နိုဝင်ဘာ ၃၀

November 27, 2020

ပြင်သစ်သမ္မတဟောင်းအမှု နိုဝင်ဘာ ၃၀ ရက်နေ့ ပြန်စမည်

ပြင်သစ်သမ္မတဟောင်း နီကိုးလပ်စ် ဆာကိုဇီအပေါ် စွဲဆိုထားတဲ့ အကျင့်ပျက်ခြစားမှု ရုံးချိန်းကို  ရွှေ့ဆိုင်းပေးဖို့ အဓိကတရားခံတစ်ယောက်က မေတ္တာရပ်ခံခဲ့ပေမယ့် နိုဝင်ဘာ ၃၀ မှာ ပြန်စသွားမယ်လို့ တရားသူကြီးက ပြောဆိုလိုက်ပါတယ်။  နိုဝင်ဘာလ ၂၆ ရက်က သမ္မတဟောင်း ဆာကိုဇီဟာ တရားရုံးကို ခေတ္တလာရောက်ခဲ့ပြီး အမှုမှာ အဓိကကျတဲ့ ယီဘဲ အာဇီဘဲနဲ့ပတ်သက်လို့  တရားသူကြီးတွေရဲ့ ဆုံးဖြတ်ချက်ကို နားထောင်ခဲ့ပါတယ်။ အာဇီဘဲဟာ ကျန်းမာရေးအခြေအနေကြောင့် တရားရုံးလာနိုင်မှာ မဟုတ်ဘူးလို့ ရှေ့နေက တရားသူကြီးတွေကို ပြောဆိုခဲ့ပေမဲ့ နိုဝင်ဘာ ၃၀ ရက် ရုံးချိန်း ပြန်စတဲ့အခါ အာဇီဘဲကို တွေ့ဖို့ မျှော်လင့်တယ်ဆိုပြီး တရားသူကြီးတွေက ပြောခဲ့ပါတယ်။  အာဇီဘဲဟာ တရားသူကြီးဟောင်း တစ်ယောက်ဖြစ်ပြီး ဆာကိုဇီက အာဇီဘဲကို ရာထူးကောင်းကောင်းပေးကာ လျှို့ဝှက်သတင်းတောင်းယူခဲ့တယ်လို့ အစိုးရရှေ့နေတွေက ဆိုပါတယ်။  ဆာကိုဇီဟာ ၂၀၀၇ သမ္မတ မဲဆွယ်ပွဲအတွက် လော်ရယ်အလှကုန် အမွေဆက်ခံသူ လီလီယန် ဘက်သန်ကူဆီက တရားမဝင် ငွေကြေးလက်ခံခဲ့တယ်ဆိုပြီး စွပ်စွဲခံထားရကာ သမ္မတဟောင်း ဆာကိုဇီကတော့ စွပ်စွဲချက်တွေကို ငြင်းဆိုထားပါတယ်။  ဆာကိုဇီဟာ ပြင်သစ်သမ္မတအဖြစ် ၂၀၀၇ ခုနှစ်ကနေ ၂၀၁၂ အထိ တာဝန်ထမ်းခဲ့ပြီး ကွန်ဆာဗေးတစ်တွေအကြား သြဇာကြီးနေဆဲပဲလို့ ရိုက်တာသတင်းမှာ ဖော်ပြထားပါတယ်။
4 months Ago
Up