နိုင်ငံခြားပြန်

A d v e r t i s e m e n t With Us

June 10, 2020

ကျောက်ဖြူတွင် နိုင်ငံခြားပြန်များနှင့် ရန်ကုန် ၂ မြို့နယ်က ပြန်လာသူများကိုသာ Facility Quarantine ထားရှိမည် 

ရခိုင်ပြည်နယ်၊ ကျောက်ဖြူမြို့နယ်မှာ ပြည်ပကပြန်လာသူတွေနဲ့ ရန်ကုန်မြို့ရှိ ကန့်သတ်ထားတဲ့ မြို့နယ်တချို့မှ ပြန်လာသူတွေကိုသာ (Facility Quarantine) ထားရှိသွားမယ်လို့ မြို့နယ်အုပ်ချုပ်ရေးမှူးက ပြောပါတယ်။ ကျန်တဲ့တိုင်းနဲ့ပြည်နယ်က ပြန်လာသူတွေအနေနဲ့ သက်ဆိုင်ရာအုပ်ချုပ်ရေးမှူးတွေရဲ့ ထောက်ခံစာပါရှိပါက (Home Quarantine) ထားရှိပေးသွားမယ်လို့ ကျောက်ဖြူမြို့နယ် အုပ်ချုပ်ရေးမှူး ဦးစိုးမိုးကျော်က ဒီဗွီဘီကို ပြောပါတယ်။ “နိုင်ငံခြားကပြန်လာသူတွေအနေနဲ့ကတော့ သက်ဆိုင်ရာ ဒေသကဝင်လာတဲ့အချိန်မှာ ၂၁ ရက် မဝင်ခဲ့ရသေးဘူးဆိုရင်တော့ ဒီရောက်လို့ရှိရင် Facility Quarantine ၂၁ ရက် ဝင်ရမှာပေါ့၊ နောက်ပြီးတော့ (Stay at Home) အစီအစဉ်တွေ မဖျက်သေးတဲ့ ရန်ကုန်မြို့နယ်က အင်းစိန်၊ မရမ်းကုန်းပေါ့။ အဲဒီမြို့နယ်တွေက လာတဲ့သူတွေဆိုရင် ဒီမှာပဲ (FQ) ၂၁ ရက် ဝင်ရမယ်။” ကျောက်ဖြူမြို့မှာ Facility Quarantine စင်တာတွေအဖြစ်  ပညာရေးကောလိပ်မှာ ၄ ခု၊  မြင်းပြင်အိမ်ရာမှာ ၁ ခု စုစုပေါင်း ၅ ခုဖွင့်လှစ်ထားပြီး နိုင်ငံခြားမှ ပြန်လာသူတွေနဲ့ ပြည်တွင်းမှ ပြန်လာသူ စုစုပေါင်း ၁၁၈ ဦးကို အသွားအလာကန့်သတ်ထားရှိပါတယ်။
9 months Ago

May 29, 2020

ရန်ကုန်ဓမ္မရံသီကျောင်းက နိုင်ငံခြားပြန် ၂၅၅ ယောက်  ၂ ကြိမ်ဆက်တိုက် ပိုးမတွေ့ 

ရန်ကုန်တိုင်း၊ လှည်းကူမြို့နယ်ရှိ ဓမ္မရံသီ မိုးကုတ်ရိပ်သာကျောင်းတိုက်မှာ  Quarantine ဝင်နေတဲ့ နိုင်ငံခြားပြန် ၂၅၅ ယောက်လုံးကို ဓာတ်ခွဲနမူနာယူစစ်ဆေးရာမှာ နှစ်ကြိမ်ဆက်တိုက်ပိုးမတွေ့ကြောင်း ကျောင်းတိုက်တာဝန်ခံ ဆရာတော် ဦးဇောတိဿရက ဒီဗွီဘီကို မိန့်ပါတယ်။  သူတို့အနေနဲ့ ရန်ကုန်၊ မန္တလေးအပြင် အနယ်နယ်အရပ်ရပ်ကိုပြန်ရမှာဖြစ်ပြီး  သူတို့နေအိမ်မှာ Home Quarantine တစ်ပတ်ဆက်နေရမှာဖြစ်ကြောင်း၊ သူတို့အနေနဲ့ အိမ်ရောက်တဲ့အခါ ကျန်းမာရေးဌာနဲ့ လမ်းညွှန်ချက်တွေအတိုင်း စနစ်တကျနေထိုင်ဖို့ အရေးကြီးကြောင်း ဆရာတော်က မိန့်ပါတယ်။  Quarantine Centre အဖြစ်ဖွင့်လှစ်ထားတဲ့ ဓမ္မရံသီမိုးကုတ်ရိပ်သာကျောင်းတိုက်ကို မေလ ၉ ရက်နေ့က ကိုးရီးယားကပြန်လာတဲ့ မြန်မာနိုင်ငံသား ၁၀၂ယောက်၊ အဲနေ့မှာဘဲ စင်ကာပူက ပြန်လာတဲ့ ၆၈ ယောက်အပြင် မေလ ၁၃ ရက်နေ့ကကလည်း  စင်္ကာပူကပြန်လာတဲ့ ၈၅ ယောက် စုစုပေါင်း ၂၅၅ယောက်ရှိပါတယ်။ သူတို့အားလုံးကိုမေလ မေလ ၁၉ ရက်နေ့က တစ်ကြိမ် မေလ ၂၇ ရက်နေ့ကတစ်ကြိမ် ဓာတ်ခွဲနမူနာယူစစ်ဆေးရာက နှစ်ကြိမ်လုံးပိုးမတွေ့ခဲ့ပါဘူး။  နိုင်ငံခြားပြန် ၂၅၅ ယောက်အနေနဲ့ မေလ ၃၀ ရက်နေ့နဲ့ မေလ ၃ရက်နေ့တွေမှာ သူတို့ နေရပ်အသီးသီးကို ပြန်ကြမှာဖြစ်ပါတယ်။
9 months Ago
Up