နေပြည်တော်

August 18, 2021

နေပြည်တော်တွင် လျှပ်စစ်ဘတ်စ်ကားနှင့် မြေအောက်ရထားလမ်းများဖောက်ရန် အာဏာသိမ်းစစ်ခေါင်းဆောင် ညွှန်ကြား

နေပြည်တော်ကောင်စီနယ်မြေမှာ မြို့ပတ်ရထားလမ်းတွေ၊ ဘတ်စ်ကားလမ်းတွေ၊ လျှပ်စစ်ဘတ်စ် ကားလမ်းတွေနဲ့ မြေအောက်ရထားလမ်းတွေ တည်ဆောက်နိုင်ဖို့ ကြိုတင်စီမံဆောင်ရွက်ထားကြဖို့ အာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်က ညွှန်ကြားလိုက်ပါတယ်။

နေပြည်တော်မှာ ဩဂုတ် ၁၇ ရက်ကကျင်းပတဲ့ နေပြည်တော်မြို့တော် ဖွံ့ဖြိုးတိုးတက်ရေး အစည်းအဝေးသို့ တက်ရောက် အမှာစကားပြောကြားရာမှာပြောသွားတာဖြစ်ပါတယ်။

နေပြည်တော်ကို လျှပ်စစ်ဘတ်စ်ကားလုပ်ငန်းတွေ၊ မြို့ပတ်ရထားလမ်းတွေ၊ မြေအောက်ရထားလမ်းတွေနဲ့ မြို့ကိုဖွံ့ဖြိုးတိုးတက်အောင် ဆောင်ရွက်ရမှာဖြစ်ပြီး လျှပ်စစ်ကားပြေးဆွဲနိုင်ရေးကို မဖြစ်မနေအကောင်အထည်ဖော် ဆောင်ရွက်သွားဖို့ တိုက်တွန်း ပြောသွားပါတယ်။

နေပြည်တော်ကောင်စီနယ်မြေမှာ လူဦးရေသန်း ၂၀ အထိနေထိုင်နိုင်ဖို့ ရည်ရွယ်တည်ဆောက်ထားတာဖြစ်ပြီး နောင်အနာဂတ်  နေပြည်တော်မှာ မြို့နေလူဦးရေတိုးပွားပြီး မော်တော်ယာဉ်တွေ၊ မီးရထားတွေ၊ လျှပ်စစ်ရထားတွေ လျှပ်စစ်ကားတွေ တိုးချဲ့ပြေးဆွဲလာတဲ့အခါ ယာဉ်ကြောပိတ်ဆို့မှု မဖြစ် ပေါ်စေဖို့လည်း  နည်းလမ်းရှာဖွေ ဆောင်ရွက်ကြဖို့လည်း အာဏာသိမ်းစစ်ခေါင်းဆောင်က ပြောပါတယ်။

နေပြည်တော်နဲ့ ရန်ကုန်မြို့မှာ မီးရထားပြတိုက်တည်ဆောက်ဖို့၊  နေပြည်တော်ကို Green City ၊ Clean City ၊ Smart City အဖြစ် သန့်ရှင်း၊ သန့်ရပ်၊ သာယာ၊ လှပ စိမ်းလန်း၊ စိုပြည်တဲ့ မြို့တော်တစ်ခုဖြစ်စေရေးအတွက် အဘက်ဘက်မှ စဉ်စားသုံးသပ် အကောင်အထည်ဖော် ဆောင်ရွက်သွားကြဖို့လည်းပြောသွားပါတယ်။

ဒါ့အပြင် နေပြည်တော်ကောင်စီနယ်မြေဟာ မြစ်ချောင်းတွေပေါများပြီး  စိုက်ပျိုးရေးအတွက် မြေဩဇာကောင်းမွန်တဲ့အတွက် စိုက်ပျိုးရေးမွေးမြူရေးလုပ်ငန်းတွေ အထွက်ကောင်းမွန်အောင် ဆောင်ရွက်ဖို့၊ ရေအားလျှပ်စစ် ထုတ်လုပ်ရေးလုပ်နေသလို နေရောင်ခြည် စွမ်းအင်သုံးလျှပ်စစ်ဓာတ်အားထုတ်လုပ်ဖို့နဲ့ ဒေသထွက် ဝါကုန်ကြမ်းအပေါ် အခြေခံပြီး နေပြည်တော်နယ်မြေအတွင်း ချည်မျှင်နဲ့ အထည်စက်ရုံတွေတည်ဆောက်ကာ ပြည်ပတင်ပို့ ရောင်းချဖို့လည်းပြောပါတယ်။

နေပြည်တော်မှာ နေရာကောင်းရွေးပြီး  တက္ကသိုလ်တွေ  တည်ဆောက်ဖို့၊ ပညာရေးနဲ့ ပတ်သက်တဲ့မြို့တော်အဖြစ်ဆောင်ရွက်ဖို့နဲ့    နေပြည်တော်ကို စံပြအဖြစ်ဆောင်ရွက်ပြီး တခြား တိုင်းဒေသကြီးနဲ့ ပြည်နယ်တွေအလိုက်  ဖွံ့ဖြိုးတိုးတက်ရေးအတွက်လည်း ဆက်လက် ဆောင်ရွက်ဖို့ လည်း စစ်ခေါင်းဆောင်က ပြောသွားပါတယ်။

အာဏာသိမ်းစစ်ခေါင်းဆောင်က  ခုလိုပြောနေပေမဲ့ မြန်မာနိုင်ငံမှာ စစ်အာဏာသိမ်းပြီး ၆ လ အကြာ တိုင်းပြည်ရဲ့  စီးပွားရေး၊ ပညာရေး၊ ကျန်းမာရေး နယ်ပယ်အသီးသီးမှာ  အဘက်ဘက်က ယိုယွင်းချွတ်ခြုံကျပြီး ကျရှုံးနိုင်ငံဖြစ်လာနေပြီလို့  နိုင်ငံတကာ ပညာရှင်တွေက သုံးသပ်ပြောပါတယ်။

Photo-DSINFO

1 month Ago

August 16, 2021

ဒီးမော့ဆို၊ မိုးဗြဲ၊ ဖယ်ခုံ၊ ရှမ်းတောင်၊ နေပြည်တော်၊ လွိုင်ကော် PDF ၆ ဖွဲ့ ပူးပေါင်း

အာဏာသိမ်းစစ်ကောင်စီကို အမြစ်ဖြတ်တွန်းလှန်ဖို့ နေပြည်တော် ပြည်သူ့ကာကွယ်ရေးတပ်ဖွဲ့ အပါအဝင် ကယားပြည်နယ်နဲ့ ရှမ်းပြည်နယ်တောင်ပိုင်းက ညီနောင်မဟာမိတ် ၆ ဖွဲ့ ပူးပေါင်းလိုက်တယ်လို့ ဩဂုတ် ၁၆ ရက်မှာ ကြေညာပါတယ်။

      နွေဦးတော်လှန်ရေးမှာ ရှေ့ဆက်လုပ်ငန်းစဉ်တွေ ပူးပေါင်းဆောင်ရွက်သွားကြမယ့် ညီနောင်မဟာမိတ် ၆ ဖွဲ့ကတော့ အရင်က ပူးပေါင်းပြီးဖြစ်တဲ့ ပြည်သူ့ကာကွယ်ရေးတပ်- ဒီးမော့ဆို (DMO PDF)၊ ပြည်သူ့ကာကွယ်ရေးတပ်-မိုးဗြဲ (MB PDF)၊ ဖယ်ခုံ (PK PDF) တို့နဲ့အတူ နောက်ထပ် ၃ ဖွဲ့ဖြစ်တဲ့ ပြည်သူ့ကာကွယ်ရေးတပ်-ရှမ်းတောင် (SS PDF)၊ ပြည်သူ့ကာ ကွယ်ရေးတပ်-နေပြည်တော် (NPT PDF)၊ ပြည်သူ့ကာကွယ်ရေးတပ်-လွိုင်ကော် (LKW PDF) တို့ ပါဝင်လာခဲ့တာပါ။

      ညီနောင်မဟာမိတ် ၆ ဖွဲ့ဟာ ပြည်သူလူထုကို အခြေခံဖွဲ့စည်းထားတာကြောင့် ပြည်သူ့ဆန္ဒသဘောထားကို အပြည့်အဝ ဦးစားပေးဆောင်ရွက်သွားမှာဖြစ်ပြီး စစ်အာဏာရှင်ကို အမြစ်ပြတ်တွန်းလှန်မယ့် တိုင်းရင်းသားလက်နက်ကိုင်အဖွဲ့အစည်း EAOs တွေနဲ့ ချိတ်ဆက်ပူးပေါင်းတိုက်ထုတ်သွားမယ်လို့ ဆိုပါတယ်။

မြန်မာနိုင်ငံမှာ ပြီးခဲ့တဲ့ ဖေဖော်ဝါရီ ၁ ရက်နေ့က စတင်ကာ အကြမ်းဖက်စစ်အုပ်စုက မတရားအာဏာသိမ်းယူခဲ့တာကို ဆန့်ကျင်ဆန္ဒပြခဲ့ကြတဲ့ နွေဦးတော်လှန်ရေးကာလဟာ ၆ လခွဲကျော် ကြာမြင့်ခဲ့ပြီ ဖြစ်ပါတယ်။

ဒီကာလတွေအတွင်း အကြမ်းဖက်ဖြိုခွင်းမှုတွေကြောင့် ထိခိုက်ကျဆုံးရသူတွေ၊ ဖမ်းဆီးထောင်ချခံရသူတွေနဲ့အတူ နိုင်ငံအဝန်း တောရောမြို့ပါမကျန် ဒေသခံပြည်သူ့ကာ ကွယ်ရေးတပ်တွေနဲ့ စစ်ကောင်စီတပ်တွေကြားတိုက်ပွဲတွေလည်း ပြင်းထန်နေတာပါ။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (အေအေပီပီ) ရဲ့ ထုတ် ပြန်ချက်အရ လတ်တလောအချိန်ထိ အာဏာသိမ်းစစ်ကောင်စီတပ်ရဲ့ ပစ်ခတ်သတ်ဖြတ်မှုကြောင့် အပြစ်မဲ့ကျဆုံးပြည်သူ ၉၇၀ ကျော်၊ ဖမ်းဆီးထိန်းသိမ်းခံခဲ့ရသူပေါင်း ၇,၀၀၀ ကျော်ထိ ရှိခဲ့တယ်လို့ ဆိုပါတယ်။

1 month Ago
More News
Up