နေအိမ်ပြန်

A d v e r t i s e m e n t With Us

October 9, 2020

မြန်မာနိုင်ငံ၏ အသက်အကြီးဆုံး ကိုဗစ်-၁၉ လူနာ Negative ပြန်ဖြစ်ပြီး နေအိမ်ပြန်

မြန်မာပြည်မှာ အသက်အကြီးဆုံး ကိုဗစ်-၁၉  အတည်ပြုလူနာဖြစ်တဲ့ အသက် ၁၀၀ အရွယ်ရှိ အဘွား ဒေါ်သိန်းခင်ဟာ  ပိုးကင်းစင် Negativeဖြစ်ပြီး  ရောဂါသက်သာပျောက်ကင်းသွားလို့  သူ့ရဲ့ နေအိမ်ကို ပြန်သွားနိုင်ပြီ ဖြစ်ပါတယ်။     မြေးဖြစ်သူ Positive လူနာကတဆင့် ကိုဗစ်-၁၉ ရောဂါ ကူးစက်ခံခဲ့ရတဲ့  အဘွား ဒေါ်သိန်းခင်ဟာ မနေ့ကပဲ Negative ပြန်ဖြစ်ပြီး ရောဂါသက်သာလာလို့ သူဆေးကုသမှု ခံယူနေတဲ့ ရိုးမရိပ်သာကုသရေးစင်တာကနေ အင်းစိန်မြို့နယ်၊ ဖော့ကန်ရပ်ကွက်ရှိ သူ့ရဲ့နေအိမ်ကို ပြန်သွားခဲ့ကြောင်း အင်းစိန်မြို့နယ် တိုင်းဒေသကြီး လွှတ်တော်ကိုယ်စားလှယ် ဦးဝေဖြိုးဟန်ရဲ့ လူမှုကွန်ရက်စာမျက်နှာမှာ ဖော်ပြထားပါတယ်။  အင်းစိန် GTI မှာဖွင့်လှစ်ထားတဲ့  ကွာရန်တင်းစင်တာအမှတ် ၁ ကို ရောက်ရှိလာတဲ့ ဒေါ်သိန်းခင်ဟာ စက်တင်ဘာ ၂၃ ရက်က ကျန်းမာရေးဌာနက ကိုဗစ်-၁၉ Positive လူနာ အဖြစ်ကြေညာပြီးနောက် အင်းစိန် GTI ကွာရန်တင်းစင်တာကနေ  ရိုးမရိပ်သာကုသရေးစင်တာကို လွှဲပြောင်း ကုသမှုခံယူစေခဲ့တာ ဖြစ်ပါတယ်။ အသက် ၁၀၀ ရှိပြီဖြစ်တဲ့ အဘွား ဒေါ်သိန်းခင်ဟာ  မြန်မာနိုင်ငံမှာ စစ်ဆေးတွေ့ရှိတဲ့  ကိုဗစ်-၁၉ အတည်ပြုလူနာတွေအထဲမှာ အသက်အကြီးဆုံး Positive လူနာအဖြစ် မှတ်တမ်းဝင်ခဲ့သလို၊ ကုသရေးစင်တာမှ ပိုးကင်းစင်သက်သာပြီး အောင်မြင်စွာ ပြန်လည်ဆင်းလာနိုင်တဲ့ အသက်အကြီးဆုံး ပုဂ္ဂိုလ်တစ်ဦးလည်း ဖြစ်ပါတယ်။  
5 months Ago

April 9, 2020

City Hotel တွင် Quarantine လုပ်နေသူ ၁၀၀ ကျော် ရောဂါပိုးမတွေ့သဖြင့် နေအိမ်ပြန်

ရန်ကုန်တိုင်း ဗိုလ်တစ်ထောင်မြို့နယ် City Hotel မှာ Quarantine လုပ်ပြီးနေထိုင်နေသူ ၁၀၀ ကျော် ရောဂါပိုးမတွေ့တာကြောင့် ဧပြီ ၉ ရက်နေ့က အိမ်ပြန်ကြပြီလို့ သိရပါတယ်။ သူတို့တွေဟာ ပြည်ပက ပြန်လည်ဝင်ရောက်လာပြီး ၁၄ ရက်ကြာ Quarantine လုပ်နေခဲ့ကြသူတွေပါ။ City Hotel မှာ Quarantine လုပ်သူစုစုပေါင်း ၁၂၃ ဦးရှိပြီး နိုင်ငံခြားသား ၅၇ နဲ့ မြန်မာနိုင်ငံသား ၇၀ကျော်ဖြစ်ပါတယ်။ ဧပြီ ၈ ရက်နေ့မှာ မြန်မာနိုင်ငံသားအယောက် ၂၀ ကျော် အိမ်ပြန်သွားခဲ့ပြီး ဧပြီလ ၉ ရက်နေ့မှာ အယောက် ၈၀ ကျော် အိမ်ပြန်သွားခဲ့တာပါ။ Quarantine  လုပ်နေတဲ့ ၁၄ ရက်လုံးအဆင်ပြေပြီး လူတိုင်း ကိုယ့်အတွက်ပဲ မကြည့်ဘဲ ကိုယ့်မိသားစု ကိုယ့်တိုင်းပြည်အားလုံးအတွက် ၁၄ ရက် Quarantine လုပ်စေချင်ပါတယ်လို့ နေအိမ်ပြန်သူတဦးက ပြောပါတယ်။ City Hotel မှာ Quarantine လုပ်သူတွေထဲ ပြည်ပကပြန်လာသူ အသက် ၂၄ နှစ်အရွယ် အမျိုးသမီးတဦးသာ နေမကောင်းလို့ ဆေးခန်းပြရာကနေ ရောဂါပိုးတွေ့ရှိခဲ့တာဖြစ်ပြီး ကျန်တဲ့ သူအားလုံးကတော့ ကျန်းမာရေးကောင်းမွန်စွာ အိမ်ပြန်ခဲ့ကြတာ ဖြစ်ပါတယ်။
11 months Ago
Up