောပါတယ်။ “ည ၁၁ နာရီကျော်အချိန်လောက် ဝင်လာပြီး နေအိမ် ၃ လုံး ဖျက်ဆီးသွားပြီး မနက် ၆ နာရီအချိန်ခန့်က သစ်တောစိုက်ခင်းထဲ ပြန်ဝင်သွားတယ်။ တန်ဖိုးငွေ ၄ သိန်းခွဲခန့် ရှိတယ်။ တောဆင်ရိုင်းက (ဒေသအခေါ်) ဂျစ်ကားလို့ ခေါ်တယ်။ ဆင်က ဒီနားကရွာတွေအနီးအနားမှာ နေတာများပြီး စပါးခင်းနဲ့ တခြားသီးနှံစိုက်ခင်းတွေကို ဝင်စားသောက်တယ်။ ပြီးတော့ ရွာတွေထဲကို ဝင်တယ်။ အိမ်မှာရှိတဲ့ ဆန်နဲ့ တခြားရိက္ခာတွေကို ဝင်စားသောက်ပြီး နေအိမ်တွေကို ဖျက်ဆီးခဲ့တာတွေလည်း ရှိတယ်။” ပဲခူးရိုးမ  တဘူးလှဆည် တည်ဆောက်ခဲ့ချိန်ကစတင်ပြီး တောဆင်ရိုင်းတွေ စားကျက် ပျောက်ခဲ့တာပါ။ ဆင်တွေ စားကျက် ပျောက်ခဲ့တဲ့အတွက် ပဲခူးရိုးမအနီးရှိ ကျေးရွာတွေကို ဝင်ရောက်ပြီး စိုက်ခင်းတွေကို ဝင်ရောက်စားသောက်ခြင်း၊ ကျေးရွာများကို ဝင်ရောက်ပြီး နေအိမ်များကို ဝင်ရောက်စားသောက် ဖျက်ဆီးတာတွေ ဖြစ်ပေါ်ခဲ့တာပါ။ တိုက်ကြီးမြို့နယ်အတွင်း ၂၀၁၅ ခုနှစ်မှ ၂၀၁၇ ခုနှစ်အထိ တောဆင်ရိုင်း ၁၀ ကောင်ထက် ဆင်မုဆိုးတွေ အသတ်ခံခဲ့ရပြီး တနှစ်ကို တောဆင်ရိုင်း အနင်းခံရပြီ လူ ၃ ဦးလောက် သေဆုံးခဲ့ပါတယ်။ မေသွယ်
9 months Ago
Up