နိုင်ပွဲဆက်

December 15, 2019

လီဗာပူး နိုင်ပွဲဆက်ပြီး ချဲလ်ဆီး အိမ်ကွင်းတွင် ရှုံးပွဲတွေ့ (ရုပ်သံဟိုက်လိုက်)

မနေ့ညက ကစားသွားခဲ့တဲ့ ပရီးမီးယားလိဂ်ပွဲစဉ်တွေမှာ ချဲလ်ဆီးအသင်း ရှုံးပွဲတွေ့သွားခဲ့ပြီး လီဗာပူးအသင်း နိုင်ပွဲဆက်ခဲ့ပါတယ်။  ချဲလ်ဆီးအသင်းဟာ အိမ်ကွင်း စတန်းဖို့ဒ်ဘရစ်ချ်မှာ ဘုန်းမောက်အသင်းကို လက်ခံကစားခဲ့ပြီး ၁ ဂိုး ဂိုးမရှိနဲ့ ရှုံးနိမ့်သွားခဲ့ရတာပါ။ နည်းပြ လမ်းပတ်အတွက် ပရီးမီးယားလိဂ် ၂ ပွဲ ဆက်တိုက်ရှုံးနိမ့်ခဲ့ရပြီး ချန်ပီယံလိဂ်ဝင်ခွင့်အတွက်  အမှားလုပ်လို့မရတော့တဲ့ အခြေအနေ ဖြစ်သွားခဲ့ရပါတယ်။ လီဗာပူးကတော့ အမှတ်ပေးဇယား အောက်ဆုံးကို ဝက်ဖို့ဒ်အသင်းကို အကြိတ်အနယ် ကစားခဲ့ရပြီး ဆာလက်ရဲ့သွင်းဂိုး ၂ ဂိုးနဲ့ အနိုင်ရခဲ့ တာပါ။  ဒုတိယနေရာက လက်စတာအသင်းကတော့ နော့ဝှစ်ချ်အသင်းနဲ့ အိမ်ကွင်းမှာ သရေကျခဲ့လို့ လီဗာပူး နဲ့ ၁၀ မှတ်အထိ ကွာဟခဲ့ပြီ ဖြစ်ပါတယ်။ ဒီကနေ့ညမှာတော့ မန်ယူက အဲဗာတန်၊ စပါးအသင်းက ဝုဗ်ဗာဟမ်တန်နဲ့ အဝေးကွင်းပွဲစဉ် ကစားရမှာဖြစ်ပြီး အာဆင်နယ်က မန်စီးတီးအသင်းကို အိမ်ကွင်းမှာ လက်ခံကစားသွားရမှာ ဖြစ်ပါတယ်။ 
1 year Ago

November 4, 2019

စပါး သရေကျပြီး လက်စတာ နိုင်ပွဲဆက် (ရုပ်သံဟိုက်လိုက်)

မနေ့ညက ယှဉ်ပြိုင်သွားတဲ့ ပရီးမီးယားလိဂ်ပွဲစဉ်တွေမှာ ရလဒ်တွေ မကောင်းလို့ ရုန်းကန်နေရတဲ့ စပါးအသင်း သရေကျပြီး လက်စတာ အနိုင်ရသွားပါတယ်။  စပါးအသင်းက အဲဗာတန်အသင်းကို ၆၃ မိနစ်မှာ ကွင်းလယ်သမား အလီ သွင်းတဲ့ဂိုးနဲ့ ဦးဆောင်နိုင်ခဲ့ပါတယ်။ ဒါပေမဲ့ ၇၉ မိနစ်လောက်မှာ တိုက်စစ်မှူး ဆွန်ဟိုမင်း အနီကတ်နဲ့ အထုတ်ခံရပြီး တယောက်လျော့နဲ့ ယှဉ်ပြိုင်သွားရပါတယ်။ အိမ်ရှင် အဲဗာတန်အတွက် ချေပဂိုးကို ပွဲပြီးကာနီးမှာ တိုဆန်က သွင်းယူပါတယ်။  လက်စတာအသင်းကတော့ အဝေးကွင်းမှာ ခရစ္စတယ်ပဲလေ့စ်ကို ၂ ဂိုးပြတ်နဲ့ အနိုင်ရသွားပါတယ်။  လက်စတာအတွက် ဦးဆောင်ဂိုးကို ဆန်ရန်ခူး၊ ဒုတိယဂိုးကို တိုက်စစ်မှူး ဗာဒီက သွင်းယူပါတယ်။  ပရီးမီးယားလိဂ် အမှတ်ပေးဇယားမှာတော့ လက်စတာက ရမှတ် ၂၃ မှတ်နဲ့ အဆင့် ၃၊ ပဲလေ့စ်က ရမှတ် ၁၅ မှတ်နဲ့ အဆင့် ၉၊ စပါးက ရမှတ် ၁၃ မှတ်နဲ့ အဆင့် ၁၁၊ အဲဗာတန်က ရမှတ် ၁၁ မှတ်နဲ့ အဆင့် ၁၇ မှာ အသီးသီး ရပ်တည်နေပါတယ်။
2 years Ago
Up