နေမာ

March 20, 2022

ပီအက်စ်ဂျီ တိုက်စစ်မှူး နေမာကို ခေါ်ယူရန် နယူးကာဆယ်အသင်း စိတ်ဝင်စား

ပီအက်စ်ဂျီအသင်းမှာ အဆင်မပြေဖြစ်နေတဲ့ တိုက်စစ်မှူးနေမာကို နယူးကာဆယ်အသင်းက စိတ်ဝင်စားနေပါတယ်။ 

ချန်ပီယံလိဂ်ပြိုင်ပွဲမှာ အောင်မြင်မှုမရခဲ့တဲ့အပေါ် ပီအက်စ်ဂျီပရိသတ်တွေက မကျေမနပ်ဖြစ်နေပြီး အသင်းရဲ့ အဓိက ကစားသမားတွေဖြစ်တဲ့ နေမာနဲ့ မက်ဆီကို လှောင်ပြောင်မှုတွေ ပြုလုပ်ခဲ့ကြပါတယ်။ 

တိုက်စစ်မှူးနေမာအနေနဲ့ ပဲရစ်မှာ အဆင်မပြေဖြစ်နေတဲ့အပေါ် နယူးကာဆယ်အသင်းက အခြေအနေကို စောင့်ကြည့်နေပြီး ခေါ်ယူဖို့စိတ်ဝင်စားနေတယ်လို့ စပိန်သတင်းစာ တွေက ဖော်ပြကြပါတယ်။ 

စပိန်အပြောင်းအရွှေ့သတင်း မီဒီယာ ဖက်ချ်ဟာဂျက်စ် (Fichajes) ကတော့ နေမာဟာ လာမယ့်နွေရာသီအပြောင်းအရွှေ့မှာ စိန်ခေါ်မှုသစ်တခု လိုချင်နေပြီး အသင်းပြောင်းရွှေ့ဖို့ စဉ်း စားနိုင်တယ်လို့ ဖော်ပြခဲ့ပါတယ်။ 

နယူးကာဆယ်အသင်းကို ငွေကြေးချမ်းသားကြွယ်ဝတဲ့ ဆော်ဒီအုပ်စုက ပိုင်ဆိုင်တာကြောင့် နေမာ ကို ခေါ်ယူမယ်ဆိုရင် လိုအပ်တဲ့ ပြောင်းရွှေ့ကြေးနဲ့ လုပ်ခလစာကို အသင့်ပေးချေနိုင်တဲ့ ဘဏ္ဍာရေးပိုင်ဆိုင်ထားတာပါ။ 

အသက် ၃၀ နှစ်ရှိ နေမာဟာ အသင်းနဲ့စာချုပ် သက်တမ်းတိုးထားတာ မကြာသေးပါဘူး။ နေမာအတွက် ဘာစီလိုနာကို ပီအက်စ်ဂျီက  ကမ္ဘာ့စျေးအကြီးဆုံး ပြောင်းရွှေ့ကြေးအနေနဲ့ ပေါင် ၁၉၈ သန်း ပေးချေခဲ့ရတာပါ။ 

နယူးကာဆယ် အသင်းအနေနဲ့ နေမာကို ခေါ်ယူဖို့ ကမ်းလှမ်းမယ်ဆိုရင် ဘာစီလိုနာနဲ့ မန်စီးတီးအသင်းတွေနဲ့ အပြိုင်လုရဖွယ်ရှိတယ်လို့ သိရပါတယ်။ 

3 months Ago

March 17, 2022

ပရိသတ်များ၏ လှောင်ပြောင်ခြင်းခံခဲ့ရသည့် မက်ဆီ အသင်းပြောင်းရန် အစီအစဉ်မရှိ

တိုက်စစ်မှူး မက်ဆီဟာ ပီအက်စ်ဂျီအသင်း ပရိသတ်တွေရဲ့ လှောင်ပြောင်ခံခဲ့ရပေမယ့် လာမယ့်ရာသီမှာ အသင်းပြောင်းဖို့ မရှိဘူးလို့ သိရပါတယ်။
ပီအက်စ်ဂျီအသင်းဟာ ချန်ပီယံလိဂ် ၁၆ သင်းအဆင့်မှာ ရီးရဲလ်မက်ဒရစ်ကို နှစ်ကျော့ပေါင်း ၃ ဂိုး ၂ ဂိုး ရလဒ်နဲ့ ရှုံးနိမ့်ပြီး ပြိုင်ပွဲကနေ ထွက်ခဲ့ရပါတယ်။
ပြီးခဲ့တဲ့တပတ်က လီဂူးဝမ်းပွဲစဉ်မှာ မက်ဆီနဲ့ နေမာကို ပီအက်စ်ဂျီပရိသတ်တွေက ပစ်မှတ်ထား လှောင်ပြောင်ခဲ့ကြတာပါ။
ဒီအခြေအနေကြောင့် မက်ဆီအနေနဲ့ အသင်းပြောင်းဖို့ရှိနေပြီး အသင်းဟောင်း ဘာစီလိုနာကို ပြန်သွားဖို့ရှိတယ်လို့ သတင်းတွေမှာ ခန့်မှန်း သုံးသပ်နေကြပါတယ်။
မက်ဆီဟာ ပီအက်စ်ဂျီအသင်းနဲ့အတူ အောင်မြင်မှုတွေရယူဖို့ ရည်မှန်းနေဆဲဖြစ်ပြီး အသင်းပြောင်းရွှေ့မှာ မဟုတ်ကြောင်း မက်ဆီနဲ့နီးစပ်တဲ့ သတင်းရင်းမြစ်တွေရဲ့ ပြောဆိုချက်ကို ကိုးကားပြီး ဒေးလီးမေးလ်သတင်းမှာ ဖော်ပြထားပါတယ်။
အသက် ၃၄ နှစ်ရှိ အာဂျင်တီးနားတိုက်စစ်မှူးဟာ ပီအက်စ်ဂျီနဲ့ ၂ နှစ်စာချုပ် ချုပ်ဆိုထားပြီး စာချုပ်သက်တမ်း ကုန်ဆုံးချိန်ရောက်မှ အနာဂတ်ကို ဆွေးနွေးဆုံးဖြတ်သွားဖို့ ရှိပါတယ်။
မက်ဆီဟာ ပြင်သစ်လိဂ်မှာတော့ ၁၈ ပွဲကစားအပြီး ၂ ဂိုးသွင်း၊ ဂိုးဖန်တီးမှု ၁ဝ ကြိမ် ပြုလုပ်ထားပါတယ်။

4 months Ago
More News
Up