နိုင်ငံပိုင်သိမ်း

November 2, 2021

တန့်ဆည် လွှတ်တော်ကိုယ်စားလှယ် ၃ ဦး၏ နေအိမ်များကို စစ်ကောင်စီက နိုင်ငံပိုင်သိမ်း

စစ်ကိုင်းတိုင်း၊ တန့်ဆည်မြို့နယ်က ပြည်သူ့လွှတ်တော်ကိုယ်စားလှယ်နဲ့တိုင်းဒေသကြီး လွှတ်တော်ကိုယ်စားလှယ် ၃ ဦးရဲ့ နေအိမ်တွေကို နိုဝင်ဘာလ ၁ ရက်နေ့နဲ့ ၂ ရက်နေ့တွေမှာ စစ်ကောင်စီက နိုင်ငံပိုင်သိမ်းဆည်း ချိပ်ပိတ်လိုက်တယ်လို့ သိရပါတယ်။

အမှတ် ၂ တိုင်းဒေသကြီး လွှတ်တော်ကိုယ်စားလှယ်ရဲ့နေအိမ်ကို မနေ့က ချိပ်ပိတ်သွားတာ။ တိုင်းဒေသကြီးလွှတ်တော်ကိုယ်စားလှယ်တစ်ဦးနဲ့ ပြည်သူ့လွှတ်တော်ကိုယ်စားလှယ်ရဲ့ နေအိမ်တွေကိုတော့ ဒီနေ့ညနေပဲ ချိတ်ပိတ်လိုက်ကြတယ်” လို့ ဒေသခံတဦးက ပြောပါတယ်။

စစ်ကောင်စီက PDF တွေနဲ့ပတ်သက်ဆက်နွယ်ပြီး ထောက်ပံ့နေတယ်ဆိုပြီး အမှတ် (၂) တိုင်းဒေသကြီး လွှတ်တော်ကိုယ်စားလှယ်ဦးမြင့်ဦးရဲ့ ဂျပန်စကားပြောသင်တန်းကျောင်းနေအိမ်ကို နိုဝင်ဘာ ၁ ရက်နေ့က ချိပ်ပိတ်ခဲ့ပြီး၊ အမှတ်(၁)တိုင်းဒေသကြီး လွှတ်တော်ကိုယ်စားလှယ် ဦးကျော်ရွှေရဲ့ နေအိမ် (အောင်တံခွန်အမျိုးသမီးဆောင်) နဲ့ ပြည်သူ့လွှတ်တော်ကိုယ်စားလှယ် ဦးမြင့်ထွန်းရဲ့နေအိမ် (အောင်တံခွန်အမျိုးသားဆောင်) တို့ကို နိုဝင်ဘာလ ၂ ရက်နေ့ ညနေပိုင်းမှာ လာရောက်ချိပ်ပိတ်သွားတာဖြစ်ပါတယ်။

ရွှေဘိုခရိုင်အတွင်းမှာ အောက်တိုဘာ ၂၅ ရက်နေ့ကစပြီး ရေဦး၊ ရွှေဘို၊ ဝက်လက်စတဲ့ မြို့နယ်တွေက လွှတ်တော်ကိုယ်စားလှယ်တွေနဲ့ ပုဂ္ဂလိက ကျောင်းနဲ့ဈေးတိုင်တွေကို စစ်ကောင်စီက နိုင်ငံပိုင်လိုက်လံသိမ်းဆည်းနေတာဖြစ်ပါတယ်။

3 months Ago

October 28, 2021

ဝက်လက်တွင် အမတ် ၂ ဦးအိမ်အပါအဝင် ပုဂ္ဂလိကကျောင်းနှင့်စတိုးဆိုင် ၅ ခု နိုင်ငံပိုင်သိမ်းခံရ

စစ်ကိုင်းတိုင်း ဝက်လက်မြို့ပေါ်က အမတ် ၂ ဦး နေအိမ်အပါအဝင် ပုဂ္ဂလိကကျောင်းနှင့်စတိုးဆိုင် ၅ ခုကို PDF နဲ့ ပတ်သက်ဆက်နွှယ်တယ်ဆိုပြီး စစ်ကောင်စီက ပြည်သူပိုင် သိမ်းလိုက်တယ်လို့ မြို့ခံတစ်ဦးက ပြောပါတယ်။

ပြည်သူ့လွှတ်တော်ကိုယ်စားလှယ် ဦးမြင့်သိန်း၊ တိုင်ဒေသကြီးလွှတ်တော်ကိုယ်စားလှယ် ဦးမောင်မောင်ဝင်းတို့ရဲ နေအိမ်အပါအဝင် ဟေမာန်သစ်ကိုယ်ပိုင်အထက်တန်းကျောင်း၊ သန်းသန်းဌေးစတိုးဆိုင်၊ ခိုင်သဇင်စတိုးဆိုင်တို့ကို  အောက်တိုဘာ ၂၇ ရက် ညနေပိုင်းမှာ နိုင်ငံပိုင် သိမ်းဆည်းလိုက်တယ်ဆိုတဲ့ ဗီနိုင်း လာကပ်သွားတယ်လို့ သိရပါတယ်။

“သူတို့ အားလုံးကို PDF နဲ့ပက်သက်နေတယ်လို့ စွတ်စွဲပြီး နိုင်ငံတော်ပိုင်ဆိုပြီး ချိတ်ပိတ်စာ ကပ်သွားတယ်။ နေအိမ်အတွင်းက အိမ်အသုံးဆောင်ပစ္စည်းတွေကိုလည်း ဝက်လက်ရဲစခန်းထဲ ကားနဲ့ သယ်ယူသွားတယ်”လို့ မြို့ခံ တစ်ဦးက ပြောပါတယ်။

စစ်အာဏာသိမ်းပြီးနောက် ကိုယ်စားလှယ် နှစ်ဦးမှာ တိမ်းရှောင်နေကြပြီး ခိုင်သဇင်စတိုးဆိုင်ပိုင်ရှင် ဦးညွန့်ဌေးကိုတော့ သပိတ်စစ်ကြောင်းတွေကို အကူအညီပေးလို့ဆိုကာ ၅၀၅(က)နဲ့ဖမ်းဆီး ထားတာ ဖြစ်ပါတယ်။

ရွှေဘိုခရိုင်အတွင်းမှာ အောက်တိုဘာ ၂၅ ရက်ကလည်း ရေဦးလွှတ်တော်ကိုယ်စားလှယ်ရဲ့ နေအိမ်၊  ရွှေဘိုမြို့ အမှတ် ၁၀ သူဇာရပ်ကွက်က စံတင်ဟိုတယ်နဲ့အမှတ် ၄ ရပ်ကွက် ရွှေတောင်အနောက်နား မြိုင်ရေဒီယိုကက်ဆက်ပြင်ဆိုင်ကိုလည်း  နိုင်ငံပိုင်သိမ်းထားတယ်လို့ သိရပါတယ်။

3 months Ago
Up